Te Banna ibukin te Rikirake

Te rikirake bon mwakoron ana babaire te Tama are i Karawa ae kakawaki. Ibukin buokam, e anganiko kairam te Tama are i Karawa mairoun te Tamnei ae Raoiroi, booki aika tabu, ao burabeti aika a maiu. Ko na reiakinaki man baika ko rinanona, ai moararariki ngke ko onimakina Iesu Kristo ao Ana Mwakuri ni Kamaiu. Aei te banna ibukin buokam ni maiuakina te euangkerio n anuan maium ni kabane.

Kunea tera ae ko kainnanoia ni mwakuri iaona.

Baireia ko na kanga ni karaoia.

Mwakuriia am baire inanon te onimaki.

Uringa te bwai are ko reiakinna.

Tataro nakon te Tama are i Karawa ibukin te kairiiri. Mutiakin am iango ao am namakin.

“N na bon tuangko n am iango ao inanom, rinanon te Tamnei ae Raoiroi.”

Reirei ao Berita aika Tabu 2

Kunea

Kainnanom, Am Bwaintangira, ao Am Tarena

Kunea, Neweaba, Kamatebwai, Iango, Ukeuke

Te Tama are i Karawa e a tia n anganiko am bwaitangira, am tarena ao am konabwai. E tangriko bwa ko na kunei ao ni karikirakei ibukin kanakoraoan arom, tabeman, ao te aonaaba naba. Ko na kanga n nakoraoi ao n rikirake?

Kataia tabeki titiraki n aron:

• Tera ae I namakinna bwa I riai n reiakinna ke ni bitia ni maiu?

• Tera tarena ke konabwa ae I tangiria ni karekei?

• Tera anua n tamnei ae I kainnanoia ni karikirakei ke ni kanakoraoi?

• N na kanga ni kawakin berita aika tabu ake I karaoi ngke I bwabetitoaki?

• Antai ae N na beku ibukina?

Te Tama are i Karawa e na kaekai titiraki aikai ngkana ko onimakinna. Tataro. Ukerii booki aika tabu ao aia taeka burabeti aika a maiu. Wareka am kakabwaia mairoun te tamanuea, ngkana iai teuana. Reiakiniko ni kinai namakin ao iango mairoun te Tamnei ae Raoiroi. E na buokiko n ataa te bwai ae rangi ni kakawaki ibukim n te tai aei. Ngkana ko aki koaua bwa tera ae ko na karaoia, tarai iteraniba 58–63.

“Kamatebwaia n am iango; ngkanne … titirakinai ngkana e bon eti.”

Reirei ao Berita aika Tabu 9:8

Baire

Ni kanakoraoia

Baire: Barongaia, Baireia, Katauraoia

N te tai are ko a tia ni baireia bwa tera ae ko na mwakuri iaona, karaoa am baire bwa ko na kanga ni karaoia. N am baire ko bae ni karini mwaneka aika onoti ke mwakuri, ke ni karini kawai ibukin karikirakean te katei ke rianakon arom i bon iroum.

Kataia tabeki titiraki n aron:

• Bukin tera e kakawaki aei ibukiu?

• E na kanga aei ni buokai riki n riki n ai aron Iesu Kristo?

• Tera mwakuri ae I kona n anaia ni karaoa aei?

• I kona n urui mwakuri aikai nakon mwaneka aika a uarereke?

• Tera baire ae I kona ni karaoi n tokanikai iaon kakaewenako ake I kaitarai?

Tera baire ae I kona ni karaoi ngkai n tokanikai iaon taian kakaewenako ake I kaitarai. Ko kona ni bubuti ana ibuobuoki te Tamnei ae Raoiroi, am utu, ao am tia kairiiri.

“A na tuangko ana taeka Kristo bwaai ni kabane aika ko riai ni karaoi.”

2 Nibwaai 32:3

Mwakuri

Teimatoa inanon te Onimaki

Mwakuri: Kataia, Kataneiai, Karaoa Am Kabanea n Tamaroa

Ririmwin am baire! Karaoi baika a na kauringko ibukin buokam n reitinako ni kabanea nanom iai. Ko kona ni korea am taeka, katanga beeron am tai, ke butia temanna bwa e na mwakuri ma ngkoe. N tabetai mwakurian am baire e na bae ni kaangaanga. N tabetai ko na bae ni kabwaka. Akea te Kaangaanga! N reiakinna tera are e mwakuri ao are e aki mwakuri ae e buokiko n rikirake.

Ngkana ko aki ataa te bae ko na karaoia, kataia tabeki titiraki n aron:

• Tera ae mwakuri? Bukin tera?

• Tera ae e aki mwakuri? Bukin tera ngkai e aki?

• Tera riki ae I kona ni kataia?

• Iaa ae N na kona ni karekei riki iango?

• I kona ni bwenauai au kouru nakon mwaneka aika a uarereke riki ke mwakuri aika a uarereke?

• N na kanga n reiakinaki man taian kaangaanga?

Karaoakin te bwai ae raoiroi e kainnanoa te mwakuri ao te taotaonaki n nano. Butia am utu, raoraom, ke am tia kairiiri ibukin buokam. E ataiko te Tia Kamaiu ao kakaewenako ake ko kaitarai. E kona ni buokiko ni karaoi bwaai aika a matoatoa. Tataro ibukin te ibuobuoki ao te kairiiri.

“E koaua ae I taku, [ko] na riai ni ingainga ni kan karaoa te waki ae e raoiroi, ao ni karaoi bwai aika a mwaiti n oin [nanom].”

Reirei ao Berita aika Tabu 58:27

Uringa

Te Bwai are Ko Reiakinna

Uringa: Iango, Reiakinna, Rinanoa, Iangoia Raoi

Iangoa raoi am kouru ao am baire ngkai ko mwakuri iaoia ao ngkana ko a tia. Ko uara? Tera ae ko a tia n reiakinna? Korean am iango ao am namakin a kona ni buokiko rimwi riki.

Kataia tabeki titiraki n aron:

• E kanga aron rikirakeu?

• N na kanga ni kabongana te bwai are I reiakinna ni beku ibukia tabeman?

• E kanga au mwakuri ni buokai ni kaaniai riki ma te Tia Kamaiu?

• N na kanga n reitinako n rikirake n te aro aei?

Ngkana ko a tia ni mwakuri iaon am kouru ke am baire, karabwa te Tama are i Karawa ao naake a buokiko. Uringa taben te Tia Kamaiu inanon maium ngke ko kana te toa. Iango ao tataroakina are ko kona ni mwakuri iaona n are imwiina.

“Kaeta Kawaini Waem.”

Taeka n Rabakau 4:26

Katekeraoa rikirakem! Ko namakina te nakoraoi ibukin rikirakem ao tokanikaim.