Ireo Fitsipiky ny Filazantsarako

Manampy anao hanao zavatra tahaka ny ho nataon’i Jesoa ireo fitsipiky ny filazantsara. Izy ireo dia mety hanome anao hevitra amin’ireo zava-baovao ho volavolaina sy ho tanterahina.

• Hanaraka ny drafitry ny Ray any An-danitra ho ahy aho.

• Hotsaroako ny fanekempihavanana nataoko tamin’ny batisa ary hihaino ny Fanahy Masina aho.

• Hisafidy ny tsara aho. Fantatro fa afaka mibebaka aho rehefa manao hadisoana.

• Ho marin-toetra aho amin’ny Ray any An-danitra sy ny olon-kafa ary amin’ny tenako.

• Ho ampiasaiko amim-panajana ny anaran’ny Ray any An-danitra sy ny an’i Jesoa Kristy.

• Tsy hianiana aho na hiteny ratsy.

• Hanao ireo zavatra amin’ny Sabata izay hanampy ahy ho akaiky kokoa ny Ray any An-danitra sy i Jesoa Kristy aho.

• Hanaja ny ray aman-dreniko aho ary hanao ny anjarako eo amin’ny fanamafisana orina ny fianakaviako.

• Hotazoniko ho madio ny eritreritro sy ny vatako ary tsy handray zavatra izay mety hanimba ahy aho.

• Hanao fiakanjo maotina aho mba hanehoako ny fanajako ny Ray any An-danitra sy ny tenako.

• Tsy hamaky, tsy hijery, ary tsy hihaino afa-tsy izay zavatra mahafaly ny Ray any An-danitra aho.

• Tsy hihaino afa-tsy izay mozika mahafaly ny Ray any An-danitra aho.

• Hitady namana tsara aho ary hitondra ny olona hafa amin-katsaram-panahy aho.

• Hiaina amim-pahamendrehana aho ankehitriny mba ho mendrika ny handeha ho any amin’ny tempoly sy hanao ny anjarako mba hananana fianakaviana mandrakizay.