1 Jinataj paykuna rerqanku, Diospa nisqanta runasman kikin sinagogasninkupi, wasisninkupiwan yachachiyta qallarerqanku. Arí, nisqanta yachacherqanku callesninkupipis.

2 Jinataj paykuna ukhupi anchata llank’aytawan, pobre runas ukhupi allin rerqa paykunata. Imaraykuchus pobre p’achasniyoj kasqankurayku sinagogasmanta wijch’usqas karqanku.

3 Chayrayku mana sinagogasninkuman Diosta yupaychaj yaykojta saqerqankuchu, ch’ichi runas jinalla paykuna qhawasqa karqanku. Ancha pobres karqanku, arí, hermanosninku paykunata qhawarqanku q’opata jinalla. Jiná, paykuna kay jallp’amanta kapuykunamanta pobres karqanku, sonqomantapis pobres kallarqankutaj.

4 Kunanqa, Alma onidah nisqa orqopi runasta yachachejtin, paykunaman parlajtimpis, ashkha runas payman jamorqanku, paykunataj chay sonqomanta pobre runas, kay jallp’amanta kapuyninkurayku, paykuna karqanku, pikunamantachus willaykuña.

5 Almaman jamorqankutaj; paykunaj pusajnintaj nerqa: Qhawaychis, ¿Imatataj kay hermanosniy ruwanqanku?, imaraykuchus mana kapuyniyoj kasqankurayku tukuy runas paykunata qhesachanku. Arí, sacerdotesniyku astawampis paykunata qhesachanku, imaraykuchus sinagogasniykumanta, mayqenkunatachus kikin makisniykuwan allinta ruwarqayku, chaykunamanta wijch’uwayku. Jinapis, mana kapuyniyoj kasqaykurayku wijch’uwayku, manataj ni mayqen lugar kapuwaykuchu Diosniykuta yupaychanaykupaj. Jiná, ¿Imatataj ruwasajkurí?

6 Kunantaj Almaqa chayta uyariytawan, kutirikorqa payta qhawarispa. Sumaj kusiynin karqa, imaraykuchus payqa phutiyninkuna sonqosninkuta llamp’uyachisqanta rikorqa, rikullarqataj nisqanta uyarinankupaj wakichisqas kasqankuta.

7 Chayrayku mana ni imatawampis parlarqachu waj runasman; astawampis makinta oqharispa, qhawasqa runasta, pikunachus cheqamanta Diosman kutiriyta munarqanku, paykunata wajyarqa, nerqataj:

8 Llamp’u sonqoyoj kasqaykichista rikuni; jinataj kajtin, bendecisqas kankichis.

9 Qhawaychis, hermanoykichis ninña, ¿Imata ruwasajku? — tukuyniyku sinagogasniykumanta wijch’usqas kayku, Diosniykuta mana yupaychanaykupaj.

10 Niykichis, ¿Sinagogasnillaykichispi Diosta yupaychanaykcihista creenkichischu?

11 Astawampis, tapuykichisman, ¿Diosta yupaychanaykcihista sapa semanata uj kutillatapis yuyankichischu?

12 Niykichis, k’umuykusqa kanaykichispaj, yachayniyoj kanaykichispajtaj sinagogasniykichismanta wijch’usqas allin kasqanta. Imaraykuchus yachayniyoj kanaykichis tiyan; wijch’usqas kasqaykichisrayku hermanosniykichis chejnisunkichis mana kapuyniyoj kasqaykichisrayku, llamp’u sonqoyoj kanaykcihiskama. Jinataj k’umuykuchisqas kankichis.

13 Kunantaj, k’umuykuchisqas kasqaykichisrayku bendecisqas kankichis. Imaraykuchus avesnin runa k’umuykuchisqa chayqa, Diosman kutiriyta munan. Cheqamantataj, pichus Diosman kutirin, payqa khuyayta tarenqa. Pitajchus khuyayta tarin, tukukuykama sumajta sayallantaj, payqa salvasqa kanqa.

14 Kunantaj niykichisña, k’umuykuchisqas kasqaykichisrayku bendecisqas karqankichis, ¿Nisqarayku cheqamanta k’umuykojkuna astawampis bendecisqas kasqankuta yuyankichischu?

