29. Aceni

Na itaba oqo, ka tauri mai Ariopakusi (Delana o Masi) e vakaraitaka na Akoropoli kei Aceni, na vanua e dau tu kina nodra itikotiko na veikalou eso. Ko Aceni na koro turaga kei Atika e Kirisi ena gauna e liu ia ena gauna ni Veiyalayalati Vou e tu ena yasana ko Akaia e Roma. A vakayacani me vakarokorokotaki kina na kalou yalewa ni Kirisi ko Aceni. Sa yali vei Aceni e vuqa na ka a dau vaqoroqoroi ka vakacerecerei kina ena gauna e liu, ia era se tu ga kina na matakau kei na ivakananumi ni veikalou e vuqa, ka oka kina na “Kalou Tawakilai” (Cakacaka 17:23).

Na Ka e Yaco: Sa sikova na koro na iApositolo ko Paula ka vunautaka nona ivunau me baleta na “Kalou Tawakilai” ena Delana ko Masi (Cakacaka 17:15–34). Era a talai yani na daukaulotu mai Aceni ki na veitiki Kirisi (1 Cesa. 3:1–2).