O ai a’u?

Manatua o le mea muamua ma le aupito taua, o oe o se afafine/atalii o ni matua faalelagi. O le malamalama i le uiga o le avea o se afafine/atalii o le Atua. O ou mafaufauga ia te oe lava e ono suia i le aluga o lou olaga.

Na aoao mai Peresitene Joy D. Jones:

“O le a faamautu mai e le Agaga ia i tatou taitoatasi lo tatou taua paia. O le iloaina moni o oe o se afafine/atalii o le Atua o le a aafia ai vaega uma o lou olaga ma taiala ai oe i auaunaga e te tuuina atu i aso taitasi. Sa faamalamalama mai e Peresitene Spencer W. Kimball i upu mamalu nei:

“O le Atua o lou Tama. E alofa o Ia ia te oe. E matua le mafuatiaina le faatauaina o oe e Ia ma lou Tina o i Le lagi. … E tulagaese oe. O se ituaiga e tasi, ua foafoa i le atamai e faavavau lea ua e maua ai le tofi i le ola e faavavau.

“Ia leai lava se fesiligiaina e lou mafaufau o lou taua o se tagata patino. O le faamoemoega atoa lava o le fuafuaga o le talalelei o le mauaina lea o se avanoa mo outou taitoatasi ia ausia ai o outou gafatia atoa, o lona uiga o le alualu i luma e faavavau ma le avanoa i le tulaga atua’ [“Privileges and Responsibilities of Sisters,” Ensign, Nov. 1978, 105]. …

“… A o siitia i tatou e le Faaola i eleele maualuga atu, e mafai ona sili atu ona manino la tatou vaai e le gata po o ai i tatou ae o le a tatou latalata atili ia te Ia nai lo le mea tatou te mafaufauina” (“O Le Taua le Mafuatiaina,” Liahona, Nov. 2017, 14–15; ua aveese le faamamafa).