Бие махбодын хэрэгцээг хянахад туслах аргууд

Хэт их сэтгэлийн дарамтад орох нь бидний эрүүл мэнд, унтах чадвар болон уруу таталтыг эсэргүүцэх чадварт маань нөлөөлдөг. Сайн хоол идэж, дасгал хийх нь сэтгэлийн дарамтыг илүү сайн хянахад тусалдаг. Хэрэв таны бие махбодод ямар нэг асуудал байвал танд зөв гэж санагдсан нэг юм уу хоёр зөвлөмжийг залбирч сонго. Зөвлөмж бүр нь хүн бүрд тохирохгүй байж болох хэдий ч ихэнх санаанууд нь ашиг тусаа өгч эхлэх хүртэл доод тал нь хоёроос гурван долоо хоног болно. Нэмэлт зөвлөгөөнүүд авахын тулд 17–22-р хуудсан дээрх “Сэтгэлийн дарамтыг хянахад туслах ерөнхий зарчмууд”-ыг үзнэ үү.

Шаргуу ажиллаж сурах нь

Том эсвэл хэцүү даалгавруудыг жижиг болгон хуваа. Хэрэв хэцүү хэвээр байвал илүү их хуваа. Тэгээд үйлд. Хэрэв чи “хиймээр санагдах хүртлээ” хүлээх аваас удаан хүлээх шаардлагатай болж болно. Эхэл, хүсэл араас тань дагана.
Хурдаа тохируул. Хийдэг ажлаа ангилж, нэг үйл ажиллагаан дээр хэтэрхий удаан бүү ажилла. Өөртөө: Миний яг одоо хийх хэрэгтэй зүйл бол____ гэж сануул.
Та тэсвэр хатуужилтай байхын тулд хангалттай унтаж, эрүүл хоол идэн, ус ууж, дасгал хий.
Бусдын дэмжлэг, зөвлөмж, урам хайрласан үгсийг хүлээн ав. Мөн бусдыг дэмжиж мөн тэдэнд урам хайрла.
Талархлаа илэрхийл. Зөвхөн адислалуудынхаа төлөө талархалтай байх бус харин сорилт, саад бэрхшээлүүдээс сурч чадах тэдгээр зүйлсийн төлөө мөн талархлаа илэрхийл. Энэ нь чамайг адисалж, чамд туслах хаалгыг Их Эзэнд нээж өгөх болно.

Эрүүл, эрч хүчтэй байх нь

С ба Г 89-р хэсгийг судалж мөн хэрэгжүүл.
Санваарын адислал хүс.
Номлогчийн эрүүл мэндийн зааврыг дагаж, дархлаагаа сайжруул. Орондоо цагтаа ор. Цаг агаараас шалтгаалан өдөрт 6–12 аяга цэвэр ус уу. Мацаг бариагүй үед хоолоо ялангуяа өглөөний цайгаа бүү алгас. Элсэн чихрээс татгалз. Өдөр бүр олон төрлийн витамин уу. Өдөр бүр ямар нэг хэмжээгээр уураг хэрэглэ (жишээ нь: самар, шош, сүү, тараг, бяслаг, өндөг, загас, шувууны мах, мах). Ялангуяа хамтрагч тань өвдсөн бол гараа ойр ойрхон угаа эсвэл гар ариутгагч хэрэглэ. Хөргөгчинд хадгалах хэрэгтэй хоол хүнсийг ил бүү байлга, эргэлзэж байвал хая.
Дасгал тогтмол хий. Өдөр бүр гучин минут дасгал хийх нь дархлааны системийг сайжруулж, эрч хүчийг нэмэгдүүлэн, зан аашийг тогтворжуулдаг. Хэрэв та бүх л өдрийн турш алхдаг эсвэл дугуй унадаг бол арай өөр дасгалууд хий. (Миний сайн мэдээг номло viii-г үзнэ үү)
Цаг агаарт тохируулан хувцасла. Цаг агаар хэт халуун эсвэл чийглэг байвал номлогчийн ажлаа түр завсарлаж, 30–60 минут сүүдэрт эсвэл агааржуулагчтай газар байж болно. Бугуй эсвэл хүзүүгээ хүйтэн усаар шавшиж, нарнаас хамгаалсан нимгэн хувцас өмс. Хэрэв хүйтэн бол хувцсаа давхарлан; бээлий, малгай өмс (биеийн ихэнх дулаан толгойгоор гадагшилдаг). Ерөнхийдөө бол таны ажиллах газрын цаг агаарын талаар номлолын ерөнхийлөгчийн өгсөн удирдамжийг дага.
Байраа цэвэрхэн, тоосгүй байлга. Энэ нь ялангуяа та ойр ойрхон ханиад хүрч эсвэл харшил тань хөдөлж байгаа үед их чухал юм. Харшлаа багасгахын тулд гар нүүрийн алчуур болон ор хөнжлийн даавуугаа ойр ойрхон угаа. Цэвэр цэмцгэр байр нь таны сүнсийг өргөх болно.

