Iloiloga 18 o le Atamai i Aoaoga Faavae
Faaaoga Fuaitau o le Atamai i Aoaoga Faavae
O se tasi faamoemoega o le atamai i aoaoga faavae o le fesoasoani atu lea ia te oe e aoao pe faapefea ona faaaoga aoaoga faavae o loo aoaoina i fuaitau o mau o le atamai i aoaoga faavae i tulaga masani o le olaga. O lenei lesona o le a tuuina atu ai avanoa e faataitai ai le faatatauina o nisi o fuaitau o le atamai i aoaoga faavae o le Feagaiga Fou i lou olaga.
Sauniuniga a le tagata aoga: Valaaulia tagata aoga e fai atu i ni uo se toalua pe toatolu po o ni tagata o le aiga e faasoa mai ia i latou se fuaitau o le Feagaiga Fou latou te moomoo ia suesue ma faaaoga e talavou taitasi i le lalolagi i o latou olaga. Valaaulia tagata aoga e tusi i lalo mau faasino na faasoa ane e a latou uo ma aiga ona saunia lea e faasoa atu na mau i le vasega.
Gaoioiga e ono Mafai Ona Aoao Ai
Fuaitau o le atamai i aoaoga faavae
O se lesona o le fuaitau o le atamai i aoaoga faavae atonu e manaomia ona aoao atu e suitulaga i lenei lesona toe faamanatu. Tagai i le kalena faasolosolo mo lau vasega ua saunia e le faatonu po o le taitai faamaopoopo o le eria po o le risone ina ia mautinoa o lesona o fuaitau o le atamai i aoaoga faavae taitasi o le a aoaoina a o faagasolo ia vasega seminare.
O se isi mea e sui ai le talafaatusa lenei o le soka o le tuu lea o fasipepa laiti se 150 i totonu o se ipu. Tusi le “atamai i aoaoga faavae” i se tasi o pepa. Valaaulia ni nai tagata aoga e se’i se pepa se tasi mai le ipu ma vaai pe o le pepa lea o loo tusia ai le “atamai i aoaoga faavae”.
https://pixabay.com/photos/soccer-goalie-goal-tender-game-1501546/https://pixabay.com/photos/soccer-football-soccer-player-1477569/
Vaai faalemafaufau i le 150 o tagata taaalo sili i le lalolagi o loo tauva e taaalo i le tulaga e puipuia le mea e sikoa i ai le isi au i se au soka sili ona lauiloa. E mafai ona e vaai faalemafaufau i le faigata o le a oo i faiaoga ona filifili na o le toatasi le tagata taalo?
-
O a ni taiala faavae e te manatu e mafai ona faaaoga e faiaoga e tuuitiitia ai po o ai e filifilia?
O le Feagaiga Fou o loo i ai le tusa ma le 8,000 fuaiupu. E na o le 53 o nei fuaiupu (e tusa ma le 1 mai fuaiupu uma e 150) o loo aofia i totonu o fuaitau o le atamai i aoaoga faavae e 24 o le Feagaiga Fou. Vaai faalemafaufau i le luitau o le filifilia po o fea o fuaitau mai le Feagaiga Fou atoa e tatau ona suesueina o ni fuaitau o le atamai i aoaoga faavae.
Valaaulia tagata aoga na faia le gaoioiga sauniuni a tagata aoga e tusi i luga o le laupapa mau faasino na filifilia e uo po o tagata o le aiga. Faailoa atu e tele naua ituaiga o mea eseese i fuaitau o loo tusia i luga o le laupapa ma e tele mau eseese e taua mo le autalavou e suesue ma faaaoga. Ona tuuina atu lea o le fesili lenei.
-
Afai e talosagaina oe e fesoasoani e filifili fuaitau o le atamai i aoaoga faavae, o a ni taiala e te faaaogaina e fuafua ai po o fea fuaitau e te filifilia?
Filifili ni fuaitau se lua o le atamai i aoaoga faavae nei atonu e te le masani tele ai. Faitau le fuaitau atoa i au tusitusiga paia, ma fuafua mafuaaga e te manatu na filifilia ai na fuaitau o ni fuaitau o le atamai i aoaoga faavae mo le autalavou i le lalolagi atoa e taulai i ai.
