Iango ibukin Rikirakem inanon Maium ni Kabane

A rangi ni mwaiti kawai aika ko kona n rikirake iai inanon maium! Kakaei iango man iteraniba akana imwiina, ke rooko ma bon oin am iango. Butia te Tama are i Karawa bwa e na buokiko n atai baike ko kainnanoi ni mwakuri iaona n te tai aei.

Ko kona ni kunei rakan iango n ChildrenandYouth.ChurchofJesusChrist.org ao iaon the Gospel Living app.

Te maiu n tamnei

te kairake ae wareware ni koroboki aika a tabu

• Tataro ma te nano ni koaua.

• Kamatebwai booki aika tabu ao aia taeka burabeti ni boong aikai.

• Kakaei taai ibukin tibwauan te euangkerio.

• Kakaei ao karikirakei am bwaintangira n tamnei.

• Katauraoi ibukin am kakabwaia mairoun te tamanuea.

• Ko na kororaoi ni karekea ao ni kawakina am rekomente nakon te tembora.

• Karaoa am kateiriki iaon rongorongon am utu ao beku inanon te tembora.

• Kaota am kakaitau ni katoa bong.

• Kawakina te tua n ae bwanin riki.

• Kamatebwaia maiun Kristo.

• Ko na kororaoi ni kana te toa.

• Iira te tieminari.

Te aro n reitaki

te kairake ae kamaura te ikawai

• Kabanea riki nanom nakon kainnanoia tabeman.

• Reiakiniko bwa ko na kakauongo ao ni kamatatai iango n ae oota raoi.

• Tangiriia ao beku ibukiia aomata ake irarikim.

• Kabanea am tai ma am utu.

• Katauraoiko bwa ko na riki bwa te buu ao te karo.

• Karikirakea te nano n totokanikai—te konabwai n rinanon ao n teimatoa ngkana a kaangaanga bwaai.

• Kairekerekeko ma ana waaki ni kakukurei te reirei ao te kaomiuniti.

• Kakaei kawai ibukin tararuakiia ake a kainnano.

• Reireiniko ni kabwarabure. Reireiniko ni kabwarabure.

• Taetae ao mwakuri ma te akoi, ao katoka te wiinanti.

Rabwata

te kairake ae buti n te bwatika

• Kanakoraoa marurungin rabwatam ao korakoram.

• Reiakiniko ao kanakoraoa am konabwai, n aron te takakaro, te taenti, ke waaki ni kakukurei aika a karaoaki itinaniku.

• Reiakiniko ke karikirakea mwataim ma am kakauiango ke am konabwai ni karaoi bwaai ni baim.

• Barongai baike ko tangiri n te kawai ae kamarurung.

• Reiakin kawai ni kamanoko man te akiakonaki, ao ukora buokam ngkana ko kainnanoia.

• Katoka noorakin tamnei aika a tangako.

• Kunei kawai aika a kamarurung ni kaira am namakin ao korakain nanom.

• Reiakiniko n tararuaia am ataei.

• Maiuakina tuan te aitiin.

• Reiakiniko kamanoko ni kabonganai bwainimwakuri ibukin te ribana n te onaroka ao n te mweenga.

• Reiakiniko aron te moan kamaiu ao konabwai ibukin te kamaiu itinaniku.

• Kabongana te taetae ae riai, ao tai taetaebuaka.

Ataibwai

te kairake ae kamatebwai

• Kanakoraoa am konabwai n te wareware ao n te koroboki.

• Karikirakea te katei ni kamatebwai ae tamaroa.

• Kakaea bwa tera ae ko kainnanoia bwa ko na karaoia ni karekea am mwakuri ae tamaroa, ao moana karaoan te mwakuri nakon te kouru anne.

• Reiakina riki te bwai ae iai nanom iai.

• Marooro ma aomata ake e mate nanom irouia ni kakaea bwa a kanga ni karikirakei anua ake ko tangiria ni kan karekei.

• Reiakiniko arom bwa ko na kanga ni kawakina raoi te mwane.

• Kamatebwaia atuun reirein te euangkerio ma nanom ae korakora.

• Reiakin konabwai ibukin te mwakuri ake ko kona ni kabonganai ngkai ao imwiina.

• Iriira waakin nako te katei.

• Reiakina te taetae riki teuana.

• Ko na maiuna riki te maiu n toronibwai.

• Reiakin ao maiuakin reirei ibukin kairam i bon iroum.