Nephi Binaaltsoos Naakiígíí

1 Áádóó kʼad shí, Nephi, shikʼisóó ałtso nanétą́ąʼgo dóó bikʼijįʼ, nihizhéʼé, Lehi, ałdóʼ ląʼída tʼáadoo leʼé yee yichʼįʼ yááłtiʼ, dóó haitʼáo Bóhólníihii tʼáá íiyisíí kéyah Jerusalemdę́ę́ʼ chʼékaigo bíká eelwodígíí, yee yééyisniiʼ.

2 Dóó tónteel bikáaʼgi akʼijįʼ daazlį́ʼę́ę Diyin God bibee ajoobaʼ bee yisdábííʼeezhgo, tʼáadoo tónteel nadabistseedígíí, yee yichʼįʼ yááłtiʼ.

3 Dóó kéyah bee ahaʼdeetʼáanii, shódayoostʼeʼígíí, ałdóʼ yee yichʼįʼ yááłtiʼ—Bóhólníihii ayóó átʼáo nihaa joobaʼgo kéyah Jerusalemdóó chʼídoohnééł nihidííniidígíí yee yił hoolneʼ.

4 Háálá, jó, shí hoł ííshją́ą́ ályaaígíí iiłtsą́, níí lá, Jerusalem ałtso yíchxǫʼgo shił bééhózin ályaa; dóó tʼáá Jerusalemdi neiikaigo nihí ałdóʼ ndasiitseed dooleeł ńtʼę́ę́ʼ.

5 Ndi, ádííniid, azhą́ tiʼdahwiiʼnííh ndi, kéyah bee ahaʼdeetʼáanii shódeisiiltʼeʼ, éí kéyah tsʼídá aláahdi nidzinígíí átʼé; kéyah éí Bóhólníihii Diyin God yee shił ahaʼdeetʼánígíí, shaʼáłchíní náás daʼahilchíhígíí éí bí dooleeł ńtʼę́ę́ʼ. Aooʼ, Bóhólníihii díí kéyah shí, dóó shaʼáłchíní bichʼįʼ ahaʼdeetʼą́ hoolʼáágóó, dóó háíshį́į́ Bóhólníihii nááná łaʼ kédaayahdę́ę́ʼ chʼíiníʼeezhígíí daabídóʼ.

6 Ákohgo, shí, Lehi, Iiʼsizíinii shiyiʼdi hólónígíí binahjįʼ náásgóó ádahodooníłígíí baa hashneʼ, áko tʼáá háiida díí kéyah doo abidiʼdootʼish da, tʼáá hazhóʼó Bóhólníihii biníʼeezhgo tʼéiyá.

7 Ákohgo, tʼáá háiida yinílóózígíí éí díí kéyah bí dooleełgo yá yididoosįįł. Dóó beedahazʼáanii yaa yiizláhígíí bikʼehgo ndaalnishgo, díí kéyah bikááʼ tʼáá nííkʼe iiná bígo chodayoołʼį́į doo; ákohgo, tsʼídá doo bikʼehodidoodleeł da; ákódáádzaago, éí bąąhági átʼéii yaa naakaiígíí biniinaa dooleeł; háálá bąąhági átʼéii hazlį́įʼgo kéyah bitsʼą́ą́ʼ bikʼijįʼ haʼdoodzih, ndi diné yáʼátʼéehii éí hoolʼáágóó bá bikʼihojídlíi dooleeł.

8 Jó áádóó, hódzą́ągo ntsáhákees díí kéyah áłtsé diné bitsʼąą nanilʼin doo; jó áko, ląʼída ałʼąą dineʼé díí kéyah yikááʼ hadidoobį́į́ł, áko doo há hazʼą́ą da dooleeł;

9 Ákohgo, shí, Lehi, tʼáá aaníí áháʼníigo ahaʼdeetʼáanii łaʼ shóíséłtʼeʼ, Bóhólníihii Diyin God Jerusalemdę́ę́ʼ tʼáá háiida chʼíidooʼishígíí bibeehazʼáanii yikʼeh dahółʼį́įgo éí, díí kéyah bikáaʼgi náásgóó dadínóosééł; dóó náánáłaʼ dineʼé bitsʼąą nanilʼin dooleeł, áko díí kéyah éí tʼáá daabí dooleeł. Dóó Diyin God bibeehazʼáanii yikʼeh dahółʼį́įgo tʼéiyá díí kéyah bikááʼ bikʼidahojídlíi dooleeł, dóó tʼáá háiida éí doo atídabiiłʼį́į da dooleeł, dóó kéyah baa deetʼánígíí doo łaʼ bighadeidooʼáał da; dóó doo átʼéhígóó hoolʼáágóó kéédahatʼį́į dooleeł.

