Alma

INcwadi kaMormoni

Iziqulatho
INtshayelelo noBungqina
1 Nifayi
2 Nifayi
Yakobi
Enoshe
Yaromi
Omnayi
AMazwi kaMormoni
Mozaya
Alma
Hilamani
3 Nifayi
4 Nifayi
Mormoni
Etere
Moronayi

Alma

Isahluko 1
UNehore ufundisa iimfundiso ezingeyonyani, umisa ibandla, uqalisa ububingeleli bobuqhinga, aze abulale uGidiyon—UNehore ufumana isigwebo sokufa ngenxa yamatyala akhe—Ububingeleli bobuqhinga neentshutshiso ziyanwenwa phakathi kwabantu—Ababingeleli baya zibonelela, abantu bakhathalela abangamahlwempu, neBandla liyaphumelela. Malunga 91–88 P.K.
Isahluko 2
UAmlisayi uzama ukuba ngukumkani waza akamkelwa ngelizwi labantu—Abalandeli bakhe bamenza ukumkani—Ama-Amlisayithi adala imfazwe kumaNifayithi aza oyiswa—AmaLeymenayithi nama-Amlisayithi ahlanganisa imikhosi kwaye ayoyiswa—UAlma ubulala uAmlisayi. Malunga 87 P.K.
Isahluko 3
Ama-Amlisayithi aziphawula ngokwelizwi lesiprofetho—AmaLeymenayithi ayeqalekisiwe ngenxa yemvukelo yawo—Abantu bazizisela iziqalekiso phezu kwabo ngokwabo—AmaNifayithi oyisa omnye umkhosi wamaLeymenayithi. Malunga 87–86 P.K.
Isahluko 4
UAlma ubhaptiza amawaka abaguqukileyo—Ubugwenxa buyangena eBandleni, ize inkqubelaphambili yeBandla iphazamiseke—UNifayiha uyonyulwa ukuba abe ngumgwebi oyintloko—UAlma, njengombingeleli omkhulu, uya zinikela kubo ubulungiseleli. Malunga 86–83 P.K.
Isahluko 5
Ukuze kufumaneke usindiso, abantu kufuneka baguquke, kwaye bayigcine imiyalelo, bazalwe kwakhona, bazihlambe iingubo zabo ngegazi likaKrestu, bathobeke bazihlube ekratshini nasemoneni, baze benze imisebenzi yobulungisa—UMalusi oLungileyo ubiza abantu Bakhe—Abo benza imisebenzi emibi ngabantwana bakatyholi—UAlma ungqina ngobunyani bemfundiso yakhe kwaye uyalela abantu ukuba baguquke—Amagama amalungisa aya kubhalwa encwadini yobomi. Malunga 83 P.K.
Isahluko 6
IBandla eZarahemla liyacocwa lize libekwe ngendlela—UAlma uya kuGidiyon ukuya kushumayela. Malunga 83 P.K.
Isahluko 7
UKrestu uya kuzalwa nguMariya—Uya kukhulula amakhamandela okufa aze athwale izono zabantu Bakhe—Abo baguqukayo, babhaptizwe, baze bagcine imiyalelo baya kuba nobomi obungunaphakade—Ubunyhuku-nyhuku abunako ukubudla ilifa ubukumkani bukaThixo—Intobeko, ukholo, ithemba, nothando lwenene ziyafuneka. Malunga 83 P.K.
Isahluko 8
UAlma ushumayela aze abhaptize eMeleki—Akafunwa eAmoniha aze ahambe—Ingelosi imyalela ukuba abuyele aze adanduluke inguquko ebantwini—Uyamkelwa nguAmyuleki, baze bobabini bashumayele eAmoniha. Malunga 82 P.K.
Isahluko 9
UAlma uyalela abantu baseAmoniha ukuba baguquke—INkosi iya kuba nemfesane kuwo amaLeymenayithi ngemihla yokugqibela—Ukuba amaNifayithi ayakulahla ukukhanya, aya kutshatyalaliswa ngamaLeymenayithi—UNyana kaThixo uya kuza kwakamsinya—Uya kukhulula abo baguqukayo, babhaptizwe, baze babenokholo egameni Lakhe. Malunga 82 P.K.
