E mafai faapefea ona ou saofaga i le malo o le Alii?

Ua folafola mai e le Atua afai tatou te usiusitai i Ana tulafono o le a tatou maua le olioli e faavavau. Na te tausia lava e le aunoa Ana folafolaga. Afai e te faailoa oe lava o se ua fesuiai itupa, e mafai ona e faia ma tausia folafolaga i le Atua. E mafai ona e savali i Lona malamalama ma auai i totonu o Lana Ekalesia.

Na ta’ua e Elder D. Todd Christofferson: “E tofu tagata uma ma meaalofa; e tofu tagata uma ma taleni; e mafai e tagata uma ona saofaga i le tatalaina mai o le fuafuaga paia i tupulaga taitasi. … Ua toatele naua outou o loo faia le mea silisili tou te mafaia. Ma a outou amoina avega aupito mamafatu o le olaga nei, ia outou tutulai mai e puipuia le fuafuaga a le Atua ia faaeaina Lana fanau, ua tatou saunia uma lava e lagolagoina outou. Faatasi ai ma le mautinoa tatou te molimau atu o le Togiola a Iesu Keriso ua faamoemoeina, ma, i le iuga, o le a tauia ai mea uma na le’i mauaina, ma le toilalo o i latou na liliu atu ia te Ia. E leai se tasi na muai fuafuaina faapea e itiiti mea na te maua nai lo mea uma o i le Tama mo Ana fanau” (“Aisea e Faaipoipo Ai, Aisea e Fai ai se Aiga,” Liahona, Me 2015, 52).