« ជួយសិស្សឲ្យស្គាល់សេចក្តីស្រឡាញ់ ព្រះចេស្តា និងសេចក្តីមេត្តាករុណារបស់ព្រះអម្ចាស់នៅក្នុងជីវិតរបស់ពួកគេ » ជំនាញអភិវឌ្ឍន៍គ្រូបង្រៀន ៖ ផ្តោតលើព្រះយេស៊ូវគ្រីស្ទ ( ឆ្នាំ២០២៣ )

« ជួយសិស្សឲ្យស្គាល់សេចក្តីស្រឡាញ់ ព្រះចេស្តា និងសេចក្តីមេត្តាករុណារបស់ព្រះអម្ចាស់នៅក្នុងជីវិតរបស់ពួកគេ » ជំនាញអភិវឌ្ឍន៍គ្រូបង្រៀន ៖ ផ្តោតលើព្រះយេស៊ូវគ្រីស្ទ

ផ្តោតលើព្រះយេស៊ូវគ្រីស្ទ ៖ ជួយសិស្សឲ្យមកកាន់ព្រះយេស៊ូវគ្រីស្ទ

ជួយសិស្សឲ្យស្គាល់សេចក្តីស្រឡាញ់ ព្រះចេស្តា និងសេចក្តីមេត្តាករុណារបស់ព្រះអម្ចាស់នៅក្នុងជីវិតរបស់ពួកគេ ។

ជំនាញ

សួរសំណួរដែលផ្តោតលើការភ្ជាប់ព្រះចេស្តា សេចក្តីមេត្តាករុណា និងឥទ្ធិពលរបស់ព្រះអម្ចាស់ទៅនឹងសេចក្តីពិតដែលបានបង្រៀននោះ ។

កំណត់និយមន័យ

ព្រះចេស្ដាកើតមាន នៅពេលយើងភ្ជាប់ការខិតខំរបស់យើងដើម្បីរស់នៅតាមគោលការណ៍នៃដំណឹងល្អ ទៅនឹងព្រះអង្គសង្គ្រោះរបស់យើងគឺព្រះយេស៊ូវគ្រីស្ទ ។ សូមចំណាយពេលក្នុងការរៀបចំរបស់អ្នក ដើម្បីពិចារណាអំពីអ្វីដែលគោលការណ៍នៅក្នុងបណ្តុំបទគម្ពីរជួយអ្នកឲ្យដឹង និងយល់អំពីព្រះយេស៊ូវគ្រីស្ទ ។ បន្ទាប់មក សូមបង្កើតសំណួរដោយប្រុងប្រយ័ត្នដែលអញ្ជើញសិស្សឲ្យពិចារណា អំពីអ្វីដែលពួកគេអាចរៀនអំពីសេចក្តីស្រឡាញ់ ព្រះចេស្តា និងសេចក្តីមេត្តាករុណារបស់ទ្រង់មកពីសេចក្តីពិតដែលកំពុងបង្រៀននោះ ។ ក្រៅពីជួយសិស្សឲ្យយល់ពីគោលលទ្ធិ សំណួរប្រភេទនេះក៏អាចជួយពួកគេឲ្យឃើញអំពីរបៀបដែលការរស់នៅតាមគោលការណ៍នោះ នឹងជួយពួកគេឲ្យដកពិសោធនូវសេចក្តីស្រឡាញ់ ព្រះចេស្តា និងសេចក្តីមេត្តាករុណារបស់ទ្រង់ ព្រមទាំងប្រែក្លាយកាន់តែដូចទ្រង់ផងដែរ ។ សំណួរប្រភេទនេះក៏អាចជួយសិស្សឲ្យពិចារណាអំពីរបៀបដែលព្រះយេស៊ូវគ្រីស្ទនឹងជួយពួកគេឲ្យរស់នៅតាមគោលលទ្ធិនោះផងដែរ ។

គំរូ និងការអនុវត្តខាងក្រោមនេះគឺជាឧទាហរណ៍ទូទៅ ។ ការបំពាក់បំប៉ននឹងកាន់តែមានប្រសិទ្ធភាព ប្រសិនបើគំរូ និងឱកាសអនុវត្តត្រូវបានផ្សារភ្ជាប់ទៅនឹងមេរៀនបន្ទាប់ ដែលនឹងត្រូវបានបង្រៀននៅក្នុងកម្មវិធីសិក្សា ។

គំរូ

ជំនួសឲ្យការសួរថា …

ហេតុអ្វីការរស់នៅតាមច្បាប់ដង្វាយមួយភាគក្នុងដប់សំខាន់ ?
ហេតុអ្វីយើងគួរប្រែចិត្តរាល់ថ្ងៃ ?

