Եթե հավատքին հավատարիմ մնամ, արդյո՞ք իմ գենդերային անհամապատասխանության զգացումը կվերանա

Գենդերային անհամապատասխանության զգացումը ձեր հավատարմության չափորոշիչը չէ: Շատ մարդիկ տարիներ շարունակ աղոթում են և ամեն ինչ անում, որպեսզի հնազանդ լինեն և նվազեցնեն այդպիսի զգացումները, սակայն նրանք շարունակում են հակասություններ զգալ: Եվ դա արտասովոր չէ: Տարբեր մարդկանց մոտ այդ փորձառությունը կարող է տարբեր ուժգնություն ունենալ, ինչպես նաև նույն անձի մոտ այն կարող է փոփոխվել կյանքի տարբեր փուլերում: Այդ փորձառությունը կարող է տարբեր լինել նաև երեխաների, երիտասարդների և չափահասների մոտ:

Հնարավոր է, որ դուք չկարողանաք կառավարել այս փորձառության ուժգնությունն ու տևողությունը, սակայն դուք կարող եք որոշել, թե ինչպես արձագանքել դրան: Որոշ մարդկանց համար օգտակար է հասկանալ, թե ինչպես են այդ փորձառություններն օգնում իրենց սովորել և աճել: Ձեր կամքն Աստծո կամքին համապատասխանեցնելը հավատքի կարևոր գործողություն է, որը մեծ օրհնություններ է բերում այժմ և նույնիսկ ավելի մեծ օրհնություններ՝ գալիք աշխարհում (տես Վարդապետություն և Ուխտեր 59.23):