« អញ្ជើញសិស្សឲ្យរៀបចំខ្លួនដើម្បីរៀនសូត្រ » ជំនាញអភិវឌ្ឍន៍គ្រូបង្រៀន ៖ អញ្ជើញឲ្យរៀនសូត្រដោយឧស្សាហ៍ព្យាយាម ( ឆ្នាំ២០២៣ )
« អញ្ជើញសិស្សឲ្យរៀបចំខ្លួនដើម្បីរៀនសូត្រ » ជំនាញអភិវឌ្ឍន៍គ្រូបង្រៀន ៖ អញ្ជើញឲ្យរៀនសូត្រដោយឧស្សាហ៍ព្យាយាម
គោលការណ៍នៃការបង្រៀនដូចជាព្រះគ្រីស្ទ ៖ អញ្ជើញឲ្យរៀនសូត្រដោយឧស្សាហ៍ព្យាយាម
អញ្ជើញសិស្សឲ្យរៀបចំខ្លួនដើម្បីរៀនសូត្រ ។
ជំនាញ
បង្កើតការអញ្ជើញដែលជួយសិស្សឲ្យរៀបចំខ្លួនសម្រាប់បទពិសោធន៍រៀនសូត្រលើកក្រោយ ។
កំណត់និយមន័យ
បន្ទាប់ពីបានបង្រៀនអ្នកដើរតាមមួយចំនួនរបស់ទ្រង់នៅទ្វីបអាមេរិកហើយ ព្រះអង្គសង្គ្រោះបានអញ្ជើញពួកគេឲ្យ « ប្រុងប្រៀបចិត្តគំនិត [ របស់ពួកគេ ] ចាំថ្ងៃស្អែក ហើយយើងនឹងយាងមកជួបអ្នកទៀត » ( នីហ្វៃទី៣ ១៧:៣ ) ។ ការអញ្ជើញសិស្សឲ្យរៀបចំខ្លួនដើម្បីរៀនសូត្រ គឺជាផ្នែកដ៏សំខាន់មួយនៃការជួយពួកគេឲ្យស្គាល់សេចក្តីពិតដោយខ្លួនឯង ( សូមមើល យ៉ូសែប ស្ម៊ីធ—ប្រវត្តិ ១:២០ ) ។ ការអញ្ជើញទាំងនេះផ្តល់ឱកាសឲ្យសិស្សមានបទពិសោធន៍ជាមួយវគ្គបទគម្ពីរ ឬសេចក្តីពិតមុនពេលពួកគេមកកាន់ថ្នាក់រៀន ។ ការអញ្ជើញឲ្យរៀបចំខ្លួនកើតមានឡើងតាមទម្រង់ជាច្រើន ។ ទម្រង់ទាំងនោះច្រើនតែជាប្រយោគខ្លីសាមញ្ញ ដែលរួមមាន ៖
-
វគ្គបទគម្ពីរ ឬសេចក្តីពិតដែលនឹងត្រូវពិភាក្សានៅក្នុងមេរៀនបន្ទាប់ ។
-
របៀបមួយដើម្បីឲ្យសិស្សអានព្រះបន្ទូលរបស់ព្រះ ។ ឧទាហរណ៍ សិស្សអាចសិក្សា អនុវត្ត ពិភាក្សា ឬសួរ និងជញ្ជឹងគិតសំណួរអំពីអ្វីដែលពួកគេនឹងត្រូវរៀន ។
ព្រះវិញ្ញាណបរិសុទ្ធអាចបំផុសគំនិតដល់អ្នក ទាំងអំឡុងពេលការរៀបចំមេរៀន និងអំឡុងបទពិសោធន៍រៀនសូត្រជាមួយការអញ្ជើញដែលអាចជួយសិស្សឲ្យត្រៀមខ្លួនរួចជាស្រេចដើម្បីរៀនសូត្របានយ៉ាងល្អបំផុត ។ ជាញឹកញាប់ កម្មវិធីសិក្សាមាននូវការអញ្ជើញបែបនេះនៅក្នុងឯកសារមេរៀន ។
គំរូ និងការអនុវត្តខាងក្រោមនេះគឺជាឧទាហរណ៍ទូទៅ ។ ការបំពាក់បំប៉ននឹងកាន់តែមានប្រសិទ្ធភាព ប្រសិនបើគំរូ និងឱកាសអនុវត្តត្រូវបានផ្សារភ្ជាប់ទៅនឹងមេរៀនបន្ទាប់ ដែលនឹងត្រូវបានបង្រៀននៅក្នុងកម្មវិធីសិក្សា ។
គំរូ
-
បងស្រី មិនដេស ចង់ជួយសិស្សរបស់គាត់ឲ្យទទួលអារម្មណ៍នៃសេចក្តីសង្ឃឹម ពេលពួកគេសិក្សា ធីម៉ូថេ ទី២ ។ គាត់បង្កើតការអញ្ជើញនេះ ៖ « ពេលប្អូនៗសិក្សា ធីម៉ូថេ ទី២ នៅសប្តាហ៍នេះ សូមរកមើលខគម្ពីរដែលផ្តល់ក្តីសង្ឃឹមដល់ប្អូនៗតាមរយៈព្រះយេស៊ូវគ្រីស្ទ ហើយចែកចាយអ្វីដែលប្អូនៗបានរៀនជាមួយអ្នកផ្សេងទៀត » ។