ផ្ទុយទៅវិញ សូមព្យាយាមសួរថា …

តើការរស់នៅតាមច្បាប់ដង្វាយមួយភាគក្នុងដប់បានបង្រៀនអ្នកអ្វីខ្លះអំពីព្រះវរបិតាសួគ៌ និងព្រះយេស៊ូវគ្រីស្ទ ?
តើអ្នកបានរៀនអ្វីខ្លះអំពីសេចក្ដីមេត្តាករុណារបស់ព្រះអង្គសង្គ្រោះ តាមរយៈការប្រែចិត្តរាល់ថ្ងៃ ?

សូមចុចនៅត្រង់នេះដើម្បីមើលវីដេអូអំពីគំរូនេះ ។

1:24

អនុវត្ត

សូមអនុវត្តដោយផ្លាស់ប្តូរសំណួរខាងក្រោម តាមរបៀបដែលជួយសិស្សឲ្យភ្ជាប់សេចក្តីស្រឡាញ់ ព្រះចេស្តា និងសេចក្តីមេត្តាករុណារបស់ព្រះអម្ចាស់ទៅនឹងសេចក្តីពិតដែលកំពុងបង្រៀននោះ ។

ជំនួសឲ្យការសួរថា …

ហេតុអ្វីវាសំខាន់ដើម្បីសិក្សាព្រះគម្ពីររៀងរាល់ថ្ងៃ ?
តើព្រះចេស្តាអ្វីខ្លះដែលកើតមកពីការចូលរួមព្រះវិហារបរិសុទ្ធ ?

ផ្ទុយទៅវិញ សូមព្យាយាមសួរថា …

ពិភាក្សា ឬជញ្ជឹងគិត

តើអ្នកបានរៀនដើម្បីមើលឃើញថា គោលការណ៍ខាងគោលលទ្ធិនោះប្រែកាន់តែមានអត្ថន័យយ៉ាងដូចម្តេច នៅពេលអ្នកភ្ជាប់គោលការណ៍ទាំងនោះទៅនឹងសេចក្តីស្រឡាញ់ ព្រះចេស្តា និងសេចក្តីមេត្តាករុណារបស់ព្រះអម្ចាស់ ?
តើការធ្វើបែបនេះអាចជួយសិស្សរបស់យើងឲ្យយល់កាន់តែច្បាស់ និងពឹងផ្អែកលើការបង្រៀន និងដង្វាយធួនរបស់ព្រះយេស៊ូវគ្រីស្ទដោយរបៀបណា ?

រួមបញ្ចូល

សូមមើលផែនការមេរៀនបន្ទាប់របស់អ្នក ។ សូមចំណាយពេល ១០ នាទីកែសម្រួលសំណួរ ដើម្បីជួយសិស្សឲ្យភ្ជាប់សេចក្តីស្រឡាញ់ ព្រះចេស្តា និងសេចក្តីមេត្តាករុណារបស់ព្រះអម្ចាស់ទៅនឹងសេចក្តីពិតដែលកំពុងបង្រៀន ។

តើចង់បានបន្ថែមទៀតទេ ?

ឆាដ អេច វិប « We Talk of Christ, We Rejoice in Christ » ( ការចាក់ផ្សាយអំពីការបំពាក់បំប៉នថ្នាក់សិក្ខាសាលា និងថ្នាក់វិទ្យាស្ថានសាសនាប្រចាំឆ្នាំ នៅថ្ងៃទី១២ ខែមិថុនា ឆ្នាំ២០១៨ ) នៅលើគេហទំព័រ broadcasts.ChurchofJesusChrist.org
ឆាដ អេច វិប « Empathy » ( ការចាក់ផ្សាយអំពីការបំពាក់បំប៉នថ្នាក់សិក្ខាសាលា និងថ្នាក់វិទ្យាស្ថានសាសនាប្រចាំឆ្នាំ នៅថ្ងៃទី២៦ ខែមករា ឆ្នាំ២០២១ ) នៅលើគេហទំព័រ broadcasts.ChurchofJesusChrist.org

