Atamai i Aoaoga Faavae: 1 Korinito 6:19-20

“O Lo Outou Tino o le Malumalu lea o le Agaga Paia”

O loo savavali ni talavou se toalua i luga o se alalaupapa. O le tautoulu. E foliga mai o loo talatalanoa tama. O le alalaupapa e alu i luga o se vaituloto. E mafai ona e iloa mamao atu laufanua ma masini i le malaetaalo.

I lau suesuega o le 1 Korinito 6, sa e aoao ai le tulaga faatonuina a le Alii i le mama tau feusuaiga ma le taua o lou tino faaletino. O lenei lesona o le a fesoasoani ia te oe e faateleina lou atamai i nei aoaoga i le tuuina atu lea o le avanoa e tauloto ai le mau faasino ma fasifuaitau autu o le 1 Korinito 6:19-20, e faamatala ai le aoaoga faavae, ma e faaaoga ai mataupu faavae o le mauaina o le malamalamaaga faaleagaga i se tulaga masani o le soifuaga.

Aoaoina atu o le upumoni ma le alofa. Taumafai e aoao atu le talalelei e pei ona faia e le Faaola. Aoao atu le upumoni ma le manino ae ia faia pea i le agaga o le alofa. O le aoao atu ma le alofa o le a fesoasoani i tagata aoga atonu o loo tauivi ma nisi o mataupu faavae o le talalelei, pe e i ai foi e pele ia i latou e le o ola i le talalelei, ina ia aoao le upumoni ma faaosofia le lagona e ola ai. (Tagai “The Two Sides of Teaching: A Message from Brother Chad H Webb,” si.ChurchofJesusChrist.org.)

Sauniuniga a le Tagata Aoga: Mafaufau e faasoa ma tagata aoga le ata faataitai i lenei lesona ma valaaulia i latou e amata ona mafaufau pe faapefea ona latou tali i ai.

O Gaoioiga E Ono Mafai Ona Aoao Ai

O lenei lesona o le atamai i aoaoga faavae ua fuafuaina ia aoaoina pe a maea le lesona o le “1 Korinito 6,” o le lesona faatatau mo le fuaitau o le atamai i aoaoga faavae o le 1 Korinito 6:19-20 . Afai e manaomia le tuu o le lesona lenei o le atamai i aoaoga faavae i se isi vaiaso, ia mautinoa e aoao atu ai foi le lesona faatatau e o faatasi ai i le vaiaso foi lena.

Faamatala ma tauloto

Vaai faalemafaufau i le i ai i se talanoaga a se vasega po o se korama ae fesili se tagata aoga laitiiti ifo i le faiaoga, “O le a tonu lava le tulafono o le ola mama?” Ua fesili le faiaoga i isi tagata aoga, e aofia ma oe, e te tali atu i ai.

I le faaaogaina ai o upumoni sa aoao atu i le atamai i aoaoga faavae i le 1 Korinito 6:19-20, fuafua se mea e faasoa atu i lau vasega e fesoasoani latou te malamalama atili ai i tulaga faatonuina a le Alii e tusa ma le mama tau feusuaiga, po o le ola mama, ma le mafuaaga e taua ai.

I le faaaoga ai o aoaoga o loo faamaumauina i le 1 Korinito 6:19-20, e faapefea ona e faamatala atu i se isi le tulafono a le Alii o le ola mama ma le mafuaaga e taua ai?

Faalogo ma le totoa i tali a tagata aoga ma iloilo lo latou malamalama. A talafeagai, toe faamanatu mau ma mataupu faavae mai le lesona i le 1 Korinito 6.

Tuu atu i tagata aoga se avanoa e tauloto ai le mau faasino mo le fuaitau o le atamai i aoaoga faavae 1 Korinito 6:19-20 ma lona fasifuaitau autu o le mau e o faatasi . O se tasi lea o faataitaiga o le auala e fai ai lenei mea.

Ina ia fesoasoani ia te oe e tauloto le fuaitau o le atamai i aoaoga faavae 1 Korinito 6:19-20 ma le fasifuaitau autu o le mau, “O lou tino o le malumalu lea o le Agaga Paia,” mafaufau e fatu se ata, se mea faafoliga, po o se tuufaatasiga o ata e faatusaina i ai aoaoga o lea fuaitau ma le aoaoga faavae o loo aoaoina ai. O le ata na e fatuina e tatau ona faigofie ona manatua ae ia faamamalu ma faaaloalo foi i le mau ma le aoaoga faavae o loo aoao mai ai. E ono mafai ona e faaogaina le ata sa e tusia o le tagata o loo tu i tafatafa ane o le malumalu i le gaoioiga mo le lesona i le 1 Korinito 6. Ia mautinoa ua tusia le mau faasino 1 Korinito 6:19-20 ma le fasifuaitau autu o le mau e latalata ane i lau ata.

A o e vaai atu i le ata sa e tusia pe filifilia, tauloto le mau faasino ma le fasifuaitau autu o le mau i lou mafaufau seia e lagonaina ua tamau i lou mafaufau.

Faataitai le faaaogaina

Fesoasoani i tagata aoga e toe faamanatu ia mataupu faavae o le mauaina o le malamalama faaleagaga. O se tasi lenei o faataitaiga o se auala e faia ai. I se isi faiga, mafaufau e valaaulia tagata aoga se toatolu e vave saunia se aotelega puupuu ma aoao atu ia mataupu faavae i la latou vasega.

