1 Pasobra ata’ki, e dia ta bini ku lo kima manera un fòrnu; i tur esnan orguyoso, si, i tur ku ta hasi maldat, lo ta manera yerba seku; i e dia ku ta bini lo kimanan, e Señor di Ehérsitonan ta bisa, ku e lo no laganan ni rais ni rama.

2 Pero na boso ku ta teme mi nòmber, e Yu di Hustisia lo lanta ku sanamentu den su alanan; i boso lo bai i krese manera bis’é den e stal.

3 I boso lo trapa e malbadonan; pasobra nan lo ta shinishi bou di e suela di boso pianan den e dia ku mi lo hasi esaki, e Señor di ehérsitonan ta bisa.

4 Boso kòrda e lèi di Moisés, mi sirbidó, ku mi a manda na dje na Horeb pa henter Israel, huntu ku e statutonan i huisionan.

5 Ata’ki, lo mi manda Elias e profeta na boso promé ku e dia grandi i teribel di Señor yega;

6 I e lo bolbe e kurason di e tatanan na e yunan, i e kurason di e yunan na nan tatanan, pa mi no bini i heridá e tera ku un maldishon.