“Ngkoe Natin te Atua ae Kakawaki,” Rikirakem I Bon Iroum: Te Boki ni Kairi ibukin te Roronrikirake (2019)
“Ngkoe Natin te Atua ae Kakawaki,” Rikirakem I Bon Iroum: Te Boki ni Kairi ibukin te Roronrikirake
Ngkoe natin te Atua ae Kakawaki
Te Tama are i Karawa ao Iesu Kristo a karikii bwaai ni kabane, a atai bwaai ni kabane, ao n tokanikai iaon bwaai ni kabane. Ao A tangiriko bwa ko na riki n ai Aroia! Ngkai ko karaoi berita aika tabu ao n iriira ana babaire te Atua, ko kona ni kabonganai am bwaintangira aika a onoti ni karikirakei ao ni beku ibukia tabeman.
Ko roko n te aonaaba mai karawa. Ngkoe mwakoron te utu.
Ko berita bwa ko na iriira Iesu Kristo ngke ko bwabetitoaki ao ngkana ko kana te toa.
Ngkana ko kamatoaaki, ko karekea te bwaintituaraoi ae te Tamnei ae Raoiroi bwa e na kairiko.
Ko kona n ira karaoan ana mwakuri te Atua ao ni beku n te Ekaretia iaan te kariaia man kiingin te nakoanibonga.
Ko kona n reirei ao n rikirake ngkai ko kamatebwai, maiu, ao n tibwaua te euangkerio.
Ko kona ni kunea te kimwareirei ngkana ko tangiriia ao ni beku ibukiia tabeman n aron are e karaoia Iesu.
Te Tama are i Karawa e kanakoa Natina, Iesu Kristo, ni beku bwa te katooto ae kororaoi ao ni karekea te anga ibukim bwa ko na rairananom ao ni bitaki.
Inanon te tembora, ko kona ni beku ao ni karaoi berita aika tabu are e reitiia natin te Atua n aki toki.