I lau apitalaaga mo suesuega, faamaumau pupuu mea o loo e aoaoina ma manatua e uiga i mataupu faavae e maua ai malamalama faaleagaga e aunoa ma le faaogaina o nisi punaoa. A maea, faaaoga le Pepa Autu o le Atamai i Aoaoga Faavae (2022) e siaki ai lou iloa ma faaopoopo ai nisi faamatalaga pe a faapea sa misi.

Mafaufau loloto i le tulaga lenei. Ona tali lea o fesili o loo mulimuli mai e faaaoga ai mataupu faavae o le mauaina o malamalama faaleagaga ma le aoaoga faavae o loo aoao mai i le 1 Korinito 6:19-20 o loo faapea o o tatou tino o malumalu ia o le Atua e afio ai le Agaga. A le o lea, e mafai foi ona e fatuina se isi tulaga faataitai e sili ona fetaui ia te oe ma le autalavou i lau eria.

O le mataupu faavae e faavavau o o tatou tino faaletino o malumalu ia o le Atua e afio ai le Agaga e mafai ona faaaogaina i isi tulaga e ese mai le ola mama. Mafaufau e fetuunai le ata faataitai lenei ina ia sili ona talafeagai mo tagata aoga.

Sa ola ae se talavou ma le iloaina o tulaga faatonuina a le Alii o le ola mama, ae ina ua umi ona i ai i se mafutaga faaleuo, ua ia manao e faaali atu ona lagona i lana uo tamaitai e ala lea i se sootaga faalefeusuaiga. E i ai tagata o lona aiga ma uo sa feusuai ma a latou paaga a o lei faaaipoipo, ma e foliga mai sa fiafia i latou uma.

Suesue ia manatu faavae ma fesili faatasi ma se vaaiga e faavavauna faamamafa mai e Elder David A. Bednar o le Korama a Aposetolo e Toasefululua faapea o le “taua e faavavau o le ola mama ua na ona mafai ona faamalamalamaina i totonu o le fuafuaga faatatau atoa a le Tama Faalelagi e tusa lea ma le fiafia o Lana fanau” (“Matou Te Talitonu i le Nofomama,” Ensign po o le Liahona, Me 2013, 41).

O a ni vaega e patino tonu i le fuafuaga o le faaolataga a le Tama Faalelagi e te manao e malamalama ma mafaufau i ai tagata o loo i ai i lea tulaga?
E faapefea e upumoni i le 1 Korinito 6:19-20 ona aafia le ala e te vaai ai i le tulafono o le ola mama ma lau sootaga ma le aigaAtua?

Saili le malamalama atili e ala i punaoa paia ua filifiliaMafaufau e filiifli se tasi pe sili atu o punavai paia ua atofaina e saili ai upumoni o le a faaaoga ma fesoasoani i le ata faataitai na e filifilia.

1 Korinito 6:19–20
Esoto 20:14 ; Alema 38:12 ; Alema 39 ; 3 Nifae 12:27–30 ; Mataupu Faavae ma Feagaiga 42:22–23
O le Taiala i Tusitusiga Paia, “ Ola Mama,” scriptures.ChurchofJesusChrist.org
David A. Bednar, “Matou Te Talitonu i le Nofomama,” Ensign po o le Liahona, Me 2013, 41-44

Tali mai le fesili lenei:

O a ni mea sa e mauaina e mafai ona fesoasoani i lenei tulaga faataitai?

Faatino i le faatuatua

O a ni auala eseese e mafai ona filifili e se tagata e faatino ai i le faatuatua i lenei tulaga?
O a ni ou aafiaga na i ai ma le Tama Faalelagi ma Iesu Keriso o le a fesoasoani e te talitonuina ai i Laua ma mulimuli i a Laua aoaoga?

Otooto mai pe faapefea ona faaaoga mataupu faavae taitasi o le mauaina o le malamalama faaleagaga i le tulaga faataitai. Afai na e fatuina sau lava tulaga faataitai, ia mautinoa e aofia ai ma se aotelega puupuu o lena tulaga.

A maea ona mafaufau loloto ma tali mai tagata aoga e tusa ma fesili muamua, mafaufau e valaaulia i latou e faasoa mai le ata faataitai sa latou faaaogaina ma talanoaina a latou tali. O se tasi auala e mafai ona fai ai lea tulaga o le tuu o se nofoa avanoa i luma o le potu aoga ma valaaulia tagata aoga e vaai faalemafaufau o loo nofo ai le tagata mai le tulaga faataitai i lena nofoa. Fesili i se tagata aoga e mafaufau i se mea e tasi na te faasoa atu i lea tagata. Ona fesili lea pe i ai se isi tagata aoga na te fia faaopoopo i le tali a le tagata aoga muamua. Valaaulia isi tagata aoga e faasoa manatu e mafai ona fesoasoani atu ai i tagata i lea tulaga. Uunaia tagata aoga e faaaoga mataupu faavae uma e tolu o le mauaina o le malamalama faaleagaga.

Faamanatu le atamai i aoaoga faavae

O le gaoioiga toefaamanatu lenei e tatau ona faaaoga mo se lesona o le a aoaoina atu i se taimi lata mai:

Valaaulia tagata aoga e faamatala pe faaali atu le ata sa latou fatuina e faatatau i le 1 Korinito 6:19-20 . Valaaulia i latou e vaai pe latou te manatua le fasifuaitau autu o mau e fesootai ma lea fuaitau. A manaomia ai, faataitai ona tauloto le mau faasino o le mau ma le fasifuaitau autu o le mau o le atamai i aoaoga faavae.