10 Jó ndi, doo daʼoosdląądjįʼ ahoolzhiizhgo, Bóhólníihii ayóó átʼáo bikʼihojisdliʼ dóó bikééʼdę́ę́ʼ ndi—azhą́ nahasdzáán, dóó tʼáá ałtso nihookááʼ dineʼé ályaaígíí bił béédahoozin ndi, nahasdzáán ályaahą́ądą́ą́ʼ Bóhólníihii tsʼídá nizhónígo dóó ayóí átʼáo yáʼátʼéehgo naanish áyiilaahą́ą bił béédahoozin ndi; oodląʼ binahjįʼ adziilii baa haasyá yee tʼáá ałtsoní ádeidoolíiłgo; hodeeyáádą́ą́ʼ tʼáá ałtso beehazʼáanii baa haasyá, dóó biyáʼátʼéehii doo ninítʼiʼii binahjįʼ díí kéyah ílíinii bee ahaʼdeetʼą́ąjįʼ yítʼeezh—jó, ádíshní, háadishį́į́ bikʼíiníłką́ągo Israel beʼAyóó Átʼéii, tʼáá aaníí Messiah, biNináʼnídláii dóó biDiyin God, doo deinízingóó, jó, tʼáá ákogi átʼáo éí bibee ánihwiitʼaahii hakʼi siláa dooleeł.

11 Aooʼ, nááná łaʼ dineʼé dah deíkáhígíí yeidiyooʼish, dóó adziilii yeidiyoolééł, dóó bikéyah yighaidiyooʼnił, dóó atíidoolííł dóó bee taidoojah.

12 Áko, tʼáá oochííł bikʼeh ndaʼahijiltseed dooleeł, dóó hatahgóó tʼáá íiyisíí atídahoʼdilʼį́į dooleeł; ákohgo, shiyeʼ danohłíinii, díí béédaohłniih dooleeł nisin; aooʼ, shizaad deísínóołtsʼą́ą́ʼ dooleeł nisin.

13 O chʼéédadoohdziłę́ę nisin; tʼáá íiyisíí awosh biyiʼdę́ę́ʼ chʼéénohdzííd, aooʼ, chʼį́įdiitahdę́ę́ʼ chʼéénóhdzííd, dóó béésh daʼahólzhaʼí nahalingo bee niheʼestłʼónígíí nahjįʼ óhłééh, éí béésh daʼahólzhaʼígíí nihookááʼ dineʼé bee bidaʼastłʼǫ́ǫgo, bee dawótąʼgo hoolʼáágóó tiʼhooʼnííh biyiʼgóó ahitʼeesh.

14 Chʼéédanohdzííd! Dóó łeeshtahdóó ńdoohjeeh, dóó bitsʼą́ą́dóó hosoolį́įʼii, bitah hoditłidígíí, bizaad deísínóołtsʼą́ą́ʼ, bitsʼíís hodíinaʼgo łeezh sikʼazígíí dóó doo íitsʼaʼígíí biyiʼjįʼ kódoolnííł, dóó doo áádę́ę́ʼ nináʼiildéeh da; dóó tʼáá díkwíhí náánéíską́ągo łeeyiʼgóó deeshłeeł.

15 Jó ndi Bóhólníihii éí chʼį́įdiitahdę́ę́ʼ shitsʼíís dóó shiyiʼsizíinii nináhaazniiʼ, bitsʼádiʼńdínígíí éí yiiłtsą́ dóó beʼayóó óʼóʼníinii hoolʼáágóó yee ádíshółtąʼ.

