1 Nifayi

INcwadi kaMormoni

Iziqulatho
INtshayelelo noBungqina
1 Nifayi
2 Nifayi
Yakobi
Enoshe
Yaromi
Omnayi
AMazwi kaMormoni
Mozaya
Alma
Hilamani
3 Nifayi
4 Nifayi
Mormoni
Etere
Moronayi

1 Nifayi

Isahluko 1
UNifayi uqalisa ukubhala imbali ngabantu bakhe—ULihayi ubona embonweni intsika yomlilo aze afunde incwadi yobuprofeti—Udumisa uThixo, uchaza ngaphambili ngokuza kukaMesiya, aze aprofethe ngentshabalalo yeYerusalem—Uyatshutshiswa ngamaYuda. Malunga 600 P.K.
Isahluko 2
ULihayi uthabatha usapho lwakhe ukuya entlango kufuphi noLwandle oluBomvu—Bashiya izinto zabo—ULihayi unikela umnikelo wedini eNkosini ufundisa oonyana bakhe ukugcina imiyalelo—ULeymeni noLemuweli bayambombozela kuyise wabo—UNifayi uyathobela aze athandaze ngokholo; INkosi ithetha naye, kwaye uyonyulwa ukuba ongame phezu kwabakhuluwa bakhe. Malunga 600 P.K.
Isahluko 3
Onyana bakaLihayi babuyela eYerusalem ngenjongo yokuzuza amacwecwe obhedu—ULabhan akavumi ukuphulukana namacwecwe—UNifayi uyalela kwaye khuthaza abantakwabo—ULabhan uyaziba izinto zabo aze azame ukubabulala—ULeymeni noLemuweli babetha uNifayi noSem kwaye bayakhalinyelwa yingelosi. Malunga 600–592 P.K.
Isahluko 4
UNifayi ubulala uLabhan ngokomyalelo weNkosi kwaye ngoko ufumana amacwecwe obhedu ngobuchule—UZorami ukhetha ukuzimanya nosapho lukaLihayi entlango. Malunga 600–592 P.K.
Isahluko 5
USaraya ukhalazela uLihayi—Bobabini bavuyela ukubuya koonyana babo—Banikela amadini—Amacwecwe obhedu aqulethe izibhalo zikaMoses nabaprofeti—Amacwecwe alatha uLihayi njengesizukulwana sikaYosefu—ULihayi uprofetha ngezinto ezinxulumene nembewu yakhe kwanokulondolozwa kwamacwecwe. Malunga 600–592 P.K.
Isahluko 6
UNifayi ubhala ngezinto zikaThixo—Injongo kaNifayi kukuphembelela uluntu ukuba luze kuThixo ka-Abraham luze lusindiswe. Malunga 600–592 P.K.
Isahluko 7
Oonyana bakaLihayi babuyela eYerusalem kwaye bamema uIshmayeli nabendlu yakhe ukuba bazimanye kuhambo lwabo—ULeymeni nabanye bayavukela—UNifayi ubongoza abantakwabo ukuba babenokholo eNkosini—Bambophelela ngeentambo babhunge ukumbulala—Ukhululwa ngamandla okholo—Abakhuluwa bakhe bacela uxolo—ULihayi neqela lakhe banikela idini neminikelo etshisiweyo. Malunga 600–592 P.K.
Isahluko 8
ULihayi ubona umbono womthi wobomi—Uyathabatha atye kwisiqhamo sawo aze anqwenele ukuba usapho lwakhe nalo lwenze njalo—Ubona intonga yesinyithi, indlela ecutheneyo nemxinwa, neenkungu zobumnyama ezigubungela abantu—USaraya, uNifayi noSem bayathabatha batye kwisiqhamo, kodwa uLeymeni noLemuweli bayala. Malunga 600–592 P.K.
Isahluko 9
UNifayi wenza amaqela amabini eembali—Iyileyo ibizwa ngokuba ngamacwecwe kaNifayi—Amakhulu amacwecwe aqulathe imbali yezehlabathi; awona mancinane aphathelene okokuqala nezinto ezingcwele. Malunga 600–592 P.K.
Isahluko 10
ULihayi uprofetha ukuba amaYuda aya kuthinjwa ngabaseBhabhilon—Uxela ngokuza koMesiya phakathi kwamaYuda, uMsindisi, uMkhululi—ULihayi uxela kanjalo ngokuza kwalowo oya kubhaptiza iMvana kaThixo—ULihayi uxela ngokufa nangovuko lukaMesiya—Uthelekisa ukusasazwa nokuhlanganiswa kukaSirayeli nomthi womnquma—UNifayi uthetha ngoNyana kaThixo, ngesipho soMoya oyiNgcwele, nangemfuneko yobulungisa. Malunga 600–592 P.K.
Isahluko 11
UNifayi ubona uMoya weNkosi kwaye imbonisa embonweni umthi wobomi—Ubona unina woNyana kaThixo kwaye ufunda ngokuzithoba kukaThixo—Ubona ubhaptizo, ubulungiseleli, kwaye nokubethelelwa emnqamlezweni kweMvana kaThixo—Ubona kanjalo ubizo nobulungiseleli lwaBapostile abaLishumi elineSibini bayo iMvana. Malunga 600–592 P.K.
Isahluko 12