15 Arí, pichus kikillanmanta k’umuykun, juchasninmanta kutirintaj, tukukuykama sumajta sayantaj, payqa bendecisqa kanqa — arí, astawampis bendecisqa kanqa mana kapuyniyoj kasqankurayku k’umuykuchisqa runasmanta.

16 Chayrayku bendecisqas kanku pikunachus k’umuykunku mana k’umuykuchisqas kaspa; jinapis, chay ninayan, pichus Diospa nisqanta creen, mana rumi sonqowan bautizakullantaj, payqa bendecisqa, arí, mana nisqanta yachachisqa kaspa manataj palabranmanta yachachisqachu, manaraj creeshajtin.

17 Arí, ashkha kanku, pikunachus ninku: Janaj pachamanta señalta qhawachiswasajku chayqa, cheqatapuni yachasajku. Chaymanta creesajku.

18 Kunan tapuni, ¿Fechu chay? Qhawaychis, niykichis, Mana; runa uj imata yachan chayqa, mana creenanchu tiyan, yachasqanrayku.

19 Kunantaj, ¿Jayk’ataj aswan juchachasqa Diospa munayninta yachaj, pichus chayta mana junt’anchu, fenillayoj creejmanta, pichus juchaman urman?

20 Kaymanta juzganaykichis tiyan. Niykichis, uj makipi waj makipi kikin jinalla; tukuy runataj juzgasqa kanqa ruwasqanman jina.

21 Femanta willasqayman jina — feqa mana cabalta yachaychu; chayrayku feniyoj kankichis chayqa, mana rikusqa, cheqa imasta suyankichis.

22 Kunantaj niykichis, yuyarinaykichista munayman Dios tukuy sutimpi creejman khuyayniyoj kasqanta; chayrayku ñawpajta creenaykichista munan, arí, nisqanta creenaykichista munan.

23 Kunantaj angelesnejta nisqasninta runasman willan, arí, mana qharisllamanchu, astawampis warmisman ima. Chaytaj mana tukuychu; ashkha kuti qosqa kanku wawasman yachayniyojkunata pantachisnankupaj.

24 Kunantaj munasqa hermanosníy, ñoqamanta imatachus ruwanaykichista yachayta munankichis, phutiyniyoj kasqaykichisrayku, wijch’usqa kasqaykichisraykutaj — cheqa kajkunaman jinalla qankunata juzgayta munasqayta mana yuyanaykichista munanichu —

25 Mana niyta munanichu tukuyniykichis k’umuykuchisqas kasqaykichista; jinapis cheqamanta creeni qankuna ukhupi wakin, imayna kaspapis, k’umuykunanku kasqanta.

26 Kunantaj femanta willasqayman jina — mana cabalta yachay kasqanta — chay jinataj nisqasniywan. Ñawpajpi cheqa kasqankuta mana cabalta yachayta atinkichischu, chay jinataj feqa mana cabalta yachaychu.

27 Chaywampis, rijch’arinkichis yuyayniykichista jatarichillankichistaj, nisqasniyta qhawanaykichispaj chayqa, uj chhikitan feniyoj kaspapis, arí, creeyta munayta atispalla chayqa, chay munayta qankunapi llank’ajta seqeychis, uj chhikanta nisqasniymanta qankunapi kanampaj creenaykcihiskama.

28 Kunantaj nisqana rijch’achisun uj mujuman. Kunantaj, sonqoykichispi mujuta tarpunapaj lagarta qonkichis chayqa, cheqa muju kajtenqa, allin muju kajtintaj, mana chayta wijch’unkichischu mana creesqaykichisrayku, Señorpa Espiritunta mana kasunaykichispaj chayqa, pechosniykichispi muju wiñanqa. Chay wiñajta sientinkichistaj chayqa, ninakunkichis, nispa — Kayqa allin muju, jinapis nisqanqa allin, imaraykuchus espirituyta jatunchan. Arí, yuyayniyta k’ancharin, arí, ñoqapaj misk’iyan.