-
បងប្រុស ប៊្រែតស្ស័រ កំពុងរៀបចំខ្លួនដើម្បីបង្រៀនអំពីការបម្រើដោយប្រើការលើកទឹកចិត្តរបស់ស្តេចបេនយ៉ាមីន ។ គាត់រៀបចំការអញ្ជើញនេះ ៖ « សូមស្វែងរកវិធីមួយដើម្បីបម្រើនរណាម្នាក់នៅសប្តាហ៍នេះ ហើយត្រៀមខ្លួនដើម្បីចែកចាយ ពេលយើងសិក្សា ម៉ូសាយ ២–៤ » ។
សូមចុចនៅត្រង់នេះដើម្បីមើលវីដេអូអំពីគំរូនេះ ។
អនុវត្ត
-
អ្នកនឹងបង្រៀនអំពីគុណលក្ខណៈដូចជាព្រះគ្រីស្ទស្ដីពីការអត់ធ្មត់នៅក្នុងមេរៀនក្រោយ ។ សូមបង្កើតការអញ្ជើញមួយ ដែលអ្នកអាចផ្តល់ឲ្យសិស្សក្នុងថ្នាក់នៅថ្ងៃនេះ ដើម្បីឲ្យសិស្សមករៀនដោយបានរៀបចំខ្លួននៅពេលក្រោយ ។
-
សូមជ្រើសរើសវគ្គបទគម្ពីរ ឬសេចក្តីពិតនៅក្នុងមេរៀនកម្មវិធីសិក្សានាពេលខាងមុខ ហើយបង្កើតការអញ្ជើញដែលរៀបចំសិស្សឲ្យរៀន ។
ពិភាក្សា ឬជញ្ជឹងគិត
-
តើអ្នកកំពុងរៀនអ្វីខ្លះអំពីការបង្កើតការអញ្ជើញដើម្បីជួយសិស្សឲ្យរៀន ?
-
តើអ្នកបានឃើញការរៀបចំខ្លួនរបស់សិស្ស ចូលរួមចំណែកដល់បទពិសោធន៍រៀនសូត្រតាមវិធីណាខ្លះ?
រួមបញ្ចូល
-
សូមផ្ដល់ការអញ្ជើញនៅក្នុងមេរៀននាពេលខាងមុខ ដើម្បីឲ្យសិស្សធ្វើអ្វីមួយនៅខាងក្រៅថ្នាក់ ដើម្បីរៀបចំខ្លួនសម្រាប់បទពិសោធន៍រៀនសូត្របន្ទាប់ ។ សូមវាយតម្លៃអំពីអ្វីដែលអ្នកបានរៀននៅពេលក្រោយ ។ សូមស្វែងរកមតិកែលម្អពីសិស្សរបស់អ្នក ដើម្បីបន្តកែលម្អការអញ្ជើញដែលអ្នកផ្តល់ឲ្យ ។
តើចង់បានបន្ថែមទៀតទេ ?
-
« តើខ្ញុំជួយឲ្យមនុស្សធ្វើ និងរក្សាការតាំងចិត្តយ៉ាងដូចម្ដេច ? » ប្រកាសដំណឹងល្អរបស់យើង ៖ មគ្គុទេសន៍ចំពោះការបម្រើជាអ្នកផ្សព្វផ្សាយសាសនា ( ឆ្នាំ២០១៨ ) ទំព័រ ១៩៩–២០៦
-
« ព្រះអង្គសង្គ្រោះបានអញ្ជើញអ្នកដទៃឲ្យរៀបចំខ្លួនដើម្បីរៀន » ការបង្រៀនតាមរបៀបរបស់ព្រះអង្គសង្គ្រោះ ( ឆ្នាំ២០២២ ) ទំព័រ ២៥
-
ជេន អ៊ី នូមែន « Teaching in the Savior’s Way » Liahona ខែឧសភា ឆ្នាំ២០២១ ទំព័រ ១៦–១៩
ជំនាញ
បង្កើតការអញ្ជើញដ៏មានអត្ថន័យមួយដែលភ្ជាប់ទៅនឹងលទ្ធផលមេរៀនដែលត្រូវប្រើនៅពេលចាប់ផ្ដើមមេរៀននីមួយៗ ។
កំណត់និយមន័យ
