“Mawazo kwa ajili ya Ukuaji katika Nyanja Zote za Maisha,” Maendeleo Binafsi: Kitabu cha Mwongozo cha Watoto (2019)
“Mawazo kwa ajili ya Ukuaji katika Nyanja Zote za Maisha,” Maendeleo Binafsi: Kitabu cha Mwongozo cha Watoto
Mawazo kwa ajili ya Ukuaji katika Nyanja Zote za Maisha
Kurasa zifuatazo zina mawazo ya jinsi unavyoweza kumfuata Mwokozi na kukua katika nyanja zote za maisha yako. Huitaji kutumia haya—mawazo mazuri zaidi yanaweza kuwa yako mwenyewe! Omba kuhusu kile unachoweza kukifanyia kazi sasa.
Unaweza kupata mawazo zaidi kwenye ChildrenandYouth.ChurchofJesusChrist.org.
Mawazo kwa ajili ya Ukuaji wa Kiroho
Ni nini Mawazo Yako?
Soma Kitabu cha Mormoni Kila Siku
Jenga tabia ya kusoma kila siku, hata kama ni mistari michache tu.
Jiandae Kwenda Hekaluni
Jifunze na ishi “Viwango Vyangu vya Injili” (ukurasa wa 63), na waalike wengine kufanya vivyo hivyo.
Jifunze Makala za Imani
Kariri Makala za Imani (ukurasa wa 62), na jifunze zinamaanisha nini.
Boresha maombi yako
Kabla ya kuomba, fikiria kuhusu kile ulicho na shukrani nacho na kile unachohitaji usaidizi nacho.
Mshukuru Baba wa Mbinguni kwa Baraka Zako
Andika mambo matatu ambayo kwayo una shukrani. Jaribu kuandika mambo mapya matatu kila siku.
Itakase Siku ya Sabato
Amua kile unachoweza kuanza kufanya au kuacha kufanya ili kuifanya siku ya Sabato iwe siku maalumu.
Mtumikie Mtu Mwingine
Tafuta njia za kumsaidia mtu katika familia yako, shuleni, au kanisani.
Fanya Historia ya familia
Andika barua kwa bibi na babu, shangazi, au mjomba. Waombe wakusimulie hadithi kuhusu wakati walipokuwa na umri sawa na wako.
Shiriki Injili
Zungumza na rafiki kihusu injili. Mwalike rafiki yako kanisani au kwenye shughuli.
Fundisha Injili
Fundisha hadithi ya andiko unalolipenda kwa familia yako. Igiza au chora picha ili kukusaidia kufundisha.
Imba Wimbo wa Msingi
Imba pamoja na mwanafamilia. Gundua jinsi kusikiliza muziki mzuri kunavyokufanya uhisi.
Mawazo kwa ajili ya Kukua Kijamii
Ni nini Mawazo Yako?
Jifunze kuhusu Familia
Soma “Familia: Tangazo kwa Ulimwengu,” na zungumza na wazazi wako kuhusu kile ulichojifunza.
Onyesha Upendo kwa Familia Yako
Fanya jambo zuri kwa ajili ya watu katika familia yako.
Wajumuishe Wengine
Tafuta njia za kutumia muda pamoja na au mtumikie mtu ambaye anaweza kuhisi kuachwa au ambaye anaweza kuhitaji urafiki wako.
Jifunze kuhusu Tamaduni Zingine
Soma kuhusu tamaduni zingine, zungumza na watu kutoka nchi zingine, au nenda kwenye sherehe za kiutamaduni karibu nawe.
Watumikie Jirani Zako.
Pamoja na wazazi au viongozi, fanya kitu katika jumuiya yako kuwasaidia watu wenye uhitaji.
Jifunze Kuomba Msamaha na Kusamehe
Igiza hali ambapo mtu anahitaji kuomba msamaha au kusamehe. Fanyia mazoezi jinsi ya kushiriki hisia zako na kujibu.
Jifunze kuhusu Jumuiya Yako
Tembelea kituo cha polisi, kituo cha moto, au huduma nyingine za jumuiya. Jifunze kuhusu nini wanafanya, na washukuru kwa huduma yao.
Tafuta Rafiki Mpya
Jitambulishe kwa mtu mgeni, na mualike mtu huyo kucheza na wewe.
Zungumza Maneno ya Ukarimu
Fanyia mazoezi kutumia maneno ambayo yangemfanya mtu kuwa na furaha, si huzuni. Zungumza kuhusu kile unachoweza kusema ikiwa mtu anasema maneno yasiyo ya ukarimu kwako.
