’Ua ’ite mau ānei te Fa’aora i te mea tā’u e ora nei ?

’Ua ’ite maita’i roa te Fa’aora i tō tātou mau fifi ta’a ’ē mau. ’Ei ta’ata tāhuti, ’aita tātou e ta’a pauroa nei. Mai ia Nephi, e nehenehe tā tātou e parau ē : « ’ua ’ite [mātou] ē, ’ua aroha ’oia i tāna mau tamari’i ; ’āre’a rā, ’aita [mātou] i ’ite i te aura’a o te mau mea ato’a » (1 Nephi 11:17).

’A ’imi noa ai ’oe i te mau pāhonora’a ’e te arata’ira’a nō tō ’oe iho tere, e nehenehe ia ’oe ’ia tu’u i tō ’oe ti’aturi i ni’a i te Atua ’e i ni’a i te mana nō te tusia tāra’ehara o tāna Tamaiti. ’Ua rave Iesu Mesia i te mau hara a tō te ao i ni’a iāna ’e ’ua amo ato’a ho’i ’oia i te māuiui ’e te ’ati e fa’aruru atu te ta’ata nei (hi’o Alama 7:11–12).