Ikaw ay Minamahal na Anak ng Diyos

Nakapiling mo noon ang Ama sa Langit, na nakakaalam ng lahat ng bagay at minamahal ang bawat tao. Nais Niyang maging katulad ka Niya! Binigyan ka Niya ng katawan, kakayahan, at mga espirituwal na kaloob. Gusto Niya na malaman at mapaunlad mo at ng lahat ng Kanyang mga anak ang mga kaloob na ito. Binigyan Niya tayo ng plano para tulungan tayong maging masaya at mapagpala ang iba.

Pumarito ka sa mundo mula sa langit. Bahagi ka ng isang pamilya.

Nakipagtipan ka na susundin si Jesucristo noong bininyagan ka at kapag tumatanggap ka ng sakramento.

Noong kinumpirma ka, natanggap mo ang kaloob na Espiritu Santo na gagabay sa iyo.

Magiging masaya at payapa ka kapag pinili mong mabuhay na tulad ng pamumuhay ni Jesus.

Maaari kang matuto at umunlad. Maaari mong mahalin at paglingkuran ang iba tulad ng gagawin ni Jesus.

Ipinadala ng Ama sa Langit ang Kanyang Anak na si Jesucristo, upang maging halimbawa at gawing posible para sa iyo na magsisi at magbago.

Maaari kang gumawa ng mga tipan sa templo na tutulong sa iyo na muling makapiling ang Ama sa Langit.