Atamai i Aoaoga Faavae mo le Feagaiga Fou: 1 Korinito–Faaaliga
|
“O lo outou tino o le malumalu lea o le Agaga Paia.” | |
|
“E leai se tane pe a le o i ai le fafine, e leai foi se fafine pe a le o i ai le tane, i le Alii” | |
|
“Aua faapei ona oti uma ia Atamu, e faapea foi ona faaolaina uma ia Keriso.” | |
|
I le Toetutu, e i ai tikeri e tolu o le mamalu. | |
|
“Ina ia na faaopoopoina ia Keriso i le sauniga i le faaatoaga o tausaga, o i latou uma lava o i le lagi, atoa ma i latou o i le lalolagi.” | |
|
O le Ekalesia o loo ua “atiina ae i luga o le faavae o le au aposetolo, atoa ma le au perofeta, o le maa tulimanu o Iesu Keriso lava lea.” | |
|
“O le aso o Keriso … e le oo mai lena aso, seia muai ona taunuu o le tete’a ese.” | |
|
“O Tusi Paia, e mafaia ona faapoto ai ia te oe e iu ai i le ola i le faatuatua.” | |
|
O lo tatou Tama Faalelagi o “le Tamā o tatou agaga.” | |
|
“A e afai ua leai se poto i so outou, ina ole atu ia i le Atua.” | |
|
“O le faatuatua, pe afai e le i ai galuega, e mate lava.” | |
|
“Na folafola atu foi le talalelei i e ua oti.” | |
|
“Ona faamasinoina ai lea o e na oti … e tusa ma a latou amio.” |
Mafaufau e fai atu i tagata aoga e feoai solo i le potu ma faasoa atu se tasi o fuaitau na latou filifilia i ni isi tagata aoga. Valaaulia i latou e saili tagata aoga o e na filifilia ni fuaitau eseese nai lo fuaitau na latou filifilia.
O lou sootaga ma le Atua
O se tasi o mafuaaga na filifilia ai fuaitau o le atamai i aoaoga faavae ona o loo i ai upumoni e mafai ona faamalosia ai la outou sootaga ma le Tama Faalelagi ma Iesu Keriso.
-
O le a se tasi o fuaitau o le atamai i aoaoga faavae na fesoasoani ia te oe e faamalosia ai lau sootaga ma le Tama Faalelagi ma Iesu Keriso? Na faapefea ona fesoasoani ia te oe?
-
O a upumoni ua e aoaoina e uiga ia i Laua mai lenei fuaitau?
A o faasoa mai tagata aoga, mafaufau foi e faasoa atu tali patino i fesili ua mavae.
Faaaogaina o fuaitau
O se tasi o faamoemoega o le atamai i aoaoga faavae o le fesoasoani lea ia te oe e faaaoga upumoni o loo maua i fuaitau o le atamai i aoaoga faavae i tulaga e fetaiai ma oe i lou olaga i le taimi nei ma le lumanai. Mo se faataitaiga, o le aoaoga faavae o loo aoao mai i le 1 Peteru 4:6 e faapea o le talalelei e talai atu i e ua maliliu i le lalolagi o agaga e mafai ona fesoasoani e faamafanafana ai i se uo ua maliu se ua pele pe mafai foi ona uunaia oe e fai galuega o le malumalu ma galuega talafaasolopito o aiga mo ou tuaa.
Mo le gaoioiga lenei, mafaufau e valaaulia tagata aoga e galulue taitoalua. E mafai e se tasi tagata aoga ona faia se tulaga faataitai o aso nei ae o le isi o se tulaga faataitai o le lumanai. A ua lava loa se taimi na tuuina atu i tagata aoga, valaaulia i latou e feauauai e faasoa atu a latou tulaga faataitai ma o latou paga. Ona valaaulia lea o tagata aoga e faasoa mai po o le fea o fuaitau latou te manatu e sili ona fetaui i le tulaga faataitai a le latou paga a o lei faaalia le fuaitau na latou filifili e faaaoga i a latou lava tulaga faataitai ma faamatala pe aisea na latou filifilia ai le mea na latou filifilia.
O se isi auala, e mafai ona faasoa mai e ni tagata aoga a latou tulaga faataitai ma le vasega. Ona mafai lea e le vasega ona faasoa mai po o fea o fuaitau latou te lagona e sili ona talafeagai ma le tulaga faataitai a o lei faaalia e le tagata aoga le fuaitau na latou filifilia ma le pogai na filifilia ai.
Faatatauina i aso nei
-
O le a se tulaga masani o loo feagai ma le autalavou i aso nei e mafai ona faamatalaina e se tasi o fuaitau o le atamai i aoaoga faavae o loo lisiina i luga o le siata? E mafai ona e tusia e uiga i ou lava tulaga, o tulaga o se tasi e te iloa, po o tulaga o le autalavou lautele.
-
O fea o nei fuaitau o le atamai i aoaoga faavae e sili ona fetaui i le tulaga na e tusi faatatau i ai? E faapefea ona faatatau upumoni i lena fuaitau i lea tulaga?
Faatatauina i le lumanai
-
O le a se tulaga e mafai ona e oo i ai pe a faasolo ina e matua lea e mafai ai e se tasi o fuaitau o le atamai i aoaoga faavae ona fesoasoani ia te oe pe taialaina oe?
-
O le fea o nei fuaitau o le atamai i aoaoga faavae e sili ona fetaui i lena tulaga? E faapefea ona faatatau upumoni i lena fuaitau i lea tulaga?
Valaaulia tagata aoga e filifili se fuaitau se tasi ma tusifaamaumau i a latou api talaaga mo suesuega le auala latou te faaaogaina ai upumoni o loo aoao mai ai i o latou olaga.