Hilamani

INcwadi kaMormoni

Iziqulatho
INtshayelelo noBungqina
1 Nifayi
2 Nifayi
Yakobi
Enoshe
Yaromi
Omnayi
AMazwi kaMormoni
Mozaya
Alma
Hilamani
3 Nifayi
4 Nifayi
Mormoni
Etere
Moronayi

Hilamani

Isahluko 1
UPhahorani wesibini uba ngumgwebi oyintloko aze abulawe nguKhishkumeni—UPhakhyumenayi uhlala kuso isihlalo-sokugweba—UKoriyantamri ukhokela imikhosi yamaLeymenayithi, athabathe iZarahemla, aze abulale uPhakhyumenayi—UMoronayiha uyawoyisa amaLeymenayithi aze ayithabathe kwakhona iZarahemla, aze uKoriyantamri abulawe. Malunga 52–50 P.K.
Isahluko 2
UHilamani, unyana kaHilamani, uba ngumgwebi oyintloko—UGadiyantoni ukhokela iqela likaKhishkumeni—Izicaka zikaHilamani zibulala uKhishkumeni, lize iqela likaGadiyantoni lisabe lingene entlango. Malunga 50–49 P.K.
Isahluko 3
AmaNifayithi amaninzi afudukela kulo ilizwe elingasemantla—Akha izindlu zesamente kwaye agcina iimbali ezininzi—Amashumi amawaka ayaguquka kwaye abhaptizwe—Ilizwi likaThixo likhokelela abantu elusindisweni—UNifayi unyana kaHilamani uzalisa isihlalo-sokugweba. Malunga 49–39 P.K.
Isahluko 4
Abakreqi bamaNifayithi namaLeymenayithi bahlanganisa imikhosi baze balithabathe ilizwe laseZarahemla—Ukoyiswa kwamaNifayithi kuza ngenxa yenkohlakalo yawo—IBandla liya liphela, kwaye abantu baba nobuthathaka njengamaLeymenayithi. Malunga 38–30 P.K.
Isahluko 5
UNifayi noLihayi bazinikela ekushumayeleni—Amagama abo ayabakhuthaza ukuba balungelelanise ubomi babo ukulandela emva kokhokho babo—UKrestu ukhulula abo baguqukayo—UNifayi noLihayi benza amagqobhoka amaninzi kwaye bafakwa entolongweni, kwaye umlilo uyabarhangqa—Ilifu lobumnyama ligubungela abantu abangamakhulu amathathu—Umhlaba uyanyikima, lize ilizwi liyalele abantu ukuba baguquke—UNifayi noLihayi bathetha kunye neengelosi, size isihlwele sirhangqwe ngomlilo. Malunga 30 P.K.
Isahluko 6
Amalungisa angamaLeymenayithi ashumayela kwabakhohlakeleyo abangamaNifayithi—Kunye abantu bayaphumelela ngexesha loxolo nentlutha—ULusifa, oyimbangi yesono, uvuselela iintliziyo zabakhohlakeleyo nabaphangi amaGadiyantoni ekubulaleni nenkohlakalo—Abaphangi bathabatha ulawulo loburhulumente bamaNifayithi. Malunga 29–23 P.K.
Isahluko 7
UNifayi uyaliwa emantla aze abuyele eZarahemla—Uyathandaza phezu kwenkcochoyi ekumyezo wakhe aze ke ababongoze abantu ukuba baguquke okanye batshabalale. Malunga 23–21 P.K.
Isahluko 8
Abagwebi abangcolileyo bazama ukulukuhla abantu ngokuchasene noNifayi—UAbraham, uMoses, Zenoshe, uZenokhi, uEziyasi, uIsaya, uYeremiya, uLihayi, noNifayi bonke bangqina ngoKrestu—Ngempembelelo uNifayi wazisa ukubulawa komgwebi oyintloko. Malunga 23–21 P.K.
Isahluko 9
Izithunywa zimfumana umgwebi oyintloko efile esihlalweni sokugweba—Bayavalelwa entolongweni baze kamva bakhululwe—Ngempembelelo uNifayi walatha uSeyantam njengombulali—UNifayi uyavunywa ngabanye njengomprofeti. Malunga 23–21 P.K.
Isahluko 10
INkosi inika uNifayi igunya lokutywina—Unikwa amandla okubopha nokukhulula emhlabeni nasezulwini—Uyalela abantu ukuba baguquke okanye batshabalale—UMoya umthwala ukusuka kwisihlwele ukuya kwisihlwele. Malunga 21–20 P.K.
Isahluko 11
UNifayi ucenga iNkosi ukuba ibabuyisele ngendlala endaweni yemfazwe yabo—Abantu abaninzi bayatshabalala—Bayaguquka, aze uNifayi ancekelele iNkosi ngokucela imvula—UNifayi noLihayi bafumana izityhilelo ezininzi—Abaphangi bakaGadiyantoni bazombela umngxuma wokuzinqabisa elizweni. Malunga 20–6 P.K.
Isahluko 12
Abantu abazinzanga kwaye baziziyatha kwaye bayakhawuleza ukwenza ububi—INkosi iyabakhalimela abantu Bayo—Ukungabinto kwabantu buthelekiswa namandla kaThixo—Ngomhla womgwebo, abantu baya kuzuza ubomi obungunaphakade okanye isigwebo esingunaphakade. Malunga 6 P.K.
Isahluko 13
USamuweli umLeymenayithi uprofetha ngokutshabalala kwamaNifayithi ngaphandle kokuba ayaguquka—Bona nobutyebi babo baqalekisiwe—Bala kwaye baxulube abaprofeti, barhangqwe ziidemoni, kwaye bafuna ulonwabo ngokwenza ubugwenxa. Malunga 6 P.K.
Isahluko 14
USamuweli uxela ngexa elingaphambili ukukhanya ngexesha lasebusuku nangenkwenkwezi entsha ekuzalweni kukaKrestu—UKrestu ukhulula abantu ekufeni kwenyama nomphefumlo—Imiqondiso yokufa Kwakhe iquka iintsuku ezintathu zobumnyama, ukuqhekeka kwamatye, neentlekele ezinkulu zendalo. Malunga 6 P.K.
Isahluko 15
INkosi yakhalimela amaNifayithi ngenxa yokuba yayiwathanda—AmaLeymenayithi aguqukileyo awagungqi kwaye azinzile elukholweni—INkosi iya kuba nenceba kuwo amaLeymenayithi kwimihla yamva. Malunga 6 P.K.
Isahluko 16
AmaNifayi lawo akholelwayo kuSamuweli ayabhaptizwa nguNifayi—USamuweli akanako ukubulawa ngeentolo namatye amaNifayithi angaguqukiyo—Abanye bayaziqaqadekisa iintliziyo zabo, baze abanye babone iingelosi—Abangakholwayo bathi kukungabinangqiqo ukukholelwa kuKrestu nokuza Kwakhe eYerusalem. Malunga 6–1 P.K.