Isahluko 10
ULihayi yinzala kaManase—UAmyuleki ubalisa ngomyalelo wengelosi wokokuba akhathalele uAlma—Imithandazo yamalungisa ibangela ukuba abantu basindiswe—Abaqondisi-mthetho abangemalungisa nabagwebi babeka isiseko sentshabalalo yabantu. Malunga 82 P.K.
Isahluko 11
AmaNifayithi achaza ngendlela emisiweyo yeemali zawo—UAmyuleki uthetha noZiyezirom—UKrestu akayi kusindisa abantu abasezonweni zabo—Kuphela ngabo baya kufumana ilifa lobukumkani bezulu abaya kusindiswa—Bonke abantu baya kuvuka ngemizimba engafiyo—Akukho kufa emva koVuko. Malunga 82 P.K.
Isahluko 12
UAlma uphikisana noZiyezirom—Iimfihlelo zikaThixo zinganikwa kwabathembekileyo kuphela—Abantu bagwetywa ngokweengcinga zabo, iinkolo, amazwi, nemisebenzi—Abakhohlakeleyo baya kuva ubuhlungu bokufa kwasemoyeni—Obu bomi bomzimba onokufa buyimo yobulingwa—Icebo lenkululeko lizisa uVuko kwaye, ngokholo, ukuxolelwa kwezono—Abaguqukileyo banebango kuyo inceba ngoNyana oKuphela koZelweyo. Malunga 82 P.K.
Isahluko 13
Abantu babizwa njengababingeleli abakhulu ngenxa yokholo lwabo olugqithileyo nemisebenzi elungileyo—Kufuneka bafundise imiyalelo—Ngenxa yobulungisa baya ngcwaliswa baze bangene ekuphumleni kweNkosi—UMelkitsedeke waye ngomnye waba—Iingelosi zivakalisa iindaba zovuyo kulo lonke ilizwe—Ziya kubhengeza okona kuthe ncam ukuza kukaKrestu. Malunga 82 P.K.
Isahluko 14
UAlma noAmyuleki bakhonkxiwe baza babethwa—Amakholwa nezibhalo zawo ezingcwele ayatshiswa ngomlilo—Aba bafeli-nkolo bamkelwa yiNkosi ebuqaqawulini—Iindonga zentolongo ziya qhekeka kwaye ziwe—UAlma noAmyulek bayakhululwa, baze abatshutshisi babo babulawe. Malunga 82–81 P.K.
Isahluko 15
UAlma noAmyuleki baya eTsidom baza bamisa ibandla—UAlma uphilisa uZiyezirom, ozibandakanya neBandla—Abaninzi baya bhaptizwa, kwaye iBandla liyaphumelela—UAlma noAmyuleki baya eZarahemla. Malunga 81 P.K.
Isahluko 16
AmaLeymenayithi atshabalalisa abantu baseAmoniha—UZorami ukhokelela amaNifayithi eloyisweni phezu kwamaLeymenayithi—UAlma kwakunye noAmyuleki nabanye abaninzi bashumayela ilizwi—Bafundisa ukuba emva koVuko Lwakhe uKrestu uya kubonakala kumaNifayithi. Malunga 81–77 P.K.
Isahluko 17
Oonyana bakaMozaya banomoya wesiprofetho nowesityhilelo—Bahamba ngeendlela zabo ezahlukahlukeneyo ukuya kuvakalisa ilizwi kumaLeymenayithi—UAmon uya kwilizwe likaIshmayeli aze abe sisicaka sikaKumkani uLamonayi—UAmon usindisa imihlambi kakumkani aze abulale iintshaba zakhe kumanzi aseSebhasi. Iivesi 1–3, malunga 77 P.K.; ivesi 4, malunga 91–77 P.K.; neevesi 5–39, malunga 91 P.K.