Zuia Hasira Yako
Fanyia mazoezi kutulia wakati unapohisi hasira. Kwa mfano, vuta pumzi ndefu, hesabu mpaka 10, au fikiria upo mahala unapopapenda.
Wakaribishe Wengine
Jitambulishe kwa mtu mgeni katika shule yako, ujirani wako, au kata au tawi. Msaidie mtu huyu kukutana na watu wengine.
Mawazo kwa ajili ya Ukuaji Kimwili
Ni nini Mawazo Yako?
Jifunze Kupika
Saidia kuandaa chakula chenye afya au asusa. Shiriki chakula hicho pamoja na familia yako na marafiki.
Uweke Mwili wako Imara
Fanya jambo mara kwa mara kusogeza mwili wako, kama michezo, kudansi, kufanya mazoezi, au kucheza nje.
Onesha Heshima kwa Mwili Wako
Weka mwili wako safi kila siku. Oga kila mara. Piga mswaki na tunza nywele zako kila siku.
Tunza Nyumba Yako
Fanya jambo kusaidia kuifanya nyumba yako mahala pazuri pa kuishi, kama vile kusafisha, kupamba, au kazi ya ua.
Tunza Vizuri Vitu Unavyomiliki
Waombe wazazi wako wakufundishe jinsi ya kurekebisha au kutunza vitu unavyotumia.
Jifunze Ujuzi Mpya wa Sanaa
Chora, paka rangi, au tengeneza picha, na mpe mtu unayempenda.
Jifunze Ujuzi Mpya wa Muziki
Jifunze jinsi ya kuimba wimbo, kupiga ala, au kuongoza muziki. Jitolee kushiriki ujuzi wako katika jioni ya familia au shughuli nyingine.
Tii Neno la Hekima
Soma Mafundisho na Maagano 89 kuona kile Baba wa Mbinguni anachoahidi ikiwa unatii Neno la Hekima. Amua jinsi unavyoweza kuliishi vyema.
Furahia Muda Mbali na Nyumbani
Nenda kwenye matembezi au panda mlima pamoja na familia na marafiki ili kuchunguza ulimwengu unaokuzunguka.
Shiriki Talanta Zako
Shiriki mojawapo ya talanta zako pamoja na mtu mwingine ambaye yuko mpweke.
Jiandae kwa Dharura
Tengeneza mpango pamoja na wazazi au viongozi wako kwa ajili ya nini cha kufanya katika dharura.
Mawazo kwa ajili ya Kukua Kiakili
Ni nini Mawazo Yako?
Jifunze kuhusu Zaka
Jifunze kwa nini ni muhimu kulipa zaka. Toa asilimia kumi ya pato lako kwa Bwana.
Boresha Ujuzi Wako wa Kujifunza
Soma kitabu kuhusu mada mpya, au soma kitabu ambacho ni kirefu kuliko yalivyo mazoea yako ya kusoma.
Jifunze Jinsi ya Kuwa Salama Mtandaoni
Tengeneza orodha ya sheria za familia yako kwa ajili ya kutumia intaneti au apps.
Jifunze Jambo Jipya
Chagua jambo unalovutiwa nalo, na jifunze kila kitu unachoweza kulihusu.
Hudhuria au Angalia Matukio ya Kiutamaduni
Tembelea makumbusho au tukio la kiutamaduni katika eneo lako. Zungumza na rafiki zako au familia kuhusu jambo jipya ulilojifunza.
Jifunze kuhusu Kazi Tofauti
Mtembelee mtu unayemfahamu kwenye kazi yao ili kujifunza kile wanachofanya na jinsi mambo yanavyoenda.
Jifunze kuhusu Watu Unaovutiwa Nao
Huyu angeweza kuwa mtu unayemjua au mtu kutoka kwenye historia au maandiko. Amua jinsi unavyoweza kuwa zaidi kama wao.
Jifunze Jinsi ya Kufanya Chaguzi Nzuri
Chaguzi zote zina matokeo, ambayo ni mambo yanayotokea kama matokeo ya kile unachofanya. Tengeneza orodha ya baadhi ya chaguzi na matokeo yake.
Boresha kumbukumbu yako
Kariri andiko unalolipenda, shairi, au wimbo.
Jifunze Lugha Mpya
Jifunze kusema halo na maneno mengine muhimu katika lugha nyingine. Fanya mazoezi pamoja na mtu mwingine anayezungumza lugha hiyo, kama inawezekana
Andika Hadithi
Andika hadithi kuhusu maisha yako au kuhusu mwanafamilia.