Ko Kona n Iriira te Tia Kamaiu

“Ao E riki rake Iesu n rabakau ma n ikawai, ma n akoaki iroun te Atua ma aomata.”

Ruka 2:52

Tamara are i Karawa e tangiria Natina bwa a na reirei ao n rikirake. E kanakoa Natina, Iesu Kristo, n riki bwa te banna ni katooto ae kororaoi nakoira ni kabane ni kawaira nako.

Te maiu n tamnei

E rikirake Iesu “n akoaki iroun te Atua.” Ko kona n rikirake n te tamnei man kaotakin am tangira ibukin te Atua ao tauraoin nanom ni maiuakina te euangkerio.

Te Aro n Reitaki

E rikirake Iesu n “akoaki ma …aomata.” Ko kona n rikirake n te aro n reitaki man kaotakin am tangira nakoia aomata ni kabane.

Rabwata

Iesu e rikirake n “ikawai.” Ko kona n reiakiniko te mwakuri ao n tararua aron rabwatam, marurungin am iango, ao ana karikibwai te Atua.

Ataibwai

E rikirake Iesu n “rabakau.” Ko kona ni kamatebwai n te reirei, n reiakiniko konabwai aika a boou, ao ni katamaroa am tarena.