Isahluko 18
UKumkani uLamonayi ucinga ukuba uAmon unguye uMoya onaMandla—UAmon ufundisa ukumkani ngeNdalo, nenkqubo kaThixo ngabantu, nangayo inkululeko eza ngoKrestu—ULamonayi uyakholelwa aze awe emhlabeni ngokungathi ufile. Malunga 90 P.K.
Isahluko 19
ULamonayi wamkela ukukhanya kobomi obungunaphakade kwaye ubona uMkhululi—Indlu yakhe yonke iwela kwimo ebuphupharha, baza abaninzi babona iingelosi—UAmon uyalondolozwa ngokumangalisayo—Ubhaptiza abaninzi aze amise ibandla phakathi kwabo. Malunga 90 P.K.
Isahluko 20
INkosi ithumela uAmon eMidonayi ukuba akhulule abazalwana bakhe abafakwe entolongweni—UAmon noLamonayi bahlangana noyise kaLamonayi, ongukumkani phezu kwalo lonke ilizwe—UAmon unyanzelisa umkumkani oselemdala ukuba akuvumele ukukhululwa kwabazalwana bakhe. Malunga 90 P.K.
Isahluko 21
UAron ufundisa ama-Amalekayithi ngoKrestu neNtlawulelo Yakhe—UAron nabazalwana bakhe bafakwa entolongweni eMidonayi—Emva kokuhlangulwa kwabo, bafundisa kwizindlu zesikhungo kwaye baguqula abaninzi—ULamonayi unika inkululeko yonqulo kubantu elizweni likaIshmayeli. Malunga 90–77 P.K.
Isahluko 22
UAron ufundisa uyise kaLamonayi ngeNdalo, uKuwa kuka-Adam, nangecebo lenkululeko ngaye uKrestu—Ukumkani nabendlu yakhe bonke bayaguquka—Ukwahlulwa kwelizwe phakathi kwamaNifayithi namaLeymenayithi kuyacaciswa. Malunga 90–77 P.K.
Isahluko 23
Inkululeko yonqulo iyabhengezwa—AmaLeymenayithi kumazwe asixhenxe nezixeko ayaguquka—Bazibiza ngokuba bangama-Antayi-Nifayi-Lihayi kwaye bakhululwe kuso isiqalekiso—Ama-Amalekayithi nama-Amyulonayithi ala inyaniso. Malunga 90–77 P.K.
Isahluko 24
AmaLeymenayithi ahlasela ngokuchasene nabantu bakaThixo—Ama-Antayi-Nifayi-Lihayi ayagcoba kuKrestu kwaye ahanjelwa ziingelosi—Akhetha ukunyamezela ukufa kunokuba bazikhusele—AmaLeymenayithi angakumbi ayaguquka. Malunga 90–77 P.K.
Isahluko 25
Uhlaselo lwamaLeymenayithi luyanda—Imbewu yababingeleli bakaNowa ifa ngokokuprofetha kuka-Abhinadayi—AmaLeymenayithi amaninzi ayaguquka aze amanyane nabantu baka-Antayi-Nifayi-Lihayi—Ayakholelwa kuKrestu kwaye awugcine umthetho kaMoses. Malunga 90–77 P.K.
Isahluko 26
UAmon uyaqhayisa ngeNkosi—Abanyanisekileyo bayomelezwa yiNkosi kwaye banikwa ulwazi—Ngokholo abantu banokuzisa amawaka emiphefumlo enguqukweni—UThixo unawo onke amandla kwaye uqonda zonke izinto. Malunga 90–77 P.K.
Isahluko 27
INkosi iyalela uAmon ukuba akhokelele abantu baka-Antayi-Nifayi-Lihayi kukhuseleko—Ekuhlanganeni kwakhe noAlma, uvuyo luka-Amon lwawagqiba amandla akhe—AmaNifayithi anika ama-Antayi-Nifayi-Lihayi ilizwe laseYershan—Babizwa ngokuba ngabantu baka-Amon. Malunga 90–77 P.K.
