Pagpakigbahin sa mga Kapanguhaan sa Simbahan

Sa dinhi pa si Jesukristo sa kalibotan, Iyang gitabangan ang mga tawo sa ilang pisikal nga mga panginahanglan ingon man sa ilang espirituhanong mga panginahanglan. Iyang gipakaon ang mga gigutom ug giayo ang mga masakiton. Iyang gibayaw sila ug gitabangan kadtong naglibot Kaniya. Sa kasagaran lisod alang sa mga tawo nga motubo sa espirituhanon kong dili nila matubag ang ilang nag-una nga mga panginahanglanon.

Ang Simbahan nakahimo og mga kapanguhaan aron matubag ang pisikal ug espiritwal nga mga panginahanglan sa mga tawo karon. Kini nga mga kapanguhaan naglakip sa mga kurso sa pagbarog pinaagi sa kinaugalingong pagpaningkamot, mga klase sa EnglishConnect, mga grupo sa pagkaayo gikan sa pagkaadik, mga klase ug mga programa sa edukasyon, ug uban pa. Ang pagdapit sa dili miyembro nga mga higala nga makabenepisyo niini nga mga kapanguhaan sa Simbahan usa ka maayong paagi sa pagpakigbahin sa ebanghelyo. Kini nga mga kapanguhaan makatabang nila sa pagpalambo sa ilang kaayohan ug sa pagpalambo sa panaghigalaay uban sa mga miyembro sa Simbahan.

Isip mga lider, hunahunaa ang mahitungod sa mga panginahanglan sa mga tawo diha sa inyong komunidad. Sa unsang paagi ang mga kapanguhaan sa Simbahan makabenipisyo sa ilang kinabuhi?

• Anaa nga mga Kapanguhaan sa Simbahan

• Usa ka Giya sa Lider sa Pagpakigbahin sa mga Kapanguhaan sa Simbahan

• Giya sa Paghatag og Kapanguhaan sa Simbahan