19. Sisaria kei na Bucabuca mai Seroni ki Kameli

Ni da rai vaka ki na vualiku kosova na ikelekele ni waqa makawa e Sisaria kei na Bucabuca mai Seroni ki Kameli. E laurai tale toka ga mai ena ulu ni yaloyalo na veiulunivanua na Kameli.

Na Ka e Yaco: Erau sa veilecalecavi ko Ilaija kei na parofita vakailasu ni Peali ena Ulunivanua ko Kameli (1 Tui 18). Na Via Maris (Sala ni Wasawasa), e dua na gaunisala vakayagataki vakalevu ena gauna makawa, e koto ena yasai Sisaria ki na tokalau. Ni raica oti e dua na raivotu vakasakiti ena nona tiko voli mai Jopa, a tekivutaka ko Pita na nona kaulotu vei ira na kai Matanitu Tani ena nona vakavulica e dua na turaganivalu ni Roma ko Konilio mai Sisaria (Cakacaka 10). A vunau ka vakaitikotiko eke ko Filipe ka va kina na luvena yalewa, eratou a parofisai (Cakacaka 8:40; 21:8–9). A tauri vakavesu tu eke me rua na yabaki ko Paula (Cakacaka 23–26). A vunau vei Vilikesa, Fesito, kei Eroti Akaripa Ⅱ, o koya a qai kaya, “Sa vo e lailai mo rawai au meu lotu va-Karisito” (Cakacaka 26:28).