Ի՞նչ պետք է անեմ ընկճված, անհանգիստ լինելու կամ ինքնասպանության մասին մտածելու դեպքում

Ճգնաժամային օգնության թեժ գծեր

Եթե կարծում եք, որ կարող եք ինքներդ ձեզ վնաս պատճառել, անմիջապես դիմեք օգնության: Զանգահարեք ձեր տարածաշրջանի արտակարգ իրավիճակների ծառայություն կամ ճգնաժամային օգնության անվճար թեժ գծին:

Որոշ օգնության թեժ գծեր կարելի է գտնել «Ճգնաժա՞մ եք ապրում Խոսեք հիմա բաժիններում» (ChurchofJesusChrist.org):

Ընկճախտն իրական է և կարող է լինել անհաղթահարելի ու թուլացնող: Եթե դուք ընկճված եք կամ մտածում եք ինքներդ ձեզ վնասելու մասին, խոսեք վստահելի մարդու հետ: Եթե դուք բնակվում եք Միացյալ Նահանգներում, զանգահարեք Ինքնասպանության կանխման ազգային փրկարար ծառայություն: Տես՝ Եկեղեցու նյութերը ինքնասպանության վերաբերյալ, օրինակ՝ Մտքեր ինքնասպանության մասին, Կյանքի օգնություն և Ինքնապահովման բաժիններում ChurchofJesusChrist.org կայքում կամ Gospel Library հավելվածում: Մասնագիտական խորհուրդները և բուժօգնությունը նույնպես կարող են օգնել։

Ընկճախտ և ինքնասպանություն

Հետազոտությունները ցույց են տալիս, որ եթե դուք ունեք տրանսգենդերային զգացումներ, դուք ավելի շատ եք հակված ընկճախտի կամ ինքնասպանության: Եթե դուք ընկճված եք կամ մտածում եք ինքնասպանության մասին, օգնություն խնդրեք իրազեկ հոգեկան առողջության մասնագետից։ Վարդապետություն և սկզբունքները և այլ նյութեր կարելի է գտնել Կյանքի օգնություն և Ինքնապահովման բաժիններում ChurchofJesusChrist.org կամ Gospel Library հավելվածում:

2019 թ. հոկտեմբերի գերագույն համաժողովին քույր Ռեյնա Ի. Ըբարթոն կիսվեց ընկճախտի և ինքնասպանության ցավի հետ կապված իր կյանքի փորձառությամբ: Նա բացատրեց, որ «ընկճվածությունը, անհանգստությունը և հոգեկան ու հուզական չարչարանքի այլ ձևերը… կարող են աղավաղել այն ուղին, որով մենք ընկալում ենք ինքներս մեզ, մյուսներին և նույնիսկ՝ Աստծուն: …

… Մարմնի ցանկացած մասի նման, ուղեղը ենթակա է հիվանդությունների, վնասվածքների և քիմիական անհավասարակշռության: …

Որոշ դեպքերում ընկճախտի կամ անհանգստության պատճառը կարելի է հայտնաբերել, մինչդեռ այլ դեպքերում այն դժվար կլինի նկատել։ … Հնարավոր է նաև անհրաժեշտ լինի բուժում և դեղամիջոցներ՝ որակավորված մասնագետների հսկողության ներքո:

Չբուժված հոգեկան կամ հուզական հիվանդությունը կարող է հանգեցնել մեկուսացման, թյուրիմացությունների, խզված հարաբերությունների, ինքնավնասման և նույնիսկ ինքնասպանության աճի: …

Դժբախտաբար, ծանր ընկճախտից տառապող մարդկանցից շատերը հեռանում են իրենց ընկերակից Սրբերից, քանի որ կարծում են, որ չեն համապատասխանում ինչ-որ երևակայական մարդու չափանիշներին։ Մենք կարող ենք օգնել նրանց իմանալ, որ սա իսկապես նրանց տեղն է։ Կարևոր է հասկանալ, որ ընկճախտը թուլության արդյունք չէ, ոչ էլ այն սովորաբար մեղքի արդյունք է։ Այն «մեծանում է գաղտնիության մեջ, սակայն փոքրանում է կարեկցանքի դեպքում» [Jane Clayson Johnson, Silent Souls Weeping (2018), 197]» («Ամպերի և արևի շողերի միջով, Տեր մնա ինձ հետ», Լիահոնա, նոյեմբեր 2019, 57-58):

Վստահել Աստծուն

Երեց Ջեֆրի Ռ. Հոլլանդը կարեկցանքով է խոսում ընկճախտի խնդրի մասին․ «Ինչպիսին էլ որ լինեն ձեր մաքառումները, իմ եղբայրներ և քույրեր, մտավոր, էմոցիոնալ, ֆիզիկական կամ այլ, մի քվեարկեք այս թանկագին կյանքի դեմ, վերջ դնելով դրան: Վստահեք Աստծուն: Կառչեք Նրա սիրուց: Իմացեք, որ մի օր լուսաբացը կլինի պայծառ, և մահկանացու կյանքի բոլոր ստվերները կվերանան» («Ինչպես կոտրված անոթը», Լիահոնա, նոյեմբեր 2013, 42):