Isahluko 28
AmaLeymenayithi ayoyiswa kwidabi elikhulukazi—Amashumi amawaka ayabulawa—Abakhohlakeleyo bathunyelwa kwimo yesimbonono esingenasiphelo; abangamalungisa bafumana ulonwabo olungasoze luphele. Malunga 77–76 P.K.
Isahluko 29
UAlma unqwenela ukudanduluka inguquko ngenzondelelo ebungelosi—INkosi isinika iititshala kuzo zonke izizwe—UAlma uyaqhayisa ngomsebenzi weNkosi nangempumelelo ka-Amon nabazalwana bakhe. Malunga 76 P.K.
Isahluko 30
UKorihor, umchasi-Krestu, uphoxisa ngoKrestu, ngeNtlawulelo, kwaye nangomoya wesiprofetho—Ufundisa ukuba akukho Thixo, akukho kuwa kwamntu, akukho sohlwayo sesono, kwaye akukho Krestu—UAlma uyangqina okokuba uKrestu uya kuza nokokuba zonke izinto zibonisa okokuba ukho uThixo—UKorihor unyanzelisa umqondiso waza wabethwa wabasisimumu—Umtyholi wayebonakele kuKorihor njengengelosi waza wamfundisa oko amaze akuthethe—UKorihor unyhashelwa phantsi aze afe. Malunga 76–74 P.K.
Isahluko 31
UAlma wongamela umsebenzi omiselweyo wokubanga kwakhona amaZoramayithi akreqileyo—AmaZoramayithi ayamkhanyela uKrestu, akholelwa kwingqikelelo yobuxoki yonyulo, kwaye akhonza ngemithandazo emisiweyo—Abefundisi bazaliswa ngoMoya oyiNgcwele—Iimbandezelo zabo ziginyelwe eluvuyweni lukaKrestu. Malunga 74 P.K.
Isahluko 32
UAlma ufundisa amahlwempu awathi athobeka ngenxa yeembandezelo zawo—Ukholo lithemba kuloo nto engabonwayo kodwa eyinyani—UAlma ungqina ukuba iingelosi zilungiselela amadoda, abafazi, nabantwana—UAlma ulifanisa ilizwi nembewu—Kufuneka lilinywe kwaye londliwe—Lize ke likhule libe ngumthi apho kukhiwa khona iziqhamo zobomi banaphakade. Malunga 74 P.K.
Isahluko 33
UZenoshe wafundisa okokuba abantu kumele bathandaze kwaye banqule kuzo zonke iindawo nokokuba izigwebo ziyarhoxiswa ngenxa yoNyana—UZenokhi wafundisa okokuba inceba inikwa ngenxa yoNyana—UMoses waphakamisa entlango umzekelo woNyana kaThixo. Malunga 74 P.K.
Isahluko 34
UAmyuleki ungqina ukuba ilizwi likuKrestu ukuya elusindisweni—Ngaphandle kokuba kwenziwe intlawulelo, uluntu lonke luya kufa—Wonke umthetho kaMoses ukhomba kwidini loNyana kaThixo—Icebo lanaphakade lenkululeko lisekwe elukholweni nasekuguqukeni—Thandazelani iintsikelelo zasenyameni nezasemoyeni—Obu bomi lilixa lokuba abantu bazilungiselele ukuhlangana noThixo—Lusebenzeleni usindiso lwenu ngoloyiko phambi koThixo. Malunga 74 P.K.
Isahluko 35
Ukushunyayelwa kwelizwi kutshabalalisa izenzo zobuqhinga zamaZoramayithi—Ayabagxotha abaguqukela eNkosini, abathi ke bazimanya nabantu baka-Amon eYershan—UAlma ubalusizi ngenxa yenkohlakalo yabantu. Malunga 74 P.K.
Isahluko 36
UAlma ungqina kuHilamani ngoguqulo lwakhe emva kokuba ebone ingelosi—Weva iintlungu zomphefumlo ogwetyiweyo; walibiza igama likaYesu, waza ke wazalwa nguThixo—Uvuyo olumnandi lwawuzalisa umphefumlo wakhe—Wabona ihlokondiba leengelosi zidumisa uThixo—Abaguquki abaninzi bangcamle kwaye babona njengokuba engcamle kwaye wabona. Malunga 74 P.K.