16 Dóó Bóhólníihii bibeehazʼáanii dóó bibee ánihwiitʼaahii béédaohłniih dooleeł nisin; jó, hahoolzhiizh doo wóshdę́ę́ʼ díí bąąh shíniʼ ńtʼę́ę́ʼ.

17 Náhodiʼnaahgo tʼáá íiyisíí shijéí yínííł náshdleeh, háálá násdzid, háálá nihijéí daastłʼisígíí biniinaa Bóhólníihii nihiDiyin God bibá háchįʼgo tʼáá átʼé nihikʼijįʼ kwíidoolííł, áko hoolʼáágóó áłtsʼánihidooʼnił dóó doo honohłǫ́ǫ́góó ánihidoohłííł.

18 Éí doodago, éí bikʼeh dahóyéeʼii díkwíidishį́į́ są́ náʼoogą́ąʼjįʼ nihikʼijįʼ kwíidoolííł; anaʼí bibééshhał bee atínihidiʼdoolnííł, dóó dichin biiʼ doohkah, dóó danihijoodlaa dooleeł, dóó chʼį́įdii beʼiiníziinii dóó binaalteʼ danohłį́įgo nanihíʼeesh dooleeł.

19 O Shiyeʼ danohłíinii, díí doo nihił áhodooníił da dooleełę́ę nisin, tʼóó Bóhólníihii aláahdi diné ayóó óʼóʼnínii dóó aláahdi bił nilíinii danohłį́į dooleełę́ę nisin. Jó ndi, bí íinízinígi áhodoonííł; háálá bihootʼáałii éí hoolʼáágóó yáʼátʼéehii átʼé.

20 Dóó bí éí ádííniid: Wónáásdóó shibeehazʼáanii bikʼeh dahonohłʼį́įgo éí díí kéyah biyiʼ ńdiʼdoohłééł; ndi wónáásdóó shibeehazʼáanii doo bikʼeh dahonohłʼį́į́góó éí doo shił honohłǫ́ǫ da dooleeł.

21 Áádóó kʼad shitsʼíís dóó shiyiʼsizíinii bee nihaa shił hózhǫ́ǫ doo, dóó nihí nihiniinaa shijéí bił hózhǫ́ǫgo naashidiʼdoolyééł, áko doo tiʼhooʼnííh dóó yínííł bee łeeh shidiʼdooltéeł da díí biniinaa, shiyeʼ, łeeshtahdóó daoohsįįh, dóó hastóí daoohłeeh, dóó nihijéí dóó nihintsékees bee tʼááłáʼí daoohłeehgo daołdził, tʼáá ałtsoní bee tʼááłáʼí daoohłeeh, áko doo naalteʼ biih doohkah da.

22 Doo nichxǫ́ǫ́ʼígo nihá hadoodzih da; dóó ałdóʼ, Diyin God tʼáá ákogi oʼoolʼįįłii doo bá háchįʼ nihikʼijįʼ kódoolníiłgo, nanihidoołtsił da, aooʼ, atsʼíís dóó ayiʼsizíinii tʼáá áła, hoolʼáágóó doochxǫǫł.

23 Shiyeʼ, chʼéédanohdzííd; naageeh yáʼátʼéehii bee hadadohʼnééh. Béésh daʼahólzhaʼii nahalingo bee nihidaʼastłʼónígíí ádąąh ndanohłdééh, dóó chahałheełdę́ę́ʼ chʼínóhkááh, dóó łeeshtahdóó daoohsįįh.

24 Nihikʼis kʼad tʼáadoo bikʼijįʼ nohłíní, ayóó ádaatʼéii ląʼída yiyiiłtsą́, dóó Jerusalem dóó dah diikaidą́ą́ʼ Diyin God bibeehazʼáanii yikʼeh hółʼį́įgo ahoolzhiizh; dóó Diyin God bibee naʼanishí nilį́įgo, kéyah bee ahaʼdeetʼą́ nihiníʼeezhgo; háálá doo bí binahjįʼgóó éí, doo kééhatʼínígi dichin nihííghą́ą́ʼ ńtʼę́ę́ʼ; ákótʼée ndi, bizééʼ náhʼááh ńtʼę́ę́ʼ; aooʼ, dóó nihí nihiniinaa tʼáá íiyisíí yínííł yikʼee tiʼhoozniiʼ.