Толгой, гэдэс, булчингийн өвчинг хянаж зохицуулах нь

Бие махбодоо амраах дадлага хий. Ингэснээр толгой, гэдэс өвдөх; гүйлгэх, нурууны болон үе мөчний өвчин, зүрхний цохилт хурдсах, амьсгаа давхцах, цочирдох зэрэг бие махбодын өвчний шинж тэмдгүүдийг багасгахад туслах болно. Биеэ амрааж сурахын тулд тайвшруулах дасгал (19-р хуудас) эсвэл амьсгалын дасгалыг (18-р хуудас) хамгийн багадаа гурван долоо хоногийн турш өдөр бүр хий. Мөн танд сэтгэлийн дарамтад хэт их орсон мэдрэмж эсвэл шинж тэмдгүүд байвал сэтгэлийн түгшүүрээ багасгаж, илүү тайвшрахын тулд эдгээр ур чадваруудыг ашигла.
Ажлаа жижиг хэсгүүдэд хувааж, нэг удаад зөвхөн нэг үүрэг даалгаврыг гүйцэтгэ. Алхам бүрдээ өөртөө “Яг одоо миний хийх хэрэгтэй зүйл бол ___” гэж сануул. Жишээ нь: “Яг одоо миний хийх хэрэгтэй зүйл бол тойргийн номлолын удирдагчтайгаа холбоо барих” эсвэл “Яг одоо миний хийх хэрэгтэй зүйл бол хувцсаа өмсөх” гэх мэт.
Долоо хоногийн тэмдэглэл хөтөл. Ингэснээр бие махбодын шинж тэмдгүүд хэзээ илэрч байгааг мэдэхэд тусална (дээрх жишээг үзнэ үү). Давтамжийг олж мэд. Жишээ нь: Чи өвдөж байгаагаа анзаарах болно.
- Тодорхой хэдэн нөхцлүүдэд (Бүтэн сайн өдрүүдэд удирдагчидтай ойролцоо байх үед эсвэл олон цагийн турш юм идээгүй үедээ гэх мэт)
- Тодорхой зүйлсийн талаар бодох үед (солилцооны талаар мөн ямар нэг зүйлийг илүү дээр хийх хэрэгтэй байж гэж бодох үед г.м)
- Тодорхой мэдрэмж мэдрэх үед (утсаар ярих үедээ сандарч тэвдэх, ярихыг хүсэхгүй байгаа зүйлдээ уурлах).
Нөхцөл байдлыг өөрчлөх арга байгаа эсэхийг шалгаж үзэх (эрүүл хүнс авч явах), бодлоо өөрчлөх (21-р хуудасны “Сөрөг бодлын эсрэг ярих нь”-ыг үзнэ үү), эсвэл тайвшрах (17-р хуудасны “Сэтгэлийн дарамтад эерэгээр хариулах нь”-ийг үзнэ үү). 29–34–р хуудасны “Сэтгэл хөдлөлөө хянаж зохицуулахад туслах аргууд” хэсгээс нэмэлт зөвлөмж ол.

