Unsaon Nako Pagsulti sa Uban sa Unsay Nahitabo?

Usa sa lisud nga mga desisyon human sa usa ka paghikog mao ang unsay isulti sa uban, lakip sa mga bata. Daghang tawo ang mosulay sa pagpanalipod sa ilang kaugalingon o sa uban gikan sa kasakit o kaulaw pinaagi sa pagsekreto sa usa ka paghikog. Hinoon, ang pagpaambit sa kamatuoran mahitungod sa paghikog sa usa ka minahal ngadto sa usa ka tawo nga imong gisaligan mahimong hilabihan ka makaayo. Ikonsiderar sa mainampoong paagi kon unsa ka daghan nga impormasyon ang imong ipaambit sa uban ug kanus-a. Matnguni nga ang ubang mga tawo mas maayong maminaw ug makig-istorya kay sa uban. Ang maayo og tumong nga mga indibidwal tingali makahimo og dili sensitibo o mahukmanong mga pulong sa paningkamot nga makatanyag og suporta. Sulayi sa pag-ila ang gugma ug kahupayan nga maoy ilang tumong kay sa masilo.

Importante sa mga ginikanan nga makigsulti sa ilang bata kon ang usa ka tawo nga kaila sa bata namatay pinaagi sa paghikog. Ang mga ginikaan kinahanglang magmainampoong mokonsiderar sa edad sa ilang bata ug ang lebel sa kahingkod kon mohukom unsay isulti kanila. Ipaniguro ngadto sa bata nga ang paghikog dili ilang sayop. Ipaambit ang imong pagpamatuod sa Pag-ula ni Jesukristo. Awhaga ang bata sa pagpaambit og positibo nga mga panumduman sa tawo nga namatay, ug hatagi ang bata og panahon sa pagpangutana. Ikonsiderar nga magdungan sa pag-ampo o motanyag sa bata og panalangin sa pagkapari. Mahimo ka usab nga magpakitambag sa usa ka propesyonal sa pag-atiman sa panglawas alang sa mga bata aron motabang niini nga proseso.

Mga Kapanguhaan sa Simbahan ug sa Komunidad

(Ang ubang mga kapanguhaan nga gilista sa ubos wala gihimo, wala gimintenar, o wala gikontrolar sa Ang Simbahan ni Jesukristo sa mga Santos sa Ulahing mga Adlaw. Kini nga mga materyal gituyo aron magsilbing dugang nga makatabang nga mga kapanguhaan samtang magtuon ka niini nga hilisgutan. Ang Simbahan wala moendorso og bisan unsang sulod [content] nga wala mahisubay sa mga doktrina ug mga pagtulun-an niini.)

• “Ugma ang Ginoo Mobuhat og Katingalahan diha Kaninyo,” Jeffrey R. Holland, Liahona, Mayo 2016, 124–27.

• “Ang Paggahin og Panahon sa Pag-istoryahanay ug Pagpaminaw,” Rosemary M. Wixom, Liahona, Abr. 2012, 34–37.

• “Naghisgot mahitungod sa Lisud nga mga Hilisgutan,” Sheree Lyn Clarke, Liahona, Mar. 2015, 10–12.