Hikog
Unsaon nako pagsugod og pakig-istorya sa tawo nga akong gikabalak-an?

“Unsaon nako pagsugod og pakig-istorya sa tawo nga akong gikabalak-an?” Mga Kanunayng Gipangutana (2018).

“Unsaon nako pagsugod og pakig-istorya?” Mga Kanunayng Gipangutana.

Unsaon nako pagsugod og pakig-istorya sa tawo nga akong gikabalak-an?

Pangita og panahon ug lugar nga kamong duha mobati nga luwas nga magkaistorya. Sultihi ang imong higala nga tinud-anay ka nga nagpakabana kanila. Ipasabut ang unsay bag-o lang nimo nga naobserbahan, sama sa, “Morag dili ka malipayon karong bag-o.” Hatagi sila og panahon sa pagpasabut kon unsay ilang gibati. Ipakita nga nagpakabana ka pinaagi sa pagpaminaw sa unsay ilang isulti. Respetuhi ang ilang mga pagbati pinaagi sa pagsulti og sama sa, “Pasensya na nga nasakitan ka pag-ayo” o “Wala ko makabantay nga lisud diay kaayo ang imong sitwasyon.”

Kon morag sakto na ang panahon, pangutan-a sila og direkta kon naghunahuna ba sila sa paghikog. Mahimo ka nga mosulti og sama sa, “Naghunahuna ka ba sa paghunos sa imong kinabuhi?” Kon moingon sila nga naghunahuna sila nga maghikog, pangutan-a sila kon aduna ba silay plano. Mahimo ka nga mangutana, “Aduna ka bay plano nga pasakitan ang imong kaugalingon?” Kon aduna silay plano, tawagi diha-diha dayon ang usa ka tighatag og serbisyong pang-emerhensya o helpline panahon sa krisis diha sa inyong dapit.

Kon wala silay plano, ipakita nga nagpakabana ka pinaagi sa pagpaminaw sa unsay ilang isulti. Dayon awhaga sila sa pagsulti ngadto sa usa ka tawo kinsa makahatag og mas dakong suporta. Tan-awa sa “Unsaon Pagtabang og Tawo nga anaa sa Krisis” niini nga website alang sa dugang nga mga ideya.

Mga Kapanguhaan sa Simbahan ug sa Komunidad

(Ang ubang mga kapanguhaan nga gilista sa ubos wala gihimo, wala gimintenar, o wala gikontrolar sa Ang Simbahan ni Jesukristo sa mga Santos sa Ulahing mga Adlaw. Kini nga mga materyal gituyo aron magsilbing dugang nga makatabang nga mga kapanguhaan samtang magtuon ka niini nga hilisgutan. Ang Simbahan wala moendorso og bisan unsang sulod [content] nga wala mahisubay sa mga doktrina ug mga pagtulun-an niini.)