Planohon
Kon magplano kong daan, mas maayo ang akong bation ug makahimo og mas maayong mga pagpili.
Ganahan ko nga maggitara, ug medyo maayo ko niini. Matag higayon nga duna koy umaabot nga pasundayag, nasayod ko nga kinahanglan kong magpraktis ug magplano daan. Parehas ra kini sa teknolohiya: kon magplano kong daan, mas maayo ang akong bation ug makahimo og mas maayong mga pagpili.
Nakahimo ko og simpleng mga lagda nga nakatabang nako nga magpadayon sa akong plano:
-
Limitahan nako ang akong inadlaw-adlaw nga pagtan-aw sa screen.
-
“I-follow” nako ug kontakon lamang ang suod nga pamilya ug mga higala.
-
Duna koy mga dapit sa panimalay nga didto gidili ang paggamit og mga device, sama sa akong kwarto ug sa banyo.
-
Naghimo ko og charging station sa pamilya, aron ang tanang device naka-charge ug anaa sa layo panahon sa gabii.
-
Naggamit ko og mga filter aron mapugngan ang mga dili maayo ug dili luwas nga application ug mga sulod.
Walay klaro nga desisyon sa husto o sayop sa matag pagpili nga akong gihimo alang sa teknolohiya. Apan ang pagplano daan makatabang. Ug makahisgot usab ko sa akong mga higala ug pamilya bahin sa ilang mga ideya.
Alang sa Kalig-on sa mga Kabatan-onan: Usa ka Giya sa Paghimo og mga Pagpili