Ինչպե՞ս հարգել մեզանից տարբերվող մարդկանց

Եթե ունեք ընտանիքի անդամներ կամ ընկերներ, ովքեր իրենց համարում են տրանսգենդեր, աղոթեք Քրիստոսի սիրո համար, ջանալով հետևել Փրկչի օրինակին, և սիրել նրանց: Միմյանց սիրելու պատվիրանը ներառում է նրանց, ովքեր չեն կիսում մեր աշխարհայացքը:

Ինչպես նախագահ Դալլին Հ․ Օուքսն ուսուցանել է․ «Կյանքում շատ հարաբերություններում և պայմաններում մենք պետք է շփվենք մարդկանց հետ, որոնք տարբերվում են մեզանից: Կարևոր է, որ մեր կողմից այս տարբերությունները չմերժվեն կամ անտեսվեն, սակայն որպես Քրիստոսի հետևորդներ, մենք պետք է սովորենք խաղաղ ապրել ուրիշների հետ, որոնք չեն կիսում մեր արժեքները կամ ընդունում ուսմունքները, որոնց վրա դրանք հիմնված են: Հոր փրկության ծրագիրը, որի մասին մենք գիտենք մարգարեական հայտնությամբ, դնում է մեզ մահկանացու պայմաններում, որտեղ մենք պետք է պահենք Նրա պատվիրանները: Դա ներառում է՝ սիրել տարբեր մշակույթներ և համոզմունքներ ունեցող մեր մերձավորներին այնպես, ինչպես Նա սիրեց մեզ: Ինչպես ուսուցանել է Մորմոնի Գրքի մարգարեն, մենք պետք է առաջ մղվենք` ունենալով «սեր Աստծո հանդեպ և բոլոր մարդկանց հանդեպ» (2 Նեփի 31.20)», («Սիրել ուրիշներին և ապրել տարբերություններով հանդերձ», Լիահոնա, նոյեմբեր 2014, 28)։