UNifayi ubona kumbono ilizwe lesithembiso; ubulungisa, ubugwenxa, kwaye nentshabalalo yabemi balo, ukuza kweMvana kaThixo phakathi kwabo; uhlobo abaFundi abaLishumi elinaMbini naBapostile abaLishumi elineSibini abaya kumgweba ngalo uSirayeli; nemo yokucekiseka nobunyhuku-nyhuku babo bathi baya buphelela ekungakholweni. Malunga 600–592 P.K.
Isahluko 13
UNifayi ubona kumbono ibandla likamtyholi limiselwa phakathi kweeNtlanga, ukufunyanwa nokusekwa kwamathanga eAmerika, ukulahleka kwenxalenye eninzi eBhayibhileni ecacileyo kunye nenexabiso, unobangela wesimo sokreqo kwabeentlanga, ukubuyiselwa kwevangeli, ukuza ngaphambili kwezibhalo zemihla yokugqibela nokwakhiwa kweZiyon. Malunga 600–592 P.K.
Isahluko 14
Ingelosi ixelela uNifayi ngeentsikelelo neziqalekiso eziya kuwela phezu kwabo abeeNtlanga—Mabini kuphela amabandla: ibandla leMvana kaThixo kunye nebandla likamtyholi—AbaNgcwele bakaThixo kuzo zonke izizwe bayatshutshiswa lilo ibandla elikhulu nelimasikizi—UMpostile uYohane uya kubhala ngokunxulumene nesiphelo sehlabathi. Malunga 600–592 P.K.
Isahluko 15
Inzala kaLihayi iya kufumana ivangeli kubo abeeNtlanga ngemihla yamva—Ukuhlanganiswa kukaSirayeli kufanekiswa kunye nomthi womnquma omasebe wawo endalo aya kumiliselwa kwakhona—UNifayi utolika umbono womthi wobomi kwaye uthetha ngobulungisa bukaThixo ngokwahlula abakhohlakeleyo kwabangamalungisa. Malunga 600–592 P.K.
Isahluko 16
Abakhohlakeleyo bayifumanisa inyaniso inzima—Oonyana bakaLihayi bazimanya neentombi zikaIshamayeli—ILiyahona ikhokela indlela yabo entlango—Imiyalezo evela eNkosini ibhalwa kwiLiyahona amaxesha ngamaxesha—UIshmayeli uyafa; usapho lwakhe luyambombozela ngenxa yeembandezelo. Malunga 600–592 P.K.
Isahluko 17
UNifayi uyalelwa ukwakha inqanawe—Abakhuluwa bakhe bayamphikisa—Ubayala ngokubabalisela imbali yeenkqubo zikaThixo noSirayeli—UNifayi uzaliswa ngamandla kaThixo—Abakhuluwa bakhe bayalelwa ukuba bamchukumise, hleze babune njengengcongolo eyomileyo. Malunga 592–591 P.K.
Isahluko 18
Inqanawa igqityiwe—Ukuzalwa kukaYakobi noYosefu kuyakhankanywa—Iqela likhwela enqanaweni ukusinga kwilizwe lesithembiso—Oonyana bakaIshmayeli nabafazi babo bangenelela kwimihlali kwanemvukelo—UNifayi uyabotshelelwa, kwaye inqanawa iqhutyelwa ngasemva luqhwithela oloyikekayo—UNifayi uyakhululwa, kwaye ngomthandazo wakhe isaqhwithi siyapheza—Abantu bayafika kwilizwe lesithembiso. Malunga 591–589 P.K.
Isahluko 19
UNifayi wenza amacwecwe esinyithi esikrwada kwaye ubhala imbali yabantu bakhe—UThixo kaSirayeli uya kuza ngamakhulu amathandathu eminyaka ukusuka kwilixa awathi uLihayi walishiya elaseYerusalem—UNifayi uxela ngeembulaleko nokubethelelwa Kwakhe emnqalezweni—AmaYuda aya kucekiswa aze asasazwe kude kube yimihla yokugqibela, xa beya kuthi babuyele eNkosini. Malunga 588–570 P.K.
Isahluko 20
INkosi ityhila iinjongo Zayo kuSirayeli—USirayeli wonyulwe ezikweni lenkxwaleko kwaye uza kuphuma eBhabhilon—Thelekisa Isaya 48. Malunga 588–570 P.K.
Isahluko 21
UMesiya uya kuba kukukhanya kwabeeNtlanga kwaye akhulule amabanjwa—USirayeli uya kuhlanganiswa ngamandla kwimihla yokugqibela—Ookumkani baya kuba ngabondli babo—Thelekisa Isaya 49. Malunga 588–570 P.K.
Isahluko 22
USirayeli uya kusasazwa kubo bonke ubuso bomhlaba—AbeeNtlanga baya kwanyisa kwaye bondle uSirayeli ngevangeli ngemihla yokugqibela—USirayeli uya kuhlanganiswa asindiswe, baze abakhohlakeleyo batshiswe njengeendiza—Ubukumkani bomtyholi buya kutshatyalaliswa, aze uSathana akhonkxwe. Malunga 588–570 P.K.

Shicilela

Bandakanya amagqabantshintshi nemigca ngaphantsi

Ngena ukuze usebenzise

Fihla iMibhalo Engezantsi