1 Skucha, O boso gentilnan, i tende e palabranan di Jesucristo, e Yu di e Dios bibu, ku el a mandami pa mi bisa tokante boso, pasobra, mira el a mandami pa mi skirbi, bisando:

2 Bira, tur boso gentilnan, for di boso kamindanan di inikidat; i arepentí di boso echonan malbadó, di boso gañamentu i mentiranan, i di boso fornikashonnan, i di boso abominashonnan sekreto, i boso idolatríanan, i di boso matamentunan, i boso abusonan saserdotal, i boso envidianan, i boso kontenshon, i for di tur boso maldat i abominashon i bini na ami, i wòrdu boutisá den mi nòmber, pa boso por risibí un remishon di boso pikánan, i wòrdu yená ku Spiritu Santu, pa boso wòrdu kontá huntu ku mi pueblo kendenan ta di e kas di Israel.