E noa’a ānei iā’u te mau ha’amaita’ira’a i fafauhia mai e te Atua ?

’Oia. Te mau melo ha’apa’o maita’i ’aita tō rātou vaira’a i fa’ati’a ia rātou ’ia fāri’i i te mau ha’amaita’ira’a nō te fa’aipoipora’a mure ’ore ’e te ti’ara’a metua i roto i teie orara’a, e fāri’i ïa rātou i te mau ha’amaita’ira’a ato’a i fafauhia i roto i te mau tau mure ’ore, mai te mea ē, e ha’apa’o rātou i te mau fafaura’a tā rātou i rave ’e te Atua.

’Ua ha’api’i te ari’i ra ’o Beniamina : « ’Ua hina’aro ho’i au ’ia ha’amana’o ato’a ’outou i te maita’i e te ’oa’oa ’o te ta’ata e ha’apa’o i te mau fa’auera’a a te Atua. Inaha ho’i, e ha’amaita’ihia rātou i te mau mea ato’a, ’o te tino nei ’e ’o te Vārua ato’a ho’i ; ’e ’ia ha’apa’o maita’i rātou e tae noa atu i te hōpe’a ra, e fāri’ihia ïa rātou i te ra’i ra, ’ia pārahi rātou ’e te Atua ato’a i roto i te ’oa’oa hope ’ore ra. E ha’amana’o ē, e ha’amana’o ē, e parau mau ïa teie mau parau nei ; ’e nā te Fatu ra nā te Atua i parau mai ra » (Mosia 2:41).