Тэмдэглэл хөтөл

Дасгал хийхэд таны биед ямар шинж тэмдгүүд гарч байгаа талаар дор үзүүлсний дагуу тэмдэглэл хөтөл. Эдгээр шинж тэмдгүүдэд хүргэдэг айдсыг багасгахын тулд өөрчилж чадах зүйлүүдээ олж мэдэхэд тань туслах жишээнүүдийг хай.

Огноо	Цаг	Шинж тэмдэг	Үзүүлэлт 1–5	Хаана/Юу хийж байгаа	Хэнтэй	Бодох/Мэдрэх нь	Юу тусалж болох
4/10	15 цаг	Толгойны өвчин	4	Сүмээс гэр рүүгээ алхаж байна - Кимийн гэр бүл ирээгүй бөгөөд тэд уулзалтаа цуцалсан. Өнөө орой	Ахлагч Жименэз	Кимийнхэн сүмд ирэх болов уу яах бол - уулзалтын талаар бухимдалтай - өлссөн	Хянаж чадахгүй зүйлсийнхээ талаар санаа зовохоо боль.
4/17	Өглөөний 7 цаг	Толгойны өвчин	4	Хамтарсан сургалт – Петрт зориулан хичээл бэлтгэх гэж хичээж байна.	Ахлагч Жөүнс	Петр үнэхээр баптисм хүртэх урилгыг хүлээн зөвшөөрөх болов уу	Хийж чадах зүйлээ хий, үлдсэнийг нь Бурханд даатга.
4/21	Оройны 8 цаг	Толгойны өвчин	3	Номлолын зохицуулах хурал – гишүүдтэй нөхөрлөх талаар ярьж байна.	Ахлагч Жөүнс Винн ах	Гишүүдтэй хийсэн энэ бүх ажлын дараа солилцоо болохгүй гэж найдаж байна.	Хамгийн сайнаараа хийгээд үлдсэнийг нь Бурханд даатгая.
4/25	Өглөөний 11 цаг	Толгойны өвчин гэхдээ тийм ч муугүй	2	Орон сууц - утсаар холбоо барих	Ахлагч Жөүнс	Кимтэй холбоо барихдаа болон бидэнтэй хамт очих гишүүнийг олохдоо ухаалаг байх нь	Илүү сайжирч, хамгийн сайнаараа хийж мөн юуг хянаж чадах болон чадахгүйгээ ойлгох нь

Эрүүл мэндийн тусламж эрэлхийл. Шинж тэмдэг удаан үргэлжилбэл эсвэл гэмтэж бэртсэн бол эрүүл мэндийн тусламж авахаар номлолын ерөнхийлөгчтэйгөө зөвлө.
Өөрийгөө март. Хэрэв та “би юу хэлэх гэж байгаагаа мартах болно” эсвэл “ өөрийгөө үнэхээр тэнэг байдалд оруулж байна” гэх мэт бодлуудыг анзаарвал хүн бүхэн алдаа гаргадаг бөгөөд Их Эзэн сул дорой мөн энгийн хүмүүсээр дамжуулан ажилладаг гэдгийг өөртөө сануул.

