Mga Bata at Kabataan

Mga Ideya para Umunlad sa Lahat ng Aspeto ng Buhay

“Mga Ideya para Umunlad sa Lahat ng Aspeto ng Buhay,” Pansariling Pag-unlad: Gabay na Aklat para sa mga Bata (2019)

“Mga Ideya para Umunlad sa Lahat ng Aspeto ng Buhay,” Pansariling Pag-unlad: Gabay na Aklat para sa mga Bata

Mga Ideya para Umunlad sa Lahat ng Aspeto ng Buhay

Ang kasunod na mga pahina ay may mga ideya kung paano ka makasusunod sa Tagapagligtas at uunlad sa lahat ng aspeto ng iyong buhay. Hindi mo kailangang gamitin ang mga ito—ang pinakamagagandang ideya ay maaaring manggaling sa iyo! Ipanalangin kung ano ang magagawa mo ngayon.

May mahahanap ka pang mga ideya sa ChildrenandYouth.ChurchofJesusChrist.org.

espirituwal, pakikipagkapwa, pisikal, intelektuwal

Mga Ideya para sa Espirituwal na Pag-unlad

kabataan na nagdarasal

tinedyer na nagbabasa ng mga banal na kasulatan — Ugaliing magbasa araw-araw, kahit ilang talata lang.

kabataan na nasa templo — Pag-aralan at ipamuhay ang “Mga Pamantayan Ko sa Ebanghelyo” (pahina 63), at anyayahan ang iba na gawin din ang gayon.

kabataan na nagbibilang — Kabisaduhin ang mga Saligan ng Pananampalataya (pahina 62), at alamin kung ano ang kahulugan ng mga ito.

kabataan na nagbabasa — Bago ka manalangin, isipin kung ano ang pasasalamatan mo at kung saan mo kailangan ng tulong.

checklist — Sumulat ng tatlong bagay na ipinagpapasalamat mo. Sikaping magsulat ng tatlong bagay bawat araw.

pamilya sa labas ng simbahan — Magpasiya kung ano ang maaari mong simulang gawin o tigilang gawin para gawing espesyal na araw ang Sabbath.

kabataan na naglilinis — Humanap ng mga paraan na matulungan ang isang tao sa iyong pamilya, sa paaralan, o sa simbahan.

mga lolo’t lola — Sulatan ang isang lolo o lola, tiya o tiyo. Sabihin sa kanila na kuwentuhan ka ng pangyayari sa buhay nila noong kaedad ka nila.

mga taong nag-uusap — Kausapin ang isang kaibigan tungkol sa ebanghelyo. Imbitahin ang kaibigan mo na pumunta sa simbahan o sa isang aktibidad.

pamilya na nagbabasa — Ituro ang paborito mong banal na kasulatan sa iyong pamilya. Isadula ito o magdrowing ng mga larawan para makatulong sa pagtuturo mo.

tinedyer na tumutugtog ng gitara — Kumanta kasama ang isang kapamilya. Obserbahan ang nararamdaman mo kapag nakikinig ka ng magandang musika.

Mga Ideya para Umunlad sa Pakikipagkapwa

kabataan na nagdarasal

pamilya na magkakasamang naglalakad — Basahin ang “Ang Mag-anak: Isang Pagpapahayag sa Mundo,” at sabihin sa iyong mga magulang ang tungkol sa mga natutuhan mo.

pamilya sa hapag-kainan — Gawan ng mabuting bagay ang iyong pamilya.

kabataang naglalakad — Humanap ng mga paraan na makapag-ukol ng oras sa isang tao na ang pakiramdam ay hindi siya nababagay o kailangan ng iyong pakikipagkaibigan.

kabataan na may kasamang liyama — Magbasa tungkol sa ibang mga kultura, makipag-usap sa mga tao mula sa ibang bansa, o pumunta sa isang kultural na pagdiriwang na malapit sa inyo.

kabataang nagtutupi ng mga damit — Kasama ang iyong mga magulang o lider, gumawa ng isang bagay sa iyong komunidad para matulungan ang mga taong nangangailangan.

kabataan na may pinsala — Isadula ang mga sitwasyon kung saan may isang taong kailangang humingi ng paumanhin o magpatawad. Praktisin kung paano sabihin ang nadarama mo at tumugon.

kabataan sa labas ng gusali ng hukuman — Bumisita sa istasyon ng pulis, istasyon ng bumbero, o iba pang mga nagseserbisyo sa komunidad. Alamin kung ano ang ginagawa nila, at pasalamatan sila sa kanilang serbisyo.

kabataan na nasa duyan — Makipagkilala sa isang bagong kasalamuha, at yayain ang bagong kakilala na makipaglaro sa iyo.

happy face emoji — Ugaliing magsabi ng mga salitang magpapasaya, hindi magpapalungkot, sa isang tao. Sabihin kung ano ang masasabi mo kapag may nagsabi ng masasakit na salita sa iyo.

kabataan na nagagalit — Praktisin na maging kalmado kapag nagagalit ka. Halimbawa, huminga nang malalim, bumilang hanggang 10, o isipin na kunwari ay nasa isang lugar ka na paborito mo.

kabataang nag-uusap — Ipakilala ang iyong sarili sa isang bagong lipat sa inyong paaralan, komunidad, ward o branch. Ipakilala ang taong ito sa iba pa.

