Afai e lava lo’u faamaoni, pe mata o le a aluese o’u lagona le talafeagai i le itupa faafeagai?

O lagona o le itupa faafeagai e le o se fuataga o lou faamaoni. E toatele tagata e tatalo mo tausaga e tele ma faia mea uma latou te mafaia e usiusitai ai i se taumafaiga e tuuitiitia na ituaiga lagona ae latou te lagonaina pea lava ia feteenaiga. E le o se mea e le masani ai. E eseese lava nei lagona mai se fua o le ogaoga mo tagata eseese ma i taimi eseese mo le tagata lava e tasi. E mafai foi ona eseese lagona mo tamaiti laiti, talavou, ma tagata matutua.

O le ogaoga ma le umi o nei lagona atonu o le a le mafai ona e puleaina; peitai, e mafai ona e filifili i le ala e te tali atu ai. O nisi tagata e fesoasoani tele ia i latou le taulai atu i le ala e fesoasoani ai aafiaga ia i latou e aoao ma tuputupu a’e ai. O le faaogatasi o o tatou loto ma le finagalo o le Atua o se faatinoga taua lea o le faatuatua lea e aumaia ai faamanuiaga maoae i le taimi nei ma e oo lava foi i faamanuiaga maoae atu i le lalolagi a sau (tagai i le Mataupu Faavae ma Feagaiga 59:23).