Unsa ang kinahanglan nakong buhaton kon adunay mosulti kanako nga naghunahuna sila sa paghikog?

Ayaw gayud pagsaad nga himoong sekreto ang mga hunahuna sa usa ka tawo sa paghikog. Kon mohangyo sila nimo nga dili mosulti ngadto ni bisan kinsa, ipasabut nga imong respetuhon ang ilang pagkapribado kutob sa mahimo apan nagkinahanglan sila og labaw nga tabang kay sa imong mahatag. Awhaga sila sa pagsulti ngadto sa usa ka tawo kinsa makahatag og mas dakong suporta. Ipaambit ang impormasyon sa pagkontak alang sa mga kapanguhaan sa pagpakgang sa paghikog diha sa inyong dapit.

Kon dili sila mangayo og tabang, kinahanglan ka nga mosulti og tawo alang kanila. Mahimong mosulti ka og sama sa, “Nagpakabana ko kanimo ug gusto nako nga luwas ka. Motawag ko og tawo nga makahatag kanimo sa tabang nga imong gikinahanglan.” Respetuhi ang ilang pagkapribado pinaagi sa pagsulti lamang og tawo nga imong gituohan nga makatabang, sama sa usa ka suod nga sakop sa pamilya, ang bishop sa tawo, usa ka magtatambag sa eskwelahan, o usa ka propesyonal sa pag-atiman sa panglawas. Kon dili ka sigurado kinsa ang sultihan, tawag o text ngadto sa libreng helpline panahon sa krisis diha sa inyong dapit. Hinumdumi, ang Ginoo wala maglaum nga mosuporta ka sa tawo nga ikaw ra.

Mga Kapanguhaan sa Simbahan ug sa Komunidad

• “Motabang sa Pagluwas: Mahimo Nato Kini,” Mervyn B. Arnold, Liahona, Mayo 2016, 53–55.

• “Ang Paggahin og Panahon sa Pag-istoryahanay ug Pagpaminaw,” Rosemary M. Wixom, Liahona, Abr. 2012, 34–37.