1 Dumngegkayo, O dakayo a Gentil, ket denggenyo dagiti balikas ni Jesucristo, ti Anak ti sibibiag a Dios, nga imbilinna kaniak a kasaritak maipapan kadakayo, ta, adtoy binilinnak nga isuratko, a kinunana:

2 Tallikudanyo, dakayo amin a Gentil, dagiti nadangkes a wagasyo; ken agbabawikayo kadagiti dakes nga aramidyo, iti panagulbod ken panangallilawyo, ken pannakiabigyo, ken ti nalimed a kinarimonyo, ken ti panagrukbabyo kadagiti ladawan, ken iti panagpapatayyo, ken iti panaginsasaserdoteyo, ken ti panagiinnapalyo, ken ti panagpungpungtotyo, ken manipud iti amin a kinadangkes ken kinarukeryo, ket umaykayo kaniak, ket mabuniagankayo iti naganko, tapno awatenyo ti pannakaugas ti basolyo, tapno mapnuankayo iti Espiritu Santo, tapno maibilangkayo kadagiti taok nga adda iti balay ti Israel.