Fakahinohino ki he Kamata Vavé

Ko hono Fakaʻaongaʻi e Tohi Lēsoni ʻa e Faiako Seminelí

Kimuʻa Pea Kamata Hoʻo Faiakó

1. Ako ʻa e talateu ki he tohi lēsoni ʻa e faiako seminelí ki he taʻu lolotongá ke ke feangai mo ha niʻihi ʻo e ngaahi meʻangāue ʻoku fakakau ʻi he tohi lēsoní ke tokoni atu.

2. Maʻu ha taimi-tēpile ʻo e lēsoní ki hoʻo taimi-tēpile semineli fakalotofonuá mei hoʻo kouʻotineita S&I pe pule ki he polokalamá.

3. Fakaʻaongaʻi e taimi-tēpile ko ʻení ke ʻiloʻi e lēsoni hoko te ke akoʻí.

Vakai Fakalūkufua ki he Tohi Lēsoni ʻa e Faiako Seminelí

• ʻOku fokotuʻutuʻu ʻa e tohi lēsoni ko ʻení ke fakafekauʻaki mo e naunau ako ʻo e Haʻu, ʻo Muimui ʻIate Aú ki he uike takitaha pea ʻoku fakakau ai ha lēsoni ʻe nima ki he uike takitaha.

• ʻOku fakamavahevaheʻi e lēsoni takitaha ʻe nimá ʻaki ha fakamatala ʻoku ʻomi ai ha vakai fakalūkufua nounou ki he lēsoni takitaha. ‘Oku kau ʻi he vakai fakalūkufua ko ʻení ʻa e:

  • ngaahi taumuʻa ʻo e lēsoní;

  • ngaahi fakakaukau ki he teuteu ʻa e tokotaha akó;

  • ngaahi fakakaukau ki he lēsoni fakataumuʻá mo e ngaahi laʻipepa tufá, ʻīmisí, vitioó, pe ngaahi naunau kehe ʻe ala fiemaʻu ki ai ha fanongonongo tōmuʻa ke teuteú; mo e

  • ngaahi fokotuʻu ki hono akoʻi ʻi he konifelenisi vitioó.

• ʻOku kau ʻi he uike kotoa pē ha aʻusia fakaako fakataukei fakatokāteline ʻe taha pe lahi ange.

• ʻOku ʻi ai ha taimi ʻe niʻihi ʻoku fakakau ha lēsoni “Fakafuofuaʻi Hoʻo Akó” ke tokoni ki he kau akó ke fakakaukau ki he meʻa ʻoku nau akó mo e founga ʻoku nau tupulaki ai ʻi he ʻiló, tōʻonga moʻuí, mo e ngaahi ʻulungaanga ʻoku fakaloloto ai e uluí mo tokoniʻi kinautolu ke nau hoko ʻo hangē ange ko e Tamai Hēvaní mo Sīsū Kalaisí.

Toe Ako Makehe

Fakataha mo e talateu ki he tohi lēsoni ʻa e faiako seminelí, ʻoku lava ke maʻu atu e ngaahi maʻuʻanga tokoni ko ʻení ki ha toe ako makehe:

• Ngaahi fakataha ako mo hoʻo kouʻotineitá pe pule ki he polokalamá ke tali haʻo ngaahi fehuʻi mo akoako e ngaahi taukei fakafaiakó

• Ako ki he ngaahi taukei fakalakalaka fakafaiakó

• Ohi pea toki fakafenāpasi e ako ki he naunau fakalēsoni ʻa e seminelí

• Ako ki he fakataukei fakatokāteliné

• Ako ki he ngaahi siví