Maaari Mong Sundin ang Tagapagligtas

“Lumalaki si Jesus sa karunungan at sa pangangatawan, at sa pagbibigay lugod sa Dios at sa mga tao.”

Lucas 2:52

Nais ng Ama sa Langit na matuto at umunlad ang Kanyang mga anak. Ipinadala Niya ang Kanyang Anak na si Jesucristo upang magsilbing perpektong halimbawa para sa ating lahat sa bawat aspeto.

Espirituwal

Si Jesus ay umunlad sa “pagbibigay lugod sa Dios.” Espirituwal kang uunlad kapag nagpapakita ka ng pagmamahal sa Diyos at ng kahandaang ipamuhay ang ebanghelyo.

Pakikipagkapwa

Si Jesus ay umunlad sa “pagbibigay-lugod sa … tao.” Uunlad ka sa pakikipagkapwa sa pamamagitan ng pagpapakita ng pagmamahal sa lahat ng tao.

Pisikal

Si Jesus ay lumaki sa “pangangatawan.” Maaari kang matutong magtrabaho at pangalagaan ang iyong katawan, isipan, at mga nilikha ng Diyos.

Intelektuwal

Si Jesus ay lumago sa “karunungan.” Maaari kang mag-aral sa paaralan, matuto ng mga bagong kasanayan, at paghusayin ang iyong mga talento.