Чи Аврагчийг дагаж чадна

Сүнслэг, нийгмийн, оюун санааны, бие махбодын

“Есүсийн мэргэн ухаан, бие хаа өссөөр байсан агаад Бурханы хийгээд хүмүүсийн таалал Түүнд байлаа.”

Лук 2:52

Тэнгэрлэг Эцэг Өөрийн хүүхдүүдийг сурч, өсөж хөгжөөсэй гэж хүсдэг. Тэрээр бид бүгдэд бүх талаар төгс үлгэр жишээ болгохоор Өөрийн Хүү Есүс Христийг илгээсэн.

Сүнслэг

Есүс “Бурханы … тааллыг” олсон. Чи Бурханыг хайрлах хайраа мөн сайн мэдээний дагуу амьдрах хүслээ харуулснаар сүнслэг байдлын хувьд өсөж чадна.

Нийгмийн

Есүс “хүмүүсийн тааллыг” олсон. Бүх хүнд хайраа үзүүлснээр чи нийгмийн тал дээр өсөн хөгжиж чадна.

Бие махбодын

Есүс “бие хаагаар” өсөж байв. Чи бие махбод, оюун санааны эрүүл мэндээ болон Бурханы бүтээлийг ажиллуулж, халамжлахыг сурч чадна.

Оюун санааны

Есүс “мэргэн ухаанаар” өсөж байв. Чи сургуульд суралцаж, шинэ чадвар эзэмшиж, авьяасаа хөгжүүлж чадна.