Орондоо цагтаа орж, унтах нь

Өдрийн сүүлийн хэдэн цагуудад өөрийгөө чөлөөтэй байлгаж амраа. Тэмдэглэлээ хөтөлж, сүү, жимс гэх мэт хөнгөн зууш идэх эсвэл зохистой хөгжим сонсож, хамтрагчтайгаа ярилцан эсвэл тайвшрах чадваруудаа хөгжүүл. Хэрэв та энэ цагаар ажиллах хэрэгтэй байдаг бол сэрүүлэгтэй цаг аваад орондоо орохоос 30 минутын өмнө сэрүүлэг тавь. Сэрүүлэг дуугарахад ажиллахаа боль. Амарч эхлэн, оронд ороход бэлтгэ.
Унтахад асуудал гардаг бол битгий дуг хий. Дуг хийх нь шөнө унтах цагаар нойргүйтэхэд хүргэнэ. Харин үүний оронд цагтаа орондоо ор. Хэрэв дуг хийх бол 20 минутаас илүү бүү унт.
Орой бүр нэг зүйлээ хийж хэвш. Энэ нь таны бие махбодыг унтах цагаа мэддэг болоход нь туслах болно. Жишээ нь: 19-р хуудасны тайвшруулах дасгалыг ашигла. Мөн энэ нь орондоо орж, унтахаас өөр ямар нэг зүйл хийхгүй байхад тусална (унших эсвэл идэх гэх мэт).
Таныг унтахгүй байхад нөлөөлж буй зүйлсийн жагсаалтыг гарга. Тэдгээрийг хойш нь тавь, оюун санаагаа амрааснаар та чухал юуг ч мартахгүй. Өглөө тодорхой төлөвлөгөөнүүд дээр ажиллана гэж өөртөө сануул. Оройн залбирлаа талархал болон тухайн өдөр сурсан зүйлсдээ төвлөрүүл.
Дулаац эсвэл сэрүүц. Хэрэв та хэт халууцаж эсвэл даарч байвал унтахад төвөгтэй байдаг. Бүлээн усанд ор эсвэл нэмэлт хөнжил ав.
Унтахаас нэг цагийн өмнө элсэн чихэр хэрэглэх эсвэл дасгал хийхээс зайлсхий.
Унтахгүй байгаадаа санаа бүү зов. Хэрэв та булчин болон оюунаа амрааж байвал унтаагүй байсан ч амарч чадна.
Гэрлээ боломжийн хэрээр багасгаж, чихэндээ хөвөн эсвэл чихэвч хийн, дуу чимээг намжаа. Бага зэрэг гэрэл эсвэл дуу чимээ байсан ч зарим хүмүүс унтаж чаддаггүй.

Цагтаа босох нь

Эхлээд орондоо цагтаа ор. Хэрэв та хангалттай унтаж чадахгүй байгаа бол 30 минутын өмнө орондоо орж бай. (Миний сайн мэдээг номло, viii-г үзнэ үү)
Дасгалаа тогтмол хий. 30 минутын дасгалыг өдөр бүр гурваас дөрвөн долоо хоног хийсний дараа та бага унтах хэрэгтэй гэдгээ мэдэх болно. Бие тань хүчтэй болох үед илүү эрч хүчтэй болж, илүү хурдан амардаг. Миний сайн мэдээг номло, viii-г үзнэ үү)
Унтахаасаа өмнө элсэн чихэр хэрэглэхээс татгалз. Элсэн чихрээс татгалзсанаар өглөөд сульдсан байдлыг багасгах болно.
Эерэгээр төлөвлө. Орой бүр 9:00 цагт эерэг, үр дүнтэй өглөөг төлөвлө, ингэснээр өглөө болоход танд илүү амар байх болно. Залбирахдаа төлөвлөгөөнийхөө талаар Их Эзэнтэй зөвлөлд. Залбирах үед оюун ухаанд тань ирдэг сүнслэг өдөөлт болон санаануудыг бичиж аван, тэдгээрийг үйлдэхээр бэлтгэ. Өдөр тутмын төлөвлөгөө гаргах нь унтахаар орондоо орох үед оюун санааг тань илүү амраана.
Уураг тархиа цэгцэл. Өглөө хэдэн цагт сэрэхийг хүсч байгаагаа өмнөх орой нь өөртөө хэл.
Цаг хэмжигч авч, гэрэлтэйгээ холбо. Сэрэх цагаас 15–20 минутын өмнө гэрэл асахаар цаг хэмжигчээ тохируул. Гэрэл нь таны оюун ухаанд сэрэхийг сануулна.