Isahluko 37
Amacwecwe obhedu nezinye izibhalo alondolozelwe ukuzisa imiphefumlo elusindisweni—AmaYeredayithi atshatyalaliswa ngenxa yenkohlakalo yawo—Izifungo zawo ezisemfihlakalweni neminqophiso kufuneka zifihlwe ebantwini—Cebisanani neNkosi kuzo zonke izinto enizenzayo—Njengokuba iLiyahona yayikhokela amaNifayithi, ngokunjalo ilizwi likaKrestu likhokelela abantu kubomi obungunaphakade. Malunga 74 P.K.
Isahluko 38
UShiblani watshutshiswa ngenxa yobulungisa—Usindiso lukuKrestu, obubomi nokukhanya kwehlabathi—Faka umkhala kuzo zonke iimvakalelo zakho ezinzulu. Malunga 74 P.K.
Isahluko 39
Isono sokulalana silisikizi—Izono zikaKoreyantan ziyawathintela amaZoramayithi ekuzuzeni ilizwi—Inkululeko kaKrestu iyasebenza nangelixa elidluleyo ekusindiseni abanyanisekileyo ababephila ngaphambi kwalo. Malunga 74 P.K.
Isahluko 40
UKrestu ubangela ukuba kwenzeke uvuko lwabo bonke abantu—Abafe bengamalungisa baya eparadesi baze abakhohlakeleyo baye kubumnyama bangaphandle ukulinda umhla wokuvuka kwabo—Zonke izinto ziya kubuyiselwa kowona kanye nofezekileyo umzimba ngoVuko. Malunga 74 P.K.
Isahluko 41
EluVukweni abantu beza ngaphambili kwimo yovuyo olungenasiphelo okanye inkxwaleko engenasiphelo—Inkohlakalo ayizange ibe luvuyo—Abantu abangabenyama abanaye uThixo ehlabathini—Wonke umntu uyafumana kwakhona kuBuyiselo iimpawu nemikhwa abenayo esenyameni. Malunga 74 P.K.
Isahluko 42
Umzimba onokufa lixesha lokulingwa elenzelwe ukuba umntu abenako ukuguquka ukuze akhonze uThixo—Ukuwa kwazisa ukufa kwenyama nomoya phezu kwalo lonke uluntu—Inkululeko iza ngenguquko—UThixo ngeNkqu uhlawulela izono zehlabathi—Inceba yeyabo baguqukayo—Bonke abanye baphantsi kobulungisa bukaThixo—Inceba iza ngenxa yeNtlawulelo—Ngabo bazisola ngokwenene kuphela abasindiswayo. Malunga 74 P.K.
Isahluko 43
UAlma noonyana bakhe bashumayela ilizwi—AmaZoramayithi kwaye namanye amaNifayithi angabakreqi abangamaLeymenayithi—AmaLeymenayithi ahlasela ngokuchasene namaNifayithi ngemfazwe—UMoronayi uxhobisa amaNifayithi ngezikrweqe zokuzikhusela—INkosi ityhilela uAlma ngobuchule bamaLeymenayithi bokulwa imfazwe—AmaNifayithi akhusela amakhaya awo, iinkululeko, iintsapho, nenkolo—Imikhosi kaMoronayi noLihayi irhangqa amaLeymenayithi. Malunga 74 P.K.
Isahluko 44
UMoronayi uyalela amaLeymenayithi ukuba enze umnqophiso woxolo okanye atshatyalaliswe—UZerahemna uyakwala ukukhethiswa isindululo, laza idabi laqala—Imikhosi kaMoronayi iyawoyisa amaLeymenayithi. Malunga 74–73 P.K.
