Hunongon

Okey ra nako nga mohunong og kadali ug moundang una.

Usahay murag kinahanglan kong mogamit sa teknolohiya aron mobati og kalipay o makonektar sa ubang tawo. O mag-scroll ko kay magul-anon ko o gilaay. Usahay makakita ko og mga butang nga bayolente, makahadlok, o seksuwal, ug dili ko segurado kon unsay buhaton.

Nakat-onan nako nga OK ra kon mohunong ko og kadali ug moundang una. Ang Espiritu mogiya nako ug mopasidaan, ug motabang kini nako sa paghunahuna kon unsa ang akong gibuhat ug gibati. Dayon makadesisyon ko kon gusto ba kong mopili og lain.

Nakat-onan nako nga makatabang ang:

• Pagsaway niini: Kon makakita ko og dili maayo nga content o mopabatyag nako og dili maayo, kaguol, o dili komportable, pwede kong moingon nga, “Dili kini husto.”

• Paghimo og mas maayong pagpili: Pwede nakong pagngon ang device o i-silent ang mga notipikasyon. Pwede kong mogawas o moadto sa laing kwarto, nga dili magdala og device.

• Makigsulti og tawo: Pwede nakong isulti sa usa ka higala o kapamilya ang akong gibati. Usahay kinahanglan kong makigsuod sa usa ka tawo sa personal gayod, dili pinaagi sa screen.

Tuyo. Planohon. Hunongon. Tulo ka gagmay nga pulong makahimo og dakong kalainan.

Unsay imong plano sa paggamit og teknolohiya? Magamit nimo kini nga pahina sa paghimo og mugbong mga sulat o sa pagsulat og mga pahinumdom.