Pangalawang Hakbang: Mangalap ng mga Kritikal na Impormasyon

Tipunin at ingatan ang mga sumusunod na impormasyon:

• Contact data para sa lahat ng miyembro at mga missionary na nakatira sa lugar na sakop ng stake o ward.

• Mapa ng lugar, kabilang na ang mga lugar na tirahan ng mga miyembro at missionary at lokasyon ng resources sa komunidad. (Maaaring gamitin ang maps.lds.org o LDS Tools para sa tulong sa gawaing ito.)

• Isang listahan ng mga miyembro na may espesyal na pangangailangan, tulad ng mga may kapansanan at matatanda.

• Isang listahan ng mga miyembro na may mga kagamitan o kasanayan (tulad ng medical o emergency response training) na magiging napakamahalaga sa panahon ng isang kalamidad.

• Impormasyon sa pagkontak sa mga ahensiya para sa kaligtasan ng publiko (tulad ng pulisya, sunog, o medical).

• Impormasyon sa pagkontak sa mga organisasyon sa komunidad (tulad ng Red Cross o Red Crescent) na nagbibigay ng mga serbisyo para sa emergency tulad ng pagkain, tirahan, at pangangalagang medikal.

• Contact Information para sa mga lider sa area welfare at, kung saan mayroon, sa lokal na mga operasyong pangkapakanan ng Simbahan.

Gamitin ang mga worksheet ng Kritikal na Impormasyon at ang worksheet ng Mga Gagawin at Tungkulin para makumpleto ang hakbang na ito.