28. Tani

Na koro makawa oqo ko Tani a dau vakatokai me ko Lesemi (Josu. 19:47) se ko Leisi (Dauvei. 18:7, 14) ni se bera ni ra rawa na Isireli na koro ko ya. Na ivurevure ni wai eso era tu ena vanua oqo, vata kei na ivurevure ni wai mai Sisaria Filipai, sai ira na idavedave ni wai lelevu ka vu mai kina na Uciwai na Joritani. E taba tu eke na vanua a tara tu kina na valetabu nei Jeropoami.

Na Ka e Yaco: A vueti Loti ko Eparaama (iVakate. 14:13–16). Era a taura na vanua oqo na mataqali nei Tani ka ra qai vakayacana ko Tani (Josu. 19:47–48). A cakava ko Jeropoami e dua na valetabu vakailasu kei na dua na bulumakau koula ka qai cau ena nodra vakadrukai na tini na yavusa ena vualiku (1 Tui 12:26–33). Ko Tani na iotioti ni koro vaka-Isireli ki na vualiku—ni tukuni ena ivolanikalou ni vanua vaka-Isireli e tekivu “mai Pieri-sepa ka yaco ki Tani” (2 Veigauna 30:5; ko Pieri-sepa na iotioti ni koro ena ceva). (Raica na DV Tani.)