Ի՞նչ կարող եմ անել՝ քրիստոսանման սեր ցույց տալու համար

Կարևոր է հասկանալ, որ «մարդիկ այս ճանապարհին տարբեր արահետների վրա են»: Մենք պետք է հասկանանք մեզ շրջապատող մարդկանց կարիքները: Յուրաքանչյուր մարդ ունի դժվարություններ։ Ոմանք ունեն լուրջ խնդիրներ, որոնց մասին մենք նույնիսկ չգիտենք: Աստված սիրում է բոլորիս։ Մենք պետք է փորձենք ուրիշներին նայել քրիստոսանման աչքերով: Մենք չպետք է «թույլ տանք, որ դատողությունը թելադրի, թե ինչպես շփվենք մարդկանց հետ»: Կյանքը ոչ միայն «մեր սեփական առաջընթացի, այլև ուրիշների առաջընթացին օգնելու համար է»: «Մենք ծնվել ենք այնտեղ, որտեղ ապրում ենք, որպեսզի կարողանանք սիրել և քաջալերել մյուսներին»:

Քրիստոսի աշակերտ լինելը նշանակում է, որ մենք պետք է օգնենք ուրիշներին այս ճանապարհին: «Հիսուս Քրիստոսի ավետարանը չի նվազեցնում մարդկանց կարևորությունը: Մարդիկ են նվազեցնում մարդկանց կարևորությունը։ Եվ մենք պետք է շտկենք դա: Մենք պետք է նրբանկատ լինենք, սիրենք մարդկանց և թույլ տանք, որ նրանք աճեն, բարգավաճեն և դառնան լավագույն անձինք: Նրանք ունեն տաղանդներ, ունակություններ և [անհատականություններ], որոնք անհրաժեշտ են Աստծո արքայությունում»: Երբ մարդիկ գալիս են եկեղեցի, «նրանք պետք է անմիջապես իրենց զգան ընդունված և սիրված, քաջալերված ու ոգեշնչված»: Այնուհետև, դռնից դուրս գալուց հետո նրանք ավելի լավն են դառնում, «քանի որ գիտեն, որ Տերը սիրում է իրենց: [Եվ նրանք գիտեն], որ իրենց հավատքում ընկերներ ունեն» (Carol F. McConkie, “Lifting Others,” ChurchofJesusChrist.org)։