“Ikaw ay Minamahal na Anak ng Diyos,” Pansariling Pag-unlad: Gabay na Aklat para sa mga Kabataan (2019)
“Ikaw ay Minamahal na Anak ng Diyos,” Pansariling Pag-unlad: Gabay na Aklat para sa mga Kabataan
Ikaw ay Minamahal na Anak ng Diyos
Ang Ama sa Langit at si Jesucristo ang lumikha sa lahat ng bagay, nakakaalam sa lahat ng bagay, at nakadaig sa lahat ng bagay. At nais Nila na ikaw ay maging katulad Nila! Sa paggawa mo ng mga tipan at sa pagsunod sa plano ng Diyos, magagamit mo ang pambihirang mga kaloob upang umunlad at maglingkod sa iba.
Ikaw ay pumarito sa lupa mula sa langit. Bahagi ka ng isang pamilya.
Nakikipagtipan ka na susundin si Jesucristo kapag bininyagan ka at kapag tumatanggap ka ng sakramento.
Kapag kinumpirma ka, matatanggap mo ang Espiritu Santo para magabayan ka.
Maaari kang makibahagi sa gawain ng Diyos at maglingkod sa Simbahan sa ilalim ng awtoridad ng mga susi ng priesthood.
Matututo ka at uunlad habang pinag-aaralan, ipinapamuhay, at ibinabahagi mo ang ebanghelyo.
Magiging masaya ka kapag minahal at pinaglingkuran mo ang iba tulad ng gagawin ni Jesus.
Ipinadala ng Ama sa Langit ang Kanyang Anak na si Jesucristo para magsilbing perpektong halimbawa at maging posible para sa iyo na magsisi at magbago.
Sa templo, maaari kang maglingkod at gumawa ng mga tipan na nag-uugnay sa mga anak ng Diyos magpakailanman.