Mai te mea e nava’i tō’u ha’apa’o maita’i, e ’ore ānei tō’u mana’o au ’ore i tō’u hete ?

E ’ere te mana’o au ’ore i tōna ’āpeni i te fāito nō tō ’oe ha’apa’o maita’i. E rave rahi ta’ata e pure e rave rahi matahiti te maoro, ma te fa’aitoito roa i te ha’apa’o, ’ei tauto’ora’a nō te fa’aiti i taua mana’o ra, ’e tē vai noa ra terā mana’o tū’ati ’ore. E ’ere i te mea varavara. E mea ta’a ’ē te fāito pūai o teie mau mana’o nō terā ’e terā ta’ata, nā reira ato’a i terā ’e terā taime nō te hō’ē ta’ata. E nehenehe ato’a terā mau mana’o e taui mai terā tamari’i i terā tamari’i, nā reira ato’a nō te feiā ’āpī ’e nō te feiā pa’ari.

E ’ere paha nā ’oe e mā’iti i te pūai ’e te roa o teie mau mana’o ; terā rā, nā ’oe e mā’iti e nāhea ’oe i te pāhono i te reira. ’Ua fa’a’ite vetahi mau ta’ata ē, e mea tauturu ’ia ha’atumu ana’e i ni’a i te huru te reira e tauturu ia rātou ’ia ’apo i te ha’api’ira’a ’e ’ia tupu i te rahi. Te fa’atū’atira’a i tō tātou hina’aro i ni’a i te hina’aro o te Atua, ’o te hō’ē ïa ’ohipa faufa’a rahi nō te fa’aro’o ’o tē hōpo’i mai i te mau ha’amaita’ira’a rahi i teienei ’e inaha e rahi atu ā te mau ha’amaita’ira’a i roto i te ao a muri atu (hi’o Te Parau Ha’api’ira’a ’e te mau Parau Fafau 59:23).