Mga Ideya para sa Pisikal na Pag-unlad

tinedyer na nagdarasal

tinedyer na nagluluto — Tumulong sa paghahanda ng masustansyang pagkain o meryenda. Ibahagi ito sa iyong pamilya o mga kaibigan.

kabataan na nag-eehersisyo — Regular na gumawa ng isang bagay na maigagalaw mo ang iyong katawan, tulad ng isport, sayaw, ehersisyo, o paglalaro sa labas.

kabataan na nagsisipilyo at nagsusuklay — Panatilihing malinis ang iyong katawan araw-araw. Maligo lagi. Magsipilyo at alagaan ang iyong buhok bawat araw.

kabataan na nagre-recycle — Gumawa ng isang bagay na makakatulong na mapaganda ang inyong tahanan tulad ng paglilinis, paglalagay ng dekorasyon, o pag-aayos ng bakuran.

kabataan na nag-aayos ng mga gamit — Magpaturo sa iyong mga magulang kung paano ayusin o pangalagaan ang mga bagay na ginagamit mo.

kabataan na nagpipinta — Magdrowing, magpinta, o mag-sketch ng larawan, at ibigay ito sa isang taong mahal mo.

tinedyer na tumutugtog ng gitara — Mag-aral kumanta, tumugtog ng instrumento, o kumumpas. Magtanong kung maaari mong ibahagi ang natutuhan mong kasanayan sa home evening o iba pang aktibidad.

kabataan na nag-iisip ng kakainin sa meryenda — Basahin ang Doktrina at mga Tipan 89 para makita ang mga ipinapangako ng Ama sa Langit kapag sinunod mo ang Word of Wisdom o Salita ng Karunungan. Magpasiya kung paano mo mas masusunod ito.

pamilya na nagha-hiking — Mamasyal o mag-hiking kasama ng pamilya o mga kaibigan para malibot at mapag-aralan ang kapaligiran mo.

mga taong tumutugtog ng trumpeta — Ibahagi ang isa sa iyong mga talento sa taong nalulungkot.

mga tao na nakatingin sa mapa — Gumawa ng plano kasama ang iyong mga magulang o lider para sa dapat gawin sa oras ng emergency.

Mga ideya para sa Intelektuwal na Pag-unlad

kabataan na nagdarasal

tinedyer na nagbabayad ng tithing o ikapu — Alamin kung bakit mahalagang magbayad ng tithing o ikapu. Ibigay ang sampung porsiyento ng iyong kinikita sa Panginoon.

mag-inang nagbabasa — Magbasa ng aklat tungkol sa isang bagong paksa, o magbasa ng aklat nang mas matagal kaysa sa karaniwang pagbabasa mo.

pamilya na gumagamit ng computer — Gumawa ng listahan ng mga patakaran sa inyong pamilya sa paggamit ng internet o apps.

kabataan na nagbabasa — Pumili ng isang bagay na interesado ka, at alamin ang lahat ng maaari mong matutuhan tungkol dito.

mga tao sa museo — Bumisita sa isang museo o kaganapang pangkultura sa inyong lugar. Sabihin sa iyong mga kaibigan o pamilya ang bago mong natutuhan.

mga tao na nag-aayos ng kotse — Bisitahin sa pinagtatrabahuhan niya ang isang taong kilala mo para malaman kung ano ang ginagawa nila at kung paano nila ito ginagawa.

mga taong nag-uusap — Ito ay maaaring isang taong kilala mo o isang tao mula sa kasaysayan o mga banal na kasulatan. Magpasiya kung paano ka magiging higit na katulad nila.

tsart, sanhi at epekto — Ang lahat ng mga pagpili ay may ibinubunga, mga bagay na resulta ng mga ginagawa mo. Gumawa ng listahan ng ilang mga pinipili at ng ibinubunga ng mga ito.

taong nag-iisip — Kabisaduhin ang isang paboritong talata sa banal na kasulatan, tula, o kanta.

kabataan na gumagamit ng smartphone — Matutong magsabi ng hello at iba pang mga simpleng salita sa ibang wika. Kausapin ang isang taong nagsasalita ng wikang iyon para makapagpraktis, kung maaari.

kabataan na nagsusulat — Sumulat ng isang kuwento tungkol sa buhay mo o sa isang kapamilya.