Pe malamalama moni ea le Faaola i le mea lea o loo feagai ma a’u?

Ua i ai i le Faaola se malamalamaaga atoatoa i o tatou tulaga iloga. I le avea ai ma tagata faaletino, ua tapulaa ai lo tatou malamalama. E mafai ona tatou tautino faatasi atu ma Nifae ua tatou “iloa e alofa o ia i ana fanau; e ui i lea, [tatou] te le iloa le uiga o mea uma” (1 Nifae 11:17).

A o e sailia ni tali ma le taitaiga mo lau malaga faletagata lava ia, e mafai ona e faalagolago i le Tama Faalelagi ma le mana o loo i ai i le taulaga togiola a Lona Alo. Ina ua tauaveina e Iesu Keriso i Ona lava luga agasala a le lalolagi, sa Ia gaseā foi i tiga ma mafatiaga uma e mafai ona oo i ai soo se tagata soifua (tagai i le Alema 7:11–12).