“Мөн зарлигуудад дуулгавартай байдалд алхан, эдгээр хэлсэн зүйлүүдийг санаж мөн хэрэгжүүлдэг бүх гэгээнтнүүд хүйсэндээ эрүүл энхийг хийгээд ясандаа чөмөг хүлээн авах болно, Мөн мэргэн ухаан хийгээд мэдлэгийн агуу сан хөмрөгүүдийг олж авах болно, мөн гүйхэд мөн ядрах нь үгүй, мөн алхахад мөн цуцах нь үгүй байх болно. Мөн устгагч тэнгэр элч Израилын хүүхдүүдийн дэргэдүүр өнгөрсний адил тэдний дэргэдүүр өнгөрч мөн тэднийг хөнөөхгүй байх болно хэмээх амлалтыг Их Эзэн бибээр тэдэнд өгч байна. Амен.”

—Сургаал ба Гэрээ 89:18–21

Эрүүл хүнсээр хооллох нь

Номлолын удирдагчдаасаа санаа авч болно. Амьдарч буй бүсийнхээ эрүүл хүнс болон хоолны жорын талаар тэднээс асуу.
Дэлгүүр явахаасаа өмнө төлөвлө. Хоол хүнсээ авахаар дэлгүүр явахаасаа өмнө хоол хүнс болон эрүүл хөнгөн зуушны төлөвлөгөө гарга.
Олон төрлийн хоол хүнс ид. Боломжтой бол өдөр бүр таван жимс эсвэл хүнсний ногоо идэх зорилго тавь.
Өдөр бүр уураг ид. Уураг өндөртэй хүнсэнд самар, шош, сүү, тараг, бяслаг, өндөг, загас, шувууны мах болон махан бүтээгдэхүүн орно.
Элсэн чихрийг багасгаж, кофеиноос татгалз. Энэ хоёр зүйл нь эцэстээ хүмүүсийг муухай зан ааштай, амархан ядардаг болгодог.
Ус болон шингэн юм уу. Цаг агаараас шалтгаалан өдөрт 6–12 аяга шингэн юм уу.

Бага багаар жингээ хас. Хэрэв та жингээ хасахаар хичээж байгаа бол долоо хоногт нэг килограммаас илүү жин хасах гэж бүү оролд харин илүү их ус уу.

Дасгал хийх хүсэлтэй болох нь

Дасгал хийх хүсэлгүй байвал хүсэлтэй болохын төлөө залбир. Зөвхөн таван минут хийхэд л хангалттай гэж өөртөө хэлээд эхэл. Хүсэл нь ихэвчлэн үйлдлийг дагадаг. Өөрөөр хэлбэл, бид нэг эхэлчихвэл илүү хүсэлтэй болдог.
Дасгал хийхийн ашиг тусыг өөртөө сануул. Илүү сайн дархлаатай, эрч хүчтэй, сэтгэлийн дарамтаа илүү хянаж зохицуулдаг, сайхан зан ааштай, жингээ сайн хянадаг болсон байгаагаар төсөөл. Эдгээр ашиг тус нь дасгал хийх дургүй хүмүүст ч гэсэн ирдэг.
Тоглоом наргиа болго. Дасгал хийх зуураа хөгжилтэй байх үйлчлэл төлөвлөж, зөв зохистой хөгжим дээр дасгал хийж, хамтрагчтайгаа дуртай номлолын түүхүүдээсээ хуваалц. Онооны дэвтэр нээж, дасгал хийх зорилгодоо хүрсэн үедээ бэлтгэлийн өдөр парк явах, ресторанд хооллох, дэлгүүр хэсэх зэргээр өөрийгөө шагнаж урамшуул.
Хийх дуртай дасгалынхаа төрлийг олж мэд (эсвэл дургүй дасгалуудаа). Жишээ нь: Зохистой хөгжмийн аянд алхах, хамтрагчтайгаа гүйх, дээс үсрэх, сунайх, гар дээрээ суниах, гэдэсний таталт хийх, иогоор хичээллэх зэрэг байж болно.