ការរៀបចំខ្លួនដើម្បីរៀនគឺមានសារៈសំខាន់ណាស់សម្រាប់ការរៀនដំណឹងល្អ ។ វិធីសាស្រ្តដ៏មានប្រសិទ្ធភាពមួយដែលគ្រូបង្រៀនអាចជួយរៀបចំសិស្សរបស់ខ្លួន គឺដោយបង្កើតនូវការអញ្ជើញដ៏មានអត្ថន័យមួយដើម្បីប្រើ នៅពេលចាប់ផ្ដើមមេរៀនមួយ ។ ក្នុងអំឡុងពេលរៀបចំរបស់អ្នក សូមគិតអំពីសិស្សរបស់អ្នក និងអ្វីដែលអ្នកសង្ឃឹមថា មេរៀននេះនឹងមានលទ្ធផលបែបណា ។ សូមពិចារណាអំពីការអញ្ជើញអ្វីដែលនឹងរៀបចំពួកគេឲ្យធ្វើសកម្មភាព និងរៀនពេញមួយមេរៀនដើម្បីសម្រេចបានលទ្ធផល ហើយសរសេរវានៅក្នុងផែនការមេរៀនរបស់អ្នក ។ ការបង្កើតការអញ្ជើញទាំងនេះអាចបង្កើនសមត្ថភាពរបស់សិស្ស ដើម្បីសម្រេចបានលទ្ធផល និងអាចលើកទឹកចិត្តឲ្យមានការចែកចាយដោយយកចិត្តទុកដាក់ ។
គំរូ និងការអនុវត្តខាងក្រោមនេះគឺជាឧទាហរណ៍ទូទៅ ។ ការបំពាក់បំប៉ននឹងកាន់តែមានប្រសិទ្ធភាព ប្រសិនបើគំរូ និងឱកាសអនុវត្តត្រូវបានផ្សារភ្ជាប់ទៅនឹងមេរៀនបន្ទាប់ ដែលនឹងត្រូវបានបង្រៀននៅក្នុងកម្មវិធីសិក្សា ។
គំរូ
-
បងប្រុស ហ្វើរណាន់ដេស នឹងបង្រៀនអំពីគោលការណ៍នៃការគោរពប្រតិបត្តិ ។ គាត់ចង់ជួយសិស្សរបស់គាត់ឲ្យស្គាល់ពរជ័យដែលកើតឡើងដោយសារតែការគោរពប្រតិបត្តិ ។ នៅក្នុងការរៀបចំរបស់គាត់ គាត់បានសរសេរនូវការអញ្ជើញដូចតទៅនេះថា ៖ « ពេលយើងរៀនមេរៀននេះ សូមស្វែងរកគោលការណ៍នៃការគោរពប្រតិបត្តិ និងពរជ័យដែលពាក់ព័ន្ធ ហើយកត់ត្រាវាទុកនៅក្នុងសៀវភៅកំណត់ហេតុរបស់អ្នក » ។
សូមចុចនៅត្រង់នេះដើម្បីមើលវីដេអូអំពីគំរូនេះ ។
អនុវត្ត
សូមបង្កើតការអញ្ជើញដ៏មានអត្ថន័យមួយដែលភ្ជាប់ទៅនឹងលទ្ធផលមេរៀន ដែលត្រូវប្រើនៅពេលចាប់ផ្ដើមមេរៀនខាងក្រោមនេះ ៖
-
អ្នកកំពុងបង្រៀន នីហ្វៃទី៣ ២៨ ហើយលទ្ធផលដែលអ្នកសង្ឃឹមនោះគឺថា សិស្សនឹងមានអារម្មណ៍ថាមានបំណងចង់នាំអ្នកដទៃមកកាន់ព្រះយេស៊ូវគ្រីស្ទកាន់តែខ្លំាងឡើង ។
-
ជំហានបន្ទាប់របស់អ្នក
ពិភាក្សា ឬជញ្ជឹងគិត
-
ចេញពីអ្វីដែលអ្នកកំពុងរៀនពេលអ្នកអនុវត្ត តើអ្វីជាបុគ្គលិកលក្ខណៈមួយចំនួននៃការអញ្ជើញដ៏មានអត្ថន័យ ?
-
តើលទ្ធផលវិជ្ជមានអ្វីខ្លះ ដែលសិស្សរបស់អ្នកអាចជួបប្រទះ ពេលដែលអ្នកជួយពួកគេឲ្យធ្វើសកម្មភាពលើការអញ្ជើញដ៏មានអត្ថន័យនៅដើមមេរៀននីមួយៗ ?
រួមបញ្ចូល
-
ប្រើការអញ្ជើញដែលអ្នកបានរៀបចំនៅក្នុងការអនុវត្តជាមួយសិស្សក្នុងថ្នាក់ ។
-
ពេលអ្នករៀបចំមេរៀនបន្ថែម តើអ្នកអាចបន្តប្រើគំរូនេះដោយរបៀបណា ?
តើចង់បានបន្ថែមទៀតទេ ?
-
ព្រះអង្គសង្គ្រោះបានអញ្ជើញអ្នកដទៃឲ្យរៀបចំខ្លួនដើម្បីរៀន » នៅក្នុង « អញ្ជើញឲ្យរៀនសូត្រដោយឧស្សាហ៍ព្យាយាម » ការបង្រៀនតាមរបៀបរបស់ព្រះអង្គសង្គ្រោះ ( ឆ្នាំ២០២២ ) បណ្ណាល័យដំណឹងល្អ