29 Kunantaj, ¿Manachu feniykichista jatunchanman kayqa? Niykichis, Arí; chaywampis manaraj cabal yachaymanchu wiñan.

30 Muju punkishajtin, ch’illchimojtintaj, wiñayta qallarejtintaj chaypacha muju allin kasqanta willanaykichis tiyan; punkisqanrayku, ch’illchimusqanrayku, wiñayta qallarisqanraykutaj.

31 Kunantaj; ¿Kay muju allin kasqanta yachankichischu? Niykichis, Arí; imaraykuchus sapa muju rijch’ayninta poqochin.

32 Chayrayku muju wiñan chayqa, allin muju, chaywampis mana wiñanchu chayqa, mana allin mujuchu, chayrayku wijch’usqa.

33 Kunantaj, kayta yachasqaykichisrayku, mujuta tarpusqaykichisraykutaj, muju punkin, ch’illchimuntaj, wiñayta qallarintaj, chayrayku muju allin kasqanta yachaynaykichis tiyan.

34 Kunantaj, ¿Yachayniykichis cabalchu? Arí, chaypi yachayniykichis cabal, feniykichistaj mana kanman jinalla. Chay jinataj kasqa yachasqaykichisrayku, imaraykuchus nisqan qankunata punkisqanta yuyayniykichista k’ancharinampaj, chayta yachallankichistaj, yuyayniykichistaj jatunchakuyta qallarin.

35 Chantá, ¿Manachu cheqa kay? Niykichis, arí, imaraykuchus k’anchayqa. Imatajchus k’anchay, chay kusa, yachanaykichis tiyan. Kunanrí, kay k’anchayta sienteytawan, ¿Yachayniykichis cabalchu?

36 Niykichis, Mana; manataj waj laduman feniykichista churanaykichischu tiyan, imaraykuchus feniykichista apaykacharqankichis mujuta tarpunaykichispaj, muju allinchus manachus kasqanta yachanaykichispaj.

37 Kunantaj, sach’a wiñayta qallarejtin, ninkichis: Sach’ata sumaj munakuywan allinta qarpana, saphichakunampaj, wiñanampaj, poqoyta qonawanchispaj ima. Sach’ata sumaj munakuywan qarpasunchis chayqa, saphichakonqa, wiñanqataj, poqollanqataj frutosta.

38 Chaywampis sach’ata qhesachankichis, manataj qarpankichischu chayqa, mana saphichakonqachu. Intej ruphaynin sach’ata ch’akichin, mana saphiyoj kasqanrayku, chantataj wañupun. Sach’atataj wijch’unkichis.

39 Kunantaj chay mana muju mana allin kasqanraykuchu, manataj poqoynimpa mana allin kasqanraykuchu, astawampis jallp’aykichis mana poqoyniyoj kasqanrayku, jinapis sach’ata mana qarparqankichischu, chayrayku poqoyninta mana jap’iyta atinkichischu.

40 Chay jinapis nisqanta mana tarpunkichischu, fe ñawiwan ñawpajman poqoyninta qhawaspa chayqa, mana ni jayk’ajpis kawsaymanta sach’aj poqoyninta pallakuyta atiwajchischu.

41 Chaywampis nisqanta tarpunkichis, arí, wiñayta qallarej sach’ata qarpankichis, feniykichisnejta allin ruwaykunawan, sumaj suyaywan ima, ñawpajman poqoyninta qhawaspataj chayqa, saphichakonqa. Jinapis wiñay kawsayman wiñaj sach’a kanqa.

42 Sumaj ruwasqaykichisrayku, feniykichisrayku, nisqanwan pacienciakusqaykichisraykutaj chayta tarpuspa, qankunapi saphichakunampaj, chaykunarayku, poqoyninta pallakunkichis. Poqoynintaj asqan valesqa tukuy imamanta, aswan misk’imanta, aswan yuraj tukuy yuraj imasmanta, arí, aswan llimphisitu tukuy llimphu imasmanta. Kay poqoyninta mikhullankichistaj sajsanaykichiskama, manaña yarqhasunaykichiskama, manaña ch’akisunaykichiskamataj.

43 Chaypachataj, hermanosníy, feniykichispa, allin ruwayniykichispa, suyayniykichispa, jatun pacienciaykichispataj t’inkanta pallankichis, sach’a poqopusunaykichista suyasqaykichisrayku.