ជំនាញ

ផ្តល់ការអញ្ជើញដែលជួយសិស្សឲ្យស្គាល់សេចក្តីស្រឡាញ់ ព្រះចេស្ដា និងសេចក្តីមេត្តាករុណារបស់ព្រះអម្ចាស់នៅក្នុងបទពិសោធន៍របស់ពួកគេផ្ទាល់ ។

កំណត់និយមន័យ

អ្នកអាចជួយសិស្សឲ្យមកកាន់ព្រះយេស៊ូវគ្រីស្ទបាន ដោយការអញ្ជើញពួកគេឲ្យស្គាល់សេចក្តីស្រឡាញ់ ព្រះចេស្ដា និងសេចក្តីមេត្តាករុណារបស់ទ្រង់នៅក្នុងបទពិសោធន៍របស់ពួកគេផ្ទាល់ ។ បន្ទាប់ពីអ្នកបានរកឃើញបទគម្ពីរមួយ ដែលបានពិពណ៌នាអំពីសេចក្តីស្រឡាញ់ ព្រះចេស្តា ឬសេចក្តីមេត្តាករុណារបស់ទ្រង់រួចហើយ ៖

សូមបង្ហាញនូវទំនុកចិត្តថា សិស្សនឹងដកពិសោធន៍នូវសេចក្តីស្រឡាញ់ ព្រះចេស្តា និងសេចក្តីមេត្តាករុណារបស់ព្រះគ្រីស្ទនៅក្នុងជីវិតពួកគេ ។
សូមទុកពេលឲ្យសិស្សនឹកចាំពីគ្រាមួយ នៅពេលដែលពួកគេមានអារម្មណ៍ថាមានសេចក្តីស្រឡាញ់ ព្រះចេស្តា ឬសេចក្តីមេត្តាករុណារបស់ព្រះអង្គសង្គ្រោះនៅក្នុងបទពិសោធន៍របស់ពួកគេផ្ទាល់ ( គ្រាទាំងនេះអាចកើតនៅក្នុងអតីតកាល ឬបច្ចុប្បន្នកាល ) ។
សូមសួរប្រសិនបើមានអ្នកស្ម័គ្រចិត្តចង់ឡើងចែកចាយបទពិសោធន៍ផ្ទាល់ខ្លួន ។

ពេលសិស្សកាន់តែមានសមត្ថភាពស្គាល់អំពីតួនាទីរបស់ព្រះគ្រីស្ទនៅក្នុងបទពិសោធន៍ផ្ទាល់ខ្លួនរបស់ពួកគេ នោះពួកគេនឹងមានអារម្មណ៍កាន់តែខិតជិតទ្រង់ ហើយទំនាក់ទំនងរបស់ពួកគេជាមួយនឹងទ្រង់ក៏នឹងត្រូវបានពង្រឹងផងដែរ ។

គំរូ

នេះគឺជាឧទាហរណ៍នៃអ្វីដែលវាអាចមាន ៖

គោលលទ្ធិ និងសេចក្ដីសញ្ញា ៦១:១ ពិពណ៌នាព្រះយេស៊ូវគ្រីស្ទថាជា « អ្នកដែលមានអស់ទាំងព្រះចេស្តា » ។ ដើម្បីជួយសិស្សឲ្យស្គាល់នូវព្រះចេស្តារបស់ទ្រង់ក្នុងបទពិសោធន៍ផ្ទាល់របស់ពួកគេ អ្នកអាចនឹងនិយាយថា « ខ្ញុំជឿថា ប្អូនម្នាក់ៗធ្លាប់មាននូវបទពិសោធន៍ជាច្រើន ដែលប្អូនៗអាចទទួលអារម្មណ៍នៃព្រះចេស្តារបស់ព្រះអង្គសង្គ្រោះក្នុងជីវិតប្អូនៗ ។ សូមចំណាយពេលបីនាទីទៀតសរសេរអំពីគ្រាមួយដែលអ្នកបានទទួលអារម្មណ៍ពីព្រះចេស្ដារបស់ទ្រង់ » ។ បន្ទាប់ពីសិស្សភាគច្រើនបានបញ្ចប់លំហាត់សរសេររួចហើយ អ្នកអាចសួរថា « ប្រសិនបើវាមិនផ្ទាល់ខ្លួនពេកទេ តើមាននរណាម្នាក់ស្ម័គ្រចិត្តក្នុងចង់ចែកចាយបទពិសោធន៍របស់ពួកគេជាមួយសិស្សក្នុងថ្នាក់ដែរឬទេ ? »

1:49

អនុវត្ត

សូមឆ្លើយសំណួរមួយ ឬច្រើនខាងក្រោមនេះ ៖

លូកា ៥ មាននូវគំរូមួយចំនួនអំពីព្រះចេស្តាព្យាបាលរបស់ព្រះអង្គសង្គ្រោះ ។ សូមអាន លូកា ៥:១២–១៧ ។ សូមរៀនសរសេរការអញ្ជើញមួយ ឬពីរដែលនឹងជួយសិស្សឲ្យជញ្ជឹងគិត នៅពេលពួកគេបានទទួលបទពិសោធន៍ដូចគ្នាពីព្រះចេស្តាព្យាបាលរបស់ព្រះគ្រីស្ទ ។
សូមបើកទៅមេរៀនកម្មវិធីសិក្សាបន្ទាប់របស់អ្នក ។ សូមស្វែងរកកន្លែងមួយនៅក្នុងបណ្តុំបទគម្ពីរ ជាកន្លែងដែលអ្នកអាចរៀនសរសេរការអញ្ជើញមួយ ឬពីរដើម្បីជួយសិស្សឲ្យពិចារណាអំពីពេលដែលពួកគេបានដកពិសោធន៍ដោយផ្ទាល់នូវសេចក្តីស្រឡាញ់ ព្រះចេស្តា ឬសេចក្តីមេត្តាករុណារបស់ព្រះអម្ចាស់ ។

ពិភាក្សា ឬជញ្ជឹងគិត

តើអ្នកបានធ្វើការអញ្ជើញអ្វីខ្លះនាពេលថ្មីៗនេះ ដើម្បីជួយសិស្សឲ្យស្គាល់សេចក្ដីស្រឡាញ់ ព្រះចេស្តា និងសេចក្ដីមេត្តាករុណារបស់ព្រះគ្រីស្ទនៅក្នុងជីវិតផ្ទាល់ខ្លួនរបស់ពួកគេ ?
តើអ្នកអាចចាំថាត្រូវផ្តល់ការអញ្ជើញប្រភេទនេះនៅក្នុងបទពិសោធន៍បន្ទាប់របស់អ្នកជាមួយសិស្សដោយរបៀបណា ?
ដោយសារតែបទពិសោធន៍ដែលអ្នកមានជាមួយនឹងសេចក្តីស្រឡាញ់ សេចក្ដីមេត្ដាករុណា និងព្រះចេស្ដារបស់ព្រះគ្រីស្ទ តើការណ៍នោះជំរុញអ្នកឲ្យបន្ត ឬប្រហែលជាបង្កើនការខិតខំប្រឹងប្រែងរបស់អ្នក ដើម្បីជួយសិស្សរបស់អ្នកឲ្យមើលឃើញទ្រង់នៅក្នុងជីវិតរបស់ពួកគេដោយរបៀបណា ?

រួមបញ្ចូល

សូមជ្រើសរើសបណ្តុំបទគម្ពីរនាពេលខាងមុខមួយ ដែលបង្ហាញអំពីសេចក្តីមេត្តាករុណា សេចក្តីស្រឡាញ់ ឬព្រះចេស្តារបស់ព្រះគ្រីស្ទ ។ សូមបង្កើតការអញ្ជើញមួយដោយប្រុងប្រយ័ត្នក្នុងផែនការមេរៀន ដើម្បីជួយសិស្សឲ្យមើលឃើញព្រះអង្គសង្គ្រោះនៅក្នុងបទពិសោធន៍ផ្ទាល់ខ្លួនរបស់ពួកគេ ។

តើចង់បានបន្ថែមទៀតទេ ?

« ជួយសិស្សឲ្យមកកាន់ព្រះយេស៊ូវគ្រីស្ទ » ការបង្រៀនតាមរបៀបរបស់ព្រះអង្គសង្គ្រោះ ( ឆ្នាំ២០២២ ) ទំព័រ ៨–៩
ឌៀថើរ អេហ្វ អុជដុហ្វ « The Gift of Grace » Liahona ខែឧសភា ឆ្នាំ២០១៥ ទំព័រ ១០៧–១១០
រ័សុល អិម ណិលសុន « The Everlasting Covenant » Liahona ខែតុលា ឆ្នាំ២០២២ ទំព័រ ៤–១១