Isahluko 45
UHilamani uyawakholelwa amazwi ka-Alma—UAlma uprofetha intshabalalo yamaNifayithi—Uyalisikelela aze aliqalekise ilizwe—UAlma usenokuba wathatyathelwa phezulu nguMoya, kwanje ngoMoses—Impikiswano iyakhula eBandleni. Malunga 73 P.K.
Isahluko 46
UAmalikhaya wenza iyelenqe lokuba abe ngukumkani—UMoronayi uphakamisa ibhanile yenkululeko—Uhlaziya abantu ukuba bakhusele inkolo yabo—Amakholwa okwenene abizwa ngokuba ngamaKrestu—Intsalela kaYosefu iya kulondolozwa—UAmalikhaya nabakreqi basabela kwilizwe likaNifayi—Abo babengafuni ukuyixhasa injongo yenkululeko baya bulawa. Malunga 73–72 P.K.
Isahluko 47
UAmalikhaya usebenzisa ubuncethezi, ukubulala, nobuqhophololo ukuze abe ngukumkani wamaLeymenayithi—Abakreqi bamaNifayithi bakhohlakele ngakumbi kwaye banoburhalarhume kunamaLeymenayithi. Malunga 72 P.K.
Isahluko 48
UAmalikhaya uthelekisa amaLeymenayithi ngokuchasene namaNifayithi—UMoronayi ulungisa abantu bakhe ukuba bakhusele injongo yamaKrestu—Uyagcotyiswa yinkululeko nokukhululeka kwaye uyindoda kaThixo enamandlakazi. Malunga 72 P.K.
Isahluko 49
AmaLeymenayithi ahlaselayo awakwazi ukuzizuza izixeko ezinqatyisiweyo zaseAmoniha noNowa—UAmalikhaya uqalekisa uThixo kwaye ufungela ukusela igazi likaMoronayi—UHilamani nabazalwana bakhe bayaqhubeka ukomeleza iBandla. Malunga 72 P.K.
Isahluko 50
UMoronayi unqabisa imihlaba yamaNifayithi—Bakha izixeko ezininzi ezitsha—Iimfazwe neentshabalalo zehlela amaNifayithi ngemihla yawo yenkohlakalo namasikizi—UMoriyantoni nabakreqi bakhe bayoyiswa nguTiyanikumi—UNifayiha uyafa, aze unyana wakhe uPhahorani ahlale esihlalweni sokugweba. Malunga 72–67 P.K.
Isahluko 51
Abathandi-kumkani bazama ukuwuguqula umthetho kwaye bamisela ukumkani—UPhahorani kunye nabantu benkululeko baxhaswa ngezwi labantu—UMoronayi unyanzelisa abathandi-kumkani ukuba balikhusele ilizwe labo okanye babulawe—UAmalikhaya kunye namaLeymenayithi bathimba izixeko ezininzi ezinqatyisiweyo—UTiyanikumi uyalubhebhetha uhlaselo lwamaLeymenayithi aze abulale uAmalikhaya ententeni yakhe. Malunga 67–66 P.K.
Isahluko 52
UAmoroni ulandela uAmalikhaya njengokumkani wamaLeymenayithi—UMoronayi, uTiyanikumi, noLihayi bakhokela amaNifayithi kwimfazwe yempumelelo ngokuchasene namaLeymenayithi—Isixeko sikaMyuleki siyathatyathwa kwakhona, kwaye uYakobi umZoramayithi uyabulawa. Malunga 66–64 P.K.
Isahluko 53
Amabanjwa amaLeymenayithi ayasetyenziswa ukunqabisa isixeko iNdyebo—Ukreqo phakathi kwamaNifayithi kuphembelela uloyiso kumaLeymenayithi—UHilamani uthabatha ulawulo lwamagatyana oonyana abangamawaka amabini babantu baka-Amon. Malunga 64–63 P.K.
Isahluko 54
UAmoroni noMoronayi bayathetha-thethana ngotshintshiselwano lwamabanjwa—UMoronayi ugxininisa okokuba amaLeymenayithi arhoxe aze apheze ngohlaselo lwawo olubulalayo—UAmoroni unyanzelisa okokuba amaNifayithi abeke phantsi izikhali zawo aze abephantsi kolawulo lwamaLeymenayithi. Malunga 63 P.K.
Isahluko 55
UMoronayi uyala ukutshintshisa ngamabanjwa—Abalindi bamaLeymenayithi bayahendwa ukuba banxile, kwaye amabanjwa amaNifayithi ayakhululwa—Isixeko sikaGidi siyathatyathwa ngaphandle kwempalalo-gazi. Malunga 63–62 P.K.
Isahluko 56
UHilamani uthumela incwadi kuMoronayi, echaza ngemo yemfazwe namaLeymenayithi—UAntiphasi noHilamani bazuza uloyiso olukhulu phezu kwamaLeymenayithi—Amagatyana oonyana angamawaka amabini kaHilamani alwa ngamandla amangalisayo, kwaye akukho namnye kuwo obulawayo. Ivesi 1, malunga 62 P.K.; iivesi 2–19, malunga 66 P.K.; kwaye iivesi 20–57 malunga 65–64 P.K.
Isahluko 57
UHilamani ubalisa ngokuthatyathwa kweAntiphara nokuzinikela kwaye kamva ukukhuselwa kweKhumenayi—Amagatyana abafana bakhe bama-Amonayithi alwa ngokukhaliphileyo; onke ayangxwelerheka, kodwa akukho babulawayo—UGidi uchaza ngokubulawa nokuzimela kwamabanjwa angamaLeymenayithi. Malunga 63 P.K.
Isahluko 58
UHilamani, uGidi, noTiyomna bathabatha isixeko saseManti ngobuqhinga—AmaLeymenayithi ayarhoxa—Oonyana babantu baka-Amon bayalondolozwa njengoko beme nkqo ekukhuseleni ilungelo labo nenkolo. Malunga 63–62 P.K.
Isahluko 59
UMoronayi ucela uPhahorani ukuba omeleze imikhosi kaHilamani—AmaLeymenayithi athabatha isixeko sikaNifayiha—UMoronayi unomsindo ngakurhulumente. Malunga 62 P.K.
Isahluko 60
UMoronayi ukhalaza kuPhahorani malunga nokungakhathalelwa kwemikhosi ngurhulumente—INkosi iyawayekela amalungisa ukuba abulawe—AmaNifayithi kufuneka asebenzise konke okusemandleni awo neendlela ukuzihlangula ezintshabeni zawo—UMoronayi usongela ukulwa ngokuchasene norhulumente ngaphandle kokuba kunikwa uncedo kwimikhosi yakhe. Malunga 62 P.K.
Isahluko 61
UPhahorani uxelela uMoronayi ngodushe nemvukelo ngokuchasene norhulumente—Abatha-ndikumkani bathabatha iZarahemla kwaye bamanyane namaLeymenayithi—UPhahorani ucela uncedo lomkhosi ngokuchasene nabavukeli. Malunga 62 P.K.
Isahluko 62
UMoronayi uyamatsha ukuya kuncedisa uPhahorani elizweni likaGidiyon—Abathandi-kumkani abangavumiyo ukukhusela ilizwe labo bayabulawa—UPhahorani noMoronayi baphinda bayithabathe iNifayiha—AmaLeymenayithi amaninzi azimanya nabantu baka-Amon—UTiyanikumi ubulala uAmoroni aze naye ngokunjalo abulawe—AmaLeyimenayithi ayagxothwa emke elizweni, kuze kumiselwe uxolo—UHilamani ubuyela kubulungiseleli aze alakhe iBandla. Malunga 62–57 P.K.
Isahluko 63
UShiblani noHilamani kamva wathabathela kubo iimbali ezingcwele—AmaNifayithi amaninzi athabatha uhambo oluya kulo ilizwe elingasemantla—UHagoti wakha iinqanawe, ezihamba emanzini zibheka kulwandle olusentshona—UMoronayiha woyisa amaLeymenayithi ekulweni idabi. Malunga 56–52 P.K.