21. Bucabuca ko Jesireli

Rai ki na ceva-i-ra mai na dela ni Ulunivanua ko Tepori vaka ki na dua na iwase ni Buca ko Jesireli, ka dau kilai talega me Bucabuca ko Esidraloni. E dina ni dau nanumi tu na Buca ko Jesireli ni dua na buca levu, na ka dina ni oqo e vica na buca era semata vata na Bucabuca ko Ako ki na Buca ni Joritani kei na yasayasa ena Wasawasa e Kalili. Me vakaoqo, na buca mada ga o Mikito, e toka ena iwase ni buca oqo ki na ra. Na Buca ko Jesireli sai koya na sala kilai levu duadua me kosova na Vanua Tabu ena kedrau tadruwa na Wasawasa na Mediterenieni ki na ra kei na Buca ni Joritani ki na tokalau.

Na Ka e Yaco: Na gaunisala levu ka cokoti Ijipita kei Mesopotemia e curuma na buca oqo, ka vuqa na veivaluvaluti a vakayacori eke (Dauvei. 1:22–27; 5:19; 2 Tui 23:29–30). Na veilecalecavi levu duadua ena vanua oqo a tekivu ena ivalu ni Amaketone, ka na yaco ni sa voleka na nona iKarua ni Lako Mai na iVakabula; e taura na yacana mai na Har Megiddon, se Ulunivanua ko Mikito (Isi. 38; Joeli 3:9–14; Saka. 14:2–5; iVakata. 16:14–16).