25 Dóó nihiniinaa tiʼhooʼnííh yiih náádoogááł nisingo, tʼáá íiyisíí bá binásdzid dóó shitah hoditłid; jó háálá, nihikʼi bíhólnííh dóó nihikʼi bidziil nohsingo bee haʼoodzííʼ; ndi shił bééhózingo doo nihikʼi bíhólnííh dóó nihikʼi bidziil da dóó doo éí yíká átʼį́į da, ndi Diyin God biyáʼátʼéehii hátʼį́, dóó hoolʼáágóó ił hózhóonii nihá yíká átʼį́.

26 Dóó bikʼijįʼ yááłtiʼ háálá doo nanitłʼahígíí tʼéí yee nihichʼįʼ yáłtiʼ. Saad bikʼeʼeshchʼíiʼii yee nihichʼįʼ; yáłtiʼ dóó nihichʼįʼ bá háchįʼ dohní; jó ndi, saad bikʼeʼeshchʼíiʼii yee nihichʼįʼ yááłtiʼígíí éí Diyin God bizaad bibee adziilii bikʼeʼeshchʼíʼígíí, biiʼ hólónígíí átʼé; dóó á háchįʼ bidohnínígíí éí tʼáá aaníinii, éí bikʼehgo Diyin God biiʼ hólónígíí átʼé, éí doo tʼą́ą́ʼ kóyóléʼgo, nihibąąhági átʼéii yaa hoolneʼ.

27 Dóó Diyin God bibee adziilii biiʼ hólǫ́ǫ dooleeł lá, éí éí bikʼehgo akʼeh honołʼį́ nihididooniił biniiyé lá. Jó ndi, doo éí bí bíniikʼeh da, ndi Bóhólníihii biiʼSizíinii éí biiʼ hólónígíí átʼį́, éí bizééʼ doo ałchʼįʼ ánéidoodlííłgóó ąą áyiilaago yááłtiʼ.

28 Dóó kʼad shiyeʼ, Laman, áádóó ałdóʼ Lemuel dóó Sam, dóó shiyeʼ, Ishmael biyeʼ danohłínígíí ałdóʼ, jó, Nephi bizaad deísínóołtsʼą́ąʼgo doo dadínóohnéeł da. Dóó tʼáá deísínóołtsʼą́ąʼgo shibee akʼihojídlí, aooʼ, áłtséhígíí bee nihikʼijideeshdliił.

29 Ndi doo deísínóołtsʼą́ą́ʼgóó éí áłtsé shibee akʼihojídlíhígíí nihitsʼą́ą́ʼ náádideeshdlééł, aooʼ, azhą́ shisodizin ndi, shibee akʼihojídlí nahjįʼ nihitsʼą́ą́ʼ kódeeshłííł, dóó éí bí áájígo bikʼijidoodliił.

30 Dóó kʼad, Zoram, nichʼįʼ yáshtiʼ: Jó ni éiyá Laban bá naalnishí nílį́; ákótʼée ndi, kéyah Jerusalemdę́ę́ʼ éí chʼíniʼdeedlóóz, dóó hoolʼáágóó shiyeʼ, Nephi, tʼáá aaníí bikʼis nílį́įgo shił bééhózin.

31 Ákohgo, iinídlánígíí biniinaa, náásgóó naʼáłchíní hodooleełígíí náásgóó bí baʼáłchíní hodooleełígíí bił bikʼihojídlíi dooleeł, áko díí kéyah bikáaʼgi nízaadgóó yáʼátʼéehgo yikááʼ dahináa dooleeł; dóó hoolʼáágóó díí kéyah bikáaʼgi, tsʼídá doo atíbidoolíłí da dóó doo baa ńdootʼįįłí da, tʼáá hazhóʼó bąąhági átʼéii bitah hazlį́įʼgo tʼéiyá.

32 Ákohgo, Bóhólníihii bibeehazʼáanii bikʼeh honíłʼį́įgo, Bóhólníihii díí kéyah bikáaʼgi naʼáłchíní dóó shiyeʼ baʼáłchíní bił dóó baa áháyą́ągo dahináa doogo nihá áyiilaa.