Iai Bukin Am Kantaninga

Tamam are i Karawa ao Natina, Iesu Kristo, a kinako ao a tangiriko. Ngkoe bon mwakoron Aia mwakuri ae kakawaki, ao ko kona ni karaoa te bitaki ae korakora n te aonaaba.

Tamam are i Karawa e anganiko am tarena ao bwaintangira n tamnei. Ko kona ni ukera te kaotioti n ataia bwa ko na kanga ni karikirakea am tarena, n riki n ai aron Iesu Kristo, ao ni kanakoraoa arom, tabeman aomata, ao te aonaaba naba.

Te boki ni kairi ibukin rikirakem i bon iroum e anga reirei ao bwaai ni mwakuri ake ko kona ni kabonganai inanon am kekeiaki ni karikirakei rabakaum ao n iriira Iesu Kristo.