Ang Pribilihiyo sa Pagpakigbahin sa Ebanghelyo

“Ang ebanghelyo ni Jesukristo wala pa sukad mas gikinahanglan kaysa karon” (Russell M. Nelson, “Pagsangyaw sa Ebanghelyo sa Kalinaw,” Liahona, Mayo 2022, 6).

Isip usa ka lokal nga lider sa Iyang Simbahan, aduna kay pribilihiyo sa pagtrabaho uban sa Ginoo sa pagpakaylap sa Iyang ebanghelyo sa tibuok kalibotan (tan-awa sa Mateo 24:14).

“Ang atong pinaka tumong sa pagpakigbahin sa ebanghelyo mao ang pagtabang sa mga anak sa Langitnong Amahan sa pagbugkos sa ilang mga kaugalingon ngadto sa Manluluwas pinaagi sa pagdawat sa mga ordinansa ug sa paghimo ug pagtuman sa mga pakigsaad aron sila makapanunod sa kinabuhing dayon” (David A. Bednar, diha sa 2022 Pagpaambit sa Ebanghelyo: Usa ka Sibya alang sa mga Lider, Hunyo 25, 2022, ChurchofJesusChrist.org). Ang pagbuhat sa mga baroganan sa “paghigugma, pagpakigbahin, ug pagdapit” motultol sa normal ug natural nga mga paagi alang kaninyo ug niadtong inyong gialagaran aron makakita og kalipay ug kalamposan niining talagsaong buhat.

Si Presidente Russell M. Nelson misaad, “Ang umaabot mahimayaon alang niadtong kinsa nakaandam ug kinsa magpadayon sa pagpangandam nga mahimong mga instrumento sa mga kamot sa Ginoo” (“Hangupon ang Umaabot uban sa Hugot nga Pagtuo,” Liahona, Nob. 2020, 76). Samtang kamo maningkamot nga mangulo diha sa paagi sa Manluluwas, ang Kinatibuk-ang Tamdanan nga Basahon ug ang ubang kapanguhaan sa ubos makatabang ninyo nga mapamilyar ang propetikanhong direksyon sa pagpakigbahin sa ebanghelyo pinaagi sa paghigugma, pagpakigbahin, ug pagdapit.

“Pagpakigbahin sa Ebanghelyo ug Pagpalig-on sa Bag-o ug Mibalik nga mga Miyembro,” Kinatibuk-ang Tamdanan nga Basahon, kapitulo 23.

Pagpakigbahin sa mga Kapanguhaan sa Ebanghelyo

Ang mga kapanguhaan nga nakalista sa ubos makatabang kaninyo nga makasabot sa mga paagi aron matabangan ang mga miyembro sa Simbahan sa pagpaambit sa ebanghelyo pinaagi sa pagbuhat sa mga baroganan sa “paghigugma, pagpakigbahin, ug pagdapit.”

Isangyaw ang Akong Ebanghelyo: Usa ka Giya sa Pagpakigbahin sa Ebanghelyo ni Jesukristo

Gary E. Stevenson, “Paghigugma, Pagpaambit, Pagdapit,” Liahona, Mayo 2022, 84–87

Marcus B. Nash, “Ipakita Ninyo ang Inyong Kahayag,” Liahona, Nob. 2021, 71–73

Pagpakigbahin sa Ebanghelyo: Mga Baroganan sa Paghigugma, Pagpakigbahin, ug Pagdapit

Unsaon sa Pagsugod sa Pagpakigbahin sa Mga Kapanguhaan sa Simbahan

Pagpakigbahin sa mga Importanteng Panghitabo sa Ebanghelyo nga Sibya

2022 Pagpaambit sa Ebanghelyo: Usa ka Sibya alang sa mga Lider

Russell M. Nelson, “Pagsangyaw sa Ebanghelyo sa Kalinaw”, Liahona, Mayo 2022, 6–7