1 Korinito 1–7

Vaaiga Aoao

O lenei vaiaso o lesona e talanoaina ai mataupu muamua e fitu o le tusi a Paulo i Korinito. Sa le mautonu le Au Paia i Korinito i manatu faalelalolagi, ma sa taumafai Paulo e fesoasoani ia i latou e vaai pe faapefea ona latou aoaoina upumoni faaleagaga e faavavau. O aoaoga mamana a Paulo na faamalosia ma aoaiina ai le Au Paia i Korinito, ma taitai ai i latou e toe foi i le ala o feagaiga. O lenei vaiaso foi e aofia ai se lesona e fesoasoani ia te oe e iloilo ai mea o loo e aoaoina.

Sauni e Aoao Atu

O faamatalaga nei e tuuina atu ai i faiaoga ni manatu o ni mea e manaomia ona saunia mamao i ai mo lesona taitasi.

1 Korinito 1–4

Faamoemoega o le lesona: O le lesona lenei e mafai ona fesoasoani i tagata aoga ina ia malamalama pe faapefea e le fausia o o tatou olaga i luga o le faavae o Iesu Keriso ona fesoasoani ia tatou manumalo ai i luitau faalelalolagi. 

Sauniuniga a le tagata aoga: Valaaulia tagata aoga e fesili i se tagata o le aiga po o se uo e faamatala pe faafefea e le atinae o o latou olaga i luga o le faavae o Iesu Keriso ona fesoasoani latou te taulima ai luitau eseese o le olaga.

Anomea mo tagata aoga: O se fasipepa po o se api faamaumau mo suesuega

Fautuaga faafaiaoga o fesootaiga i vitio: I le faaaogaina o le laupapa paepae, valaaulia se tagata aoga e tusi se ata o se fale e i ai sona faavae. Ona valaaulia lea o le vasega e tusi faataamilo i le fale ni luitau po o aafiaga leaga latou te fetaiai. Valaaulia foi i latou e tusi i totonu pe faataamilo i le faavae mea e mafai ona latou faia e faavae ai o latou olaga i le Faaola.

1 Korinito 2

Faamoemoega o le lesona: E mafai e lenei lesona ona fesoasoani i tagata aoga e valaaulia le Agaga Paia e fesoasoani ia i latou e aoao mea faaleagaga.

Sauniuniga a le tagata aoga: Valaaulia tagata aoga e sauni ni tali mo fesili nei: O a ni upumoni ua e iloaina e ala i le Agaga Paia? Na faapefea ona faamaonia nei upumoni e le Agaga Paia ia te oe?

Vitio: “How Does the Holy Spirit Guide?” (3:25)

Fautuaga faafaiaoga o fesootaiga i vitio: Mafaufau e faaali atu anoupu o le 1 Korinito 2:9-14 . I le faaaogaina o se meafaigaluega o faamatalaga, valaaulia tagata aoga e vase lalo pe lio upu po o fasifuaitau o loo faaali mai ai ni upumoni faaleagaga. Valaaulia i latou e faamatala mai mafuaaga na latou faailoga ai mea sa latou faailogaina.

1 Korinito 6

Faamoemoega o le lesona: O lenei lesona e faamoemoe e fesoasoani i tagata aoga ia malamalama atili i le taua o o latou tino faaletino ma le taua o le tausisia o le mama i tulaga feusuai.

Sauniuniga a le tagata aoga: Valaaulia tagata aoga e manatunatu i mea ua latou iloa e uiga i tulaga faatonuina a le Alii i le mama atoatoa i tulaga feusuai ma sauni e fai atu soo se fesili o ia te i latou e uiga i le mama i tulaga feusuai.

Anomea mo tagata aoga: Se kopi o le tamaitusi Mo le Malosi o le Autalavou mo tagata aoga taitoatasi, pe a mafai
Vitio: “I Choose to Be Pure” (4:20) po o le “Chastity: What Are the Limits?” (3:59)

Fautuaga faafaiaoga o fesootaiga i vitio: A uma ona faailoa e tagata aoga mataupu faavae mai le 1 Korinito 6:18-20 , mafaufau e faaali atu se ata o se talavou ma se malumalu. I le faaaogaina ai o le faailoga o talanoaga tusitusi, valaaulia tagata aoga e lisi mea e talitutusa i le va o le tino faaletino ma se malumalu. Ia valaaulia foi i latou talanoaina pe faapefea e lenei faatusatusaga ona aafia ai le auala tatou te vaai ai ma tausia ai o tatou tino.

Atamai i Aoaoga Faavae: 1 Korinito 6:19-20

Faamoemoega o le lesona:O lenei lesona o le a tuu atu ai i tagata aoga le avanoa e tauloto ai le mau faasino ma le fasifuaitau autu o le mau mo le 1 Korinito 6:19-20 , e faamatala ai le aoaoga faavae, ma faaaoga mataupu faavae o le mauaina o le malamalama faaleagaga i se mea moni o le olaga.

Sauniuniga a le Tagata Aoga: Mafaufau e faasoa ma tagata aoga le ata faataitai i lenei lesona ma valaaulia i latou e amata ona mafaufau pe faapefea ona latou tali i ai.

Anomea mo tagata aoga: Atonu e aoga ona faaali atu le ata faataitai ia vaai i ai tagata aoga a o latou faaaogaina le mataupu faavae o le mauaina o le malamalama faaleagaga.

Fautuaga faafaiaoga o fesootaiga i vitio: Vaevae tagata aoga i potu e taapeape i ai e faataitai faatino ai le faamalamalamaina o le tulafono o le ola mama ma le mafuaaga e taua ai le faaogaina o aoaoga o loo i le 1 Korinito 6:19-20 . Afai e mafai, faalogologo i potu eseese e taapeape i ai e iloilo ai le malamalamaaga o tagata aoga i nei upumoni. E mafai foi, ona mafaufau e faaaoga le polokalama mo talatalanoaga tusitusi e tuu ai i luga ata a tagata aoga, faafoliga, po o se tuufaatasiga o ata e faatusa i aoaoga i le 1 Korinito 6:19-20 .

Iloilo Lou Aoaoina 8

Faamoemoega o le lesona: O lenei lesona ua faamoemoe e fesoasoani i tagata aoga e iloilo ai sini na latou faatutuina ma le tuputupu ae o le tagata lava ia na latou maua mai i a latou suesuega o le Feagaiga Fou.

Sauniuniga a le Tagata Aoga: Valaaulia tagata aoga e mafaufau loloto i lo latou alualu i luma i a latou sini patino faaleagaga. I le ma lenei, valaaulia i latou e mafaufau e uiga i mea na latou aoaoina po o sini sa latou faatuina a o latou suesue i le Roma ma le 1 Korinito 1-7.

Fautuaga faafaiaoga o fesootaiga i vitio: Ina ia fesoasoani i tagata aoga e mafaufau loloto ma faataitai le lotogatasi, valaaulia i latou e filifili le vaaiga e mafai ona vaai atu ai i tagata uma o le vasega. O ata o tagata o le vasega e ono faaalia i se faasologa ese mo tagata aoga taitasi. I nisi o meafaigaluega, e mafai ona suia le faatulagaga pe a toso ma faapalasi faamalama o ata i le faatulagaga manaomia. A mafai, valaaulia tagata aoga taitasi e tuu tagata o le vasega i le faagasologa lava e tasi i luga o le lau. Taumafai loa e tauloto mai e tagata aoga le Roma 14:19 po o le Roma 15:1 , e fai e tagata aoga taitasi le upu e tasi i le taimi, e faaaoga